#1  
قديم 05/06/2007, 02:10 AM
زعيــم نشيــط
تاريخ التسجيل: 12/11/2005
مشاركات: 514
Angry كل سنة وانتم طيبين ؟ هلال العام نفس هلال السنه ؟

بدون مقدمات وبدون اعذار : مباشرة على الهوا
وكلامي هذا اقسم بالله ليس عصبيه لكن من سنتين واحنا نتابع وماتغير شيء تصدقون
نفس اللاعبين ثلاثة ارباعهم ماسكين خانتهم طفح الكيل قسم بالله طفح وصل حده
الى متى ندور اعذار من بعثة العين والوصول والمدرب . . و و و .... الخ
الدعيع /
يعطيك عشر مبارايات صح ( غير النهائيات ) و100 مباراة حارس
( بدائي ) وفي النهائي
كأنه غير موجود
لا بد اراحته بالاحتياط للشمري . . .
المفرج /
اخطاء واضحه في اغلب النهائيات
تفاريس /
وكأنه هلالي منذ الصغر
العنقري /
الهلال اكبر منك بمراحل فلا انت اللي تأدي واجبك كدفاعي ولا حتى كلاعب فدائي
خواف صغير في السن والغلطه مهيب عليك على اللي يلعبك ومن زمااااان قسم بالله اقول ان الهلال
اكبر منك وخصوصا في هذه الخانه اجل الصقري المنتهي يسحب في ويعكس مليون مره وانت
تتسحب على رجلينك بصراحه يمكن تنفع وسط بس اذا موجود موجود مع الهلال فلازم احتياط الاحتياط
الخثران /
ياخي اعتزل اعقلها وتوكل والله من ثلاث سنين وانا اراهن انك خلاص باي باي عرب
المشكله مافيه احد مكان خانتك يمسكها منهو الجري مدري منهو اللي جابه للهلال بس
يعني وياقلب لا تحزن الخثران بصراحه اهم سبب واكبر سبب في خسائر الهلال منذ الخمسات
من الشارقه والاهلي والاتحاد والشباب والله في نظري لاعب لا ينفع الهلال بل مضر اكثر من انه مفيد
سرحوه مثل ماسرحتو الشريده خلوه يلعب في الشعله الرائد اي فريق يبي المهم نقوله ماقصرت توكل
عزيز والغامدي /
اداور مخفيه ومجتهدين ولكن اغلاطهم كثيره ويضيعون اذا ضاع النص او ضاع الدفاع
وممكن يفيدون بشكل كبير خصوصا اذا كان معهم اظهره مثل الناس مو العنقري والخثران المنتهيين
الغنام /
من بعد اصابته وهو شبهه منتهي وخصوصا في المبارايات القويه ماتحس انه قاعد يلعب
بالعكس مرتبك ويربك الفريق ككل وكوره مقطوعه المفروض يكون احتياط الاحتياط بكل صراحه او
مع فريق اولمبي او يشوفون له صرفه ياطور مستواك يانتقل ونستفيد من انتقالك . .
ياسر القحطاني /
مقاتل من الدرجه الاولى صحيح يطول بالكره بس يفيد على الاقل
في هدف في صناعة هدف في سحب دفاع بأكمله ومايحتاج شهاده مني في الكلام هذا
وشوفو وش صار للهلال بعد ماطلع تقدموا دفاع الاتحاد على بكرة ابيهم
الفن /
بصراحه احلى شيء معجبني فيه حركته اللي يسويها وفي مباراة نهائي
يعني لاعب عادي جدا بطيء ممل يقتل الهجمات غير مبالي
الشرهه على اللي جابه والله يبط الكبد المشكله ان قورارو المسكين احسن منك وطنشوه
القهر ان الحزم والطائي وغيره يجيبون لاعبين احسن من لاعبين الهلال محترفين نفسي اعرف السبب
التايب /
فنان من الدرجه الاولى يحتاج من يكون معه في الوسط بشكل ممتاز ون تو
واللاعب مفيد جدا وكثير الاستعراض جدا لكن في النهايه يعطيك كوره اهداف فاولات يعني بالعربي
مفيد ونحتاجه الموسم القادم وضاع في المباراة الاخيره بجهود الدلخ باكيتا

العنبر /
مهوب وقتك تلعب في نهائي زي كذا يعني تنفع احتياط في مباراة تجريبيه قسم بالله

فهد المبارك /
لاعب مجتهد ومثابر ولك مستقبل بس بعد مهوب وقتك في النهائي والهلال رايح فيها

باكيتا / يعني واضحه ياجماعه مانجح مع المنتخب ورفض يجيب غير تكر والمنتشري يضم بديل
ومع هذا تتعاقدون معه بطولاتنا معه كانت عن كوره ثابته مرتين اخذناها بالشكل هذا وكان معنا
لاعب يشوووت ويحط كوره هو كماتشو سيء الذكر فباكيتا لما راح للمنتخب اقسم بالله انكشف
مدرب جبان خواف دايم يدافع والهلال اخذ كم بطوله بالثابته وان الله ساتر علينا وعلى هالغبي من ذاك اليوم
عذرنا باكيتا في كأس العالم بس يوم جا وقت الصمايل في دورة الخليج انكشف انه من جد غبي
ولا ينفع الا يدرب شباب التعاون والا الحماده انكشف انكشف من جد حقين نادي قطر اللي تعاقدوا معه
توهقوا فيه بشكل ...
سامي والتمياط / ظلمكم هالدلخ بعدم مشاركتكم ولو معنويا في المباراة

سامي والتمياط والياس والصويلح والخراشي / ظلمكم هالمدرب الغبي بعدم اللعب
قسم بالله العظيم لو لعب اثنين منهم بس رايح يتغير شيء كثير في المباراة
اي احسن العنبر والا الخراشي ؟
العنبر والا الصويلح ؟
فهد المبارك او التمياط ؟
سامي والا الفن ؟
الياس والا العنقري ؟
طبعا مانقدر نقول الخثران والا الجري لانهم كلهم يحتاجون تسريح نهائي



وكل هالكلام ولسىىىى كني ماقلت شيء وهذا فيض من غيض والله باقي كلام كثير
كثير كثير ماقلته بألف مجلدات في الاسباب وفي هلالنا وحاله اللي يرثى له الهلال معاد هو هلال
خلالالالالالالالالالالالالالالالالاص اعترفوا وبسسسسسسس الهلال انصاف الهلال لا لعب ولا كوره حلوه
ولا حتى بطوله نحلي فيها محليه سلالالالالالالالالالالالالالالالالالام
اضافة رد مع اقتباس
  #2  
قديم 10/06/2007, 08:35 PM
زعيــم نشيــط
تاريخ التسجيل: 12/11/2005
مشاركات: 514
Angry

الهلال يحتاج الى قلبي دفاع غير تفاريس والمفرج واحمد خليل
يحتاج الى ثلاثة اظهره اثنين يسار وواحد يمين
يحتاج الى لاعب وسط مهاري وموجود هو التايب
يحتاج الى لاعب هجومي وهداف غير الفن سيء الذكر
يحتاج الى غربلة الفريق كاملة
5 لاعبين دايركت يتحولون الى الاحتياط واحتياط الاحتياط كأقل تقدير
اتاحة الفرصه لاكثر من 8 لاعبين من شباب الهلال او الاولمبي
احضار 4 لاعبين للفريق من اي فرق صغيره او كبيره حسب مايحتاج الفرق


*******************************************
وغير كذا سلموني على الهلال السنه الجايه وكل سنه وانتم طيبين
اضافة رد مع اقتباس
  #3  
قديم 10/06/2007, 08:50 PM
زعيــم متواصــل
تاريخ التسجيل: 06/01/2007
المكان: الرياض
مشاركات: 183
الأظهره والمفرج والباقي والله ممتاز بس نبي أظهره ودفاع بجنب تفاريس لو يدربهم سامي يفوزون بالراحه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:12 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube