بسم الله الرحمن الرحيم

حمل المقاطع وأنت تقرأ الموضوع.. المقاطع بآخر الموضوع..!!

توضيح قبل القراءة:

مع هالصبحية ما فيني حيل أكثّر كلام..!!

بأدخل على الموضوع مباشرة

على فكرة: أنا مو كلي هلالي.. أنا المشاغب هكرت على يوزر سالم

أمزح

أنا صحيح المشاغب بس ما هكرت على أحد .. مسالم حيل أنا وهـ بس

باختصار : كلي هلالي راح يصيد غزلان في مدينة رماح السياحية وكلفني أكتب

له هذا الموضوع.. حاولت أني أعتذر منه بحجة المذاكرة وغيرها.. لكنه نشبة بقووة

<<< يا رب ما يجي سالم من رماح إلا بعد ما تنتهي فترة تعديل الموضوع

المهم: توكلت على الله وقلت أبشر يا أبو سلوم ما يصير خاطرك إلا طيب.. والناس

لبعضها

عطاني اليوزر من الساعة 9 مساءً.. وتوي أكتب الموضوع..!! والسبب أني ما خلصت إلا

قبل شوي من قراءة الرسايل الخاصة << بلاوي متلتلة يا سهل آه لو تشوفها.. تراه يحش فيك أنت

والبارق ويقول عنكم أنكم مثل كعبول وعبقرينو

<< بينجلد من سالم :p


الجد: لا حد يصدق والله ما قريت الرسايل لأن سالم ماسح كل الرسايل المهمة اللي عنده

قبل يعطيني اليوزر بالماسنجر

خلصنا التوضيح.. والآن إلى الموضوع

( التوضيح أكبر من الموضوع الأساسي كله )

===========================

يقول سالم:

كنت قد رأيت فيما يرى الرائي رقم جوال اتصل بي ثم أغلق بسرعة

توقعت أنه هامور البورصة لأن هذي حركاته الطفران

بس تفاجأت أن الرقم دولي ويبدأ بالرقم 0022

في البداية ظنيتها بنت..وعلى طول دقيت عليها لأجد الحنان بصوتها الدافئ << بينجلد

لكن تفاجأت بصوت يشبه صوت أسامة المولد

لكن بعد السؤال طلع مهوب أسامة.. طلع من جماعته في السنغال

المهم سألت أبوعبند عن سر الاتصال المفاجئ بدون حتى يحجز موعد؟

فقال لي: أنه شيخ بالسنغال وأن الله ألهمه بأنني مسحور من أحد أقاربي

أخذت معه وأعطيت بالسواليف.. وانتهى الاتصال اللي سجلته بأن خربتها معه وقلت

له أنه نصاب وهددني بأني راح أندم

ما بأحرق عليكم المقطع بأخليكم تسمعونه وتعطوني رايكم فيه

بعد ما سجلت المقطعين أرسلتهم مباشرة للمشاغب.. وبعد سماعه للمقاطع أخذ رقم الدجال

واتصل به

اتصل سلطان على أساس أنه ولد عمي ويبي يغري الدجال بالفلوس ويستهبل عليه :p

بس الدجال قال أن المشاغب أيضاً مسحور وأنه يعاني من مشاكل ( مشفر)

مقطع المشاغب مهوب للنشر..!! ( بكيفي مقطعي وأنا حر فيه )

-----------------------------------------------

ملاحظة هامة وعجيبة:

في نص المقطع الثاني طلع صوت سالم مثل صوت (قحطة) سألته عنه قال أنه ما

يدري كيف طلع صوته كذا؟

المهم استمعت للمقطع 6 دقايق.. وبعد رفع سالم للمقطع على موقع رفع .. طلع مدة المقطع

54 ثانية

تجاهلت الأمر.. وأرسلت المقطع بالماسنجر لشخص ما ... وتفاجأت أنه يقول أن المقطع

مدته 54 ثانية بس مع أنه عندي بالجهاز 6 دقايق

بعد اتصالي بالدجال السنغالي.. أدخلت الـ USB في الكمبيوتر.. وما مداني أنقل المقطع

إلا والـ USB خربت علي

لا حد يخاف الحين.. الوضع عادي بس صدف حصلت لنا وحبينا نقولها لكم


يالله الظاهر أني طولت عليكم.. خذوا المقطعين وياليت أول من يرد يعلمنا كم مدة

المقاطع لأني خايف أنها ماتكون كاملة..!!


المقطع الأول بين التكرونيين كلي هلالي والسنغالي:

المقطع الثاني بين الخدمين السنغالي وكلي هلالي:

==============================

تمت إضافة المقطعين بضيغة الكمبيوتر لمن لم تعمل لديهم المقاطع..!

ولكن الجودة أقل والحجم بالتأكيد أقل.. ولكن على قول المثل : "يشتغل أزين من ما يشغل" :p

المقطع الأول

المقطع الثاني

==================

تحياتي واعذروني على الإطالة.. من زمان ما دردشت مع أحد :p

ملاحظة أخيرة: مالي دخل بالردود.. لاحد يبلشني ما راح أرد على أحد .. سالم بيرد

مع تحيات: كلي هلالي + المشاغب..!!

إقتباس أخذت معه وأعطيت بالسواليف.. وانتهى الاتصال اللي سجلته بأن خربتها معه وقلت

إقتباس له أنه نصاب وهددني بأني راح أندم

هلا وغلا
حبيت اذكر نقطه ولي رجعه بعدين

إقتباس المهم استمعت للمقطع 6 دقايق.. وبعد رفع سالم للمقطع على موقع رفع .. طلع مدة المقطع 54 ثانية

يقلع ابو ابوك يـ السنغالي يابن الأييييه

أمحق شيخ ..

كل كلامه أنا وأنا وأنا وأنا .. أحسه يتكلم بـ ثقه ..

تصدق هي كلمتين اللي فهمتها منه ..

أنا + السرقات .. لأنه رددها عشرين ألف مرهـ ولا ماكنت أبدري وش يقول ..
( تنبيه من المشاغب: السرقات = الصدقات .. لكن بمشيها سرقات )

بس السنغالي قرقه .. مايسكت ..
أنا فرحت أحسبه هو داق على كلي هلالي قلت أحسن يخسر ..
طلع هو اللي داق عليه .. مسوي كريم أنت و وجهك تسولف .. لا وبعد تقول أكمل ياشيخ

في نصاب أفريقي داق على الوالدهـ قبل كم شهر يقول لها نحن نتعامل مع الأرواح واخترناكِ معنا ..
صكت بـ وجهه وجلست تقرا المعوذات .. وتابت ترد على المكالمات الدوليه ..

مير حسبي الله عليهم ..

تصدق اني خفت عليك يوم قال سوف تندم مدري وش :p
الله يكفيك شرهم ..

صوتك اللي بـ نص المقطع أحسبك سويت شي طلع هو من نفسه كذا
يمكن أنبحّ صوتك وأنت ماتدري

ولو ان الموضوع لـ كلي هلالي بس اللي منزله مدري وش يبي صراحه
يقول لنا لاتنزلون مواضيع اختبارات ومدري وش ويروح ينزل لنا موضوع متكتك مأنتك :p


مدة المقطع الأول 54 ثانيه والثاني 5 دقايق وشوي ..

يعطيك العافيه كلي هلالي ..
والله يعافيك يـ المشاغب .. <<يعني اني غيرت :p

أنتبهوا من السرقات أشان تفكوكا منها الهراميات الكدابات

هلا وغلا بسالم + المشاغب ..

حقيقه فعلك مايطاق وحقيقه المقاطع ما اشتغلت عندي

بس الله يستر عليكم ولد جيراننا سحره واحد سنغالي وطلع له ذيل برقبته وبدا يطير

بس انا عندي ملاحظه مهمه خارج نطاق الموضوع

الحين ياسالم يالنجس الـCV حقك يقول انك عاطل ولاعندك لا شغل ولا مشغله وشوله تروح تشغل المشاغب وانت تدري ان عنده اختبارات

والله لو انا من المشاغب كان أكلم على الساحر وأقوله رجع سالم لسادس ب

فمااان الكريم،،

والله المقطع ما يشتغل

شغلته بالنوكيا ميديا بلير
ما اشتغل

بعد ارسلته لجوالي ما اشتغل


شف لك صرفة
اتعب عشان ترسم الابتسامة على وجهي
هههههههههههههههههههههههه

إقتباس والله لو انا من المشاغب كان أكلم على الساحر وأقوله رجع سالم لسادس ب

خخخخخخخخخخخخخخخخخخخخخخخخخخخخخخخخخخ

________

موب عاقل هــ السنغالي ..

ياويلك يا سالم كلها يومين وتوصلك بلاوي هــ السنغالي ..


الله يعينك بس ..


بس لا تنسانا من الغزلان الي بتجيبها ..

ياشباب المقاطع ماتشتغل مايشتغل!!

سهل/ أفا عليك .. لا شكر على واجب.. النذالة تجري في عروقنا

حبيبي توتي/ والله بطل.. بيض الله وجهك على التوضيح..!!

ماجد مقبل / خلني ساكت ولا بأعلم بالرسايل اللي بينكم ;)

الهاوي/ لا ومن زين الطبايع حاط هالتوقيع الغبي وما استحى مني يوم يطلب.. صدق وجهه مغسول بحليب نيدو..!!

النهاية وعاشق مدريد/ تم تغيير ضيغة المقاطع للكمبيوتر لأجل عيونكم..!!

المقطع الأول

المقطع الثاني

إقتباس النهاية وعاشق مدريد/ تم تغيير ضيغة المقاطع للكمبيوتر لأجل عيونكم..!!

لا هنت على تغيير الضيغة
ولو سمحت لا تحط ضيغ رار مرة ثانية <<< ما يقصد شي هههههههه

انا جتني مرة مكالمة لم يرد عليها وكان الرقم يبدا بـ22 انا بعد ماسمعت لتنبيهات الاتصالات

على طول اتصل على 900 المهم اتصلت وقال انه من السنغال وقال انهم دجالين حتى ذكر انهم من باب الاستغلال لأنهم عارفين ربعنا


احمد ربك ماسحرك عبر الأقمار الصناعية