بسم الله الرحمن الرحيم


طبعا تعبت وانا اكتب عن محمد بن فيصل والناس المندسة لكن محمد بن فيصل بنفسه رد عليهم

وعبر القناة الرياضية قبل شوي واللي يؤلفون قصة معسكر العين وانه تكلم على محمد الدعيع وسامي الجابر هذي كـــــذبـــــــــة

بس حسبي الله على الرياضي مع اني ما قريتها بس اتوقع ان كثيرين منكم اخذوا الخبر منها

والمشكلة الأدهى والأمر اني اكتشفت ان كثير من جمهور الهلال ( مع الخيل يا شقرا ) ولا تزعلون هذا الصدق

اذا شفتوا واحد سب سبيتوا ، واذا شفتوا واحد مدح مدحتوا

والكارثة ان هالكلام صار على اميرنا المحبوب يعني قبل امس نقول ( اسمع يابو سلطان .. نحبك نحبك )

بعدين صار ..( الكلمة الي يقولونها الحاقدين ) ؟؟؟؟؟؟؟؟؟؟؟؟؟

كل اللي صار انه عاقب سامي والدعيع مثل الصويلح في العام الماضي عشان تأخيرهم في رحلة طاشقند وانتهت المسألة وبصراحة العدل عدل


بالنسبة لمعسكر العين كانت نظرة من باكيتا انه يكون قبل النهائي بـ 4 أيام وكان مصر

ولا تقولون لي لازم يتدخل .. لانكم والله اذا تدخل قلتوا غلط ؟؟عاد لا تقولون الحين لازم يتدخل ؟؟ ( شي يحير ) !!

وانا اشوف انه سوى الصح وترك النظرة الفنية للمدير الفني وهذا الأصل في الصح

بالنسبة لتأخر الطايرة وضح انه كان بسبب الأحوال الجوية ولا تقعدون تصدقون صحافة الفقر انه بسبب المادة ؟؟

وبعدين الطايرة رجعت 11:45 وذكرنا بمباراة الهلال والنصر 1409 يوم فاز الهلال 3/0 وكانوا واصلين جدة الساعة 1 وربع

بس كل منا يدور عذر ولا نبي نحمل اللاعبين ولا المدرب المسؤولية ومثل ما قلت صار منا ( مع الخيل يا شقرا ) شاف واحد يسب وقام يسب

بالنسبة لبيسيرو تروا مو كل شي 4 4 2 وإلا 4 5 1 وإلا .... في شي اسمه تدريب في النادي يعني كيف يدربهم كيف يعاملهم كيف كيف ... إلخ

قال محمد بن فيصل إن إعداده سيء بدليل إنه حتى آخر أيام وجوده بدا الفريق يهبط مستواه


وهذا التوضيح وبأمانه اترك لكم الحُكم ورجاءً بدون عاطفة لاي لاعب او شي زي كذا لأن الهلال أولاً وفكروا وشوفوا

وانا مستعد اناقش اي واحد !!




تحياتي

هذي المشكلة
الهلاليين لو يقاطعون الرياضي كان مالقوا احد يشريها

صادق أخوي وأهنيك على إخلاصك للهلال وللمحبوب أبوسلطان .

فرانكو والله انك صادق
الرياضي ما عندها غير محمد بن فيصل ؟؟؟ مدري وش سوا لهم لكن الله عادل وراح ياخذ حقه منهم

واشكر الجميع على المرور

انا قرية الخبر ولاكن ماصدقة
ما أقول إلى حسبي الله على جريدة الرياضي
وأنصح الهلاليه مايشترون جريدة الرياضي لانها اتحاديه
ويطلعون أشاعات على الهلال

مشكورين عالمرور والرياضي غنية عن التعريف

انا من جد انصدمت من الي شفته في المنتدى

على الغالي صاحب السمو الامير محمد بن فيصل

ومستغرب من شي وربي انو كثير اعضاء ماشين على الضروف

يعني في شي لصالح الهلال خلو الامير المحبوب ماكو زيه وطلعوه السماء

واذا صار العكس مايحتاج اقول شي الكل شايف

بس انا بقول كلمت حق الامير محمد بن فيصل ماقصر سوا الي عليه

ومايستحق الي انكتب والي صار ومهما صار ومهما كان يضل ابو سلطان

قصبن على الكل والمندسين اولهم اسطوره رائعه مرة بنادي الهلال

وتمناله التوفيق بحياته ومراح ننساه مهما صار الي عرف ابو سلطان مستحيل

ينساه وراح يضل بقلوبنا الامير المحبوب

والله يقدم الي فيه الخير

لزعيم اسياء

شكرا على الموضوع فعلن هناك ناس ماتقدر الأمير محمد بن فيصل الي تعب وترك التزاماته علشان الهلال وتجيك ناس يا انهم مندسين او عقولهم صغيره تتكلم عليه
بالتوفيق لأبوسلطان الي ما شفنا منه الا كل خير

ماليك منهم بس والله الي صار قهر جمهور فوز بس
عاطفييييين ويصدقون اي شي
معاهم معاهم عليهم عليهم
والله عجزت وانا اكتب من بعد المباراة
الايام بتثبت..
وبكره يندمون على رحيله..

وهذا موضوعي بعد كتبته بعد المباراة مباشرة..

محمد بن فيصل..ستبقى الافضل وذكراك عطرة في قلوبنا

معليش باول موسم كان كويس والثاني لاباس اما الثالث فخرب كل شي
كل ماانهزم الهلال قال باستقيل واذا فاز قال تراجعت وهذا ابد ماكان في صالح الهلال وهذا واحد من الاخطاء الكثير اللي سواهاه الله يهديه

والله اني مثلك يا عالم الهلال

تعبت وانا اكتب بس كل مواضيعي راحت بالصفحة الثانية

يعني هل يعقل إن هلالي يقول لمحمد بن فيصل ( الطفل ) ؟؟؟؟؟؟؟؟

انت روح موقع سامي وشف وش يقولون عنه

على بالهم يحارب سامي ؟؟

خصوصا اننا نعرف علاقة محمد بن فيصل مع سامي خصوصا ؟!!!!!!!!!!!!!

لكن انا قررت بعد ذلك إني اكره جمهور الهلال بصراحة ولا يزعلون علي

لانهم شوهوا الصورة وخلو غيرنا يشمت فينا

شاكر لك مرورك

إقتباس معليش باول موسم كان كويس والثاني لاباس اما الثالث فخرب كل شي كل ماانهزم الهلال قال باستقيل واذا فاز قال تراجعت وهذا ابد ماكان في صالح الهلال وهذا واحد من الاخطاء الكثير اللي سواهاه الله يهديه

ياخي والله والله ما سواها؟؟؟

هذا كلام جرايد يسوون له استقالة بكيفهم عاد انت لا تصدق كل شي رجاءً

طالع بالتلفزيون يقولها مااخذ على كلام الصحافه