لا نضحك على بعض الهلال ما يستحق البطوله - نادي الهلال السعودي - شبكة الزعيم

R.O.M.A _10 · #1 04/06/2007, 06:07 PM

الـــســـلآم عليكــم ورحمـــة الله وبــركــآتـــه ..

اول شيء مبروك للعميد الكاس ( يستاهلون ) ..

هاردلك لزعيمنآ ..

آبــي آقول شيء ..

والله العظــيم الهلال ما يستحق الكاس ( عطفآً على تسديدة الغامدي ) ..

والمستوى الهزيل اللي ظهروبه اليوم يدل على كلامي ..

الاتحاد صحى بالشوط الثاني ولعب في حسبت ابو جدنا لعب ..

تكتيك .. قتاليه .. روح الفريق الواحد .. هـــذآ الإتحــآد اليوم ..
استعراض .. إتكآليه .. تشتت ذهني .. هــــــذآ الهـــلآل الــيوم ..

بصراحه ابي اقول شغله ( اذا هذا مستوانا بالدور الثاني لابطال اسيا ) احسن لنا ننسحب !!

ابي اوجز عدة نقآط انا شايفها سبب رئيسي لهزيمتنا اليوم .. × اللعب بثلاث محاور ..
× مشكلة الظهير الايمن ( وربي حرام يسمى ظهير هذاك اللاعب ) .
× تدني مستوى ياسر ( ابي اعرف وش بلاه ) ؟؟؟؟؟؟؟

× المحترف المقلب ( رودريقو الفان ) .

× ارهاق التايب بعدم الزج بلاعب ثاني وسط يسانده مثل ( التمياط ؛ او فهد مبارك ) ..
× إصابة الشلهوب الغريبه ..

× معسكر العين ..

آخر نقطه ابي اتكلم عنها ( معسكر العين ) ..

ســـلـــبـــيـــــآتـــــه ....

- تغير الجو على اللاعبين وخلال 18 ساعه ( عطفآً على تآخير الرحله ) !!

- إصابة الشلهوب في هذا المعسكر ..

- المباريات الوديه الهزيله ( تقارن مستوى الحاله البحريني بالاتحاد ) حرااااااام عليكم !!

- إرهاق اللاعبين ( السفر ، كثرة التمارين بهذا المعسكر الهزيل ) .. على العموم ..

× ابي احط لكم كم نقطه للنهوظ بمستوى الهلال بالدور الثاني من أبطال آسيآ ..
- التعاقد مع مدرب يعرف اللاعبين جيداً ( لقرب دور الثمانيه ) يعني حرام تجيب مدرب ما يعرف شيء

عن الهلال وتبيه يأهلك بسرعه للنهائيات ..

- التعاقد مع لاعب اجنبي ظهير ايمن مدافع ( او جلب حسن معاذ على سبيل الاعاره ) ..
- تسريح ألفان ..

- برنامج علاجي مطول لياسر ( والله ياسر مليان اصابات حرام عليكم لا ترهقوه زياده )

- اعارة واحد من الاثنين ( مالك معاذ ، او محمد نور ) لانو بصراحه .. تخيلوا التايب ومحمد نور والغامدي وعزيز والشلهوب وقدام ياسر >> اجل ما نحتاج مالك على كذا

ادري بتقولوا وش نبي بنور ( خلونا صريحين والله محمد نور لاعب كبير ) ..

مع العلم ان الاهلي سبق ورفض اعارة مالك للهلال ..

..........

ادري طولت بس وش اسوي .. والله منقهر ...

هاردلك يا زعيم ..

مبروك يا عميد تستااااااااااااااااهلون والله ..

تحياتي ..

القـــنـــ 20 ـــاصـ · #2 04/06/2007, 06:19 PM

صدقت ,,

على فكرة اشوف ايقافاتك مدهرة هالايام ,, وش السالفة؟؟

R.O.M.A _10 · #3 04/06/2007, 06:22 PM

إقتباس

الرسالة الأصلية كتبت بواسطة القـــنـــ 20 ـــاصـ


	صدقت ,, على فكرة اشوف ايقافاتك مدهرة هالايام ,, وش السالفة؟؟

مشكور على مرورك ,,, أما بالنسبة لإيقافاتي فخلها على الله

ღهلابوليღ · #4 04/06/2007, 06:33 PM

محمد نور لو تفرش له الأرض ذهب ما جا للهلال

R.O.M.A _10 · #5 04/06/2007, 07:27 PM

يعطيكم العافية ,,

احـلـى هـلالـي · #6 04/06/2007, 08:06 PM

والله انك صادق

وربي اني يوم شفت الشوط الاول كان حلو هجمات من هنا ومن هنا

اما الشوط الثاني يؤ يؤ يؤ يؤ يؤ

انقلب 100 % بـ 100 %

d7oom_11 · #7 04/06/2007, 08:22 PM

صدقت اخوي نور لو تفرش له الارض والسماء ذهب ما جاء

Max2002 · #8 04/06/2007, 08:35 PM

اولا كان الاولى انك تكتب العنوان كالتالي:

لا نضحك على بعض الهلال ما يستحق الفوز بالمباراة

لانه الهلال هو الاحق بالكاس بلغة الارقام

هو المتصدر للدوري وبفارق يثبت احقيتنا

ثانيا

بالنسبة لاعارة محمد نور:

الاهلي رفض يعيرنا مالك بحجة انه اذا اعارونا مالك ماراح يقدروا يضيفوا في تشكيلتهم في كاس اسيا للسنة القادمة

بحكم ان الاهلي متاهل لها بسبب فوزه بكاس ولي العهد

فمابالك بمحمد نور والاتحاد متاهل لكاس اسيا للسنة القادمة

طمرات الدعيع · #9 04/06/2007, 08:56 PM

والله وانت الصادقك سبب خسارة الهلال والله الادارة بكبرها

بعد اقاله بسيرو وانا قلت لكم من اول والله الهلال مرااح يحقق اي بطووله بسبب هالادارة ولاعبين مزاج

فعلا ياسر امره غريب وفيه شي بس وشو مدري

ولزم مهاجم بنجب ياسر

تاج العاصمه · #10 04/06/2007, 10:19 PM

والله محمد نور أثبت بأنه لاعب ذو أخلاق عاليه

ويكفي أنه لف الشال الهلالي على رقبته و فرده على كتوفه في لفته رااااااااائعة

بصراحة نور فريق لوحده داخل فريق

عالم الهلال · #11 04/06/2007, 10:26 PM

اللاعبين ما ادوا صح والله كلهم ماعدا هدف عمر هو اللي يذكر في المباراة..

مافيه انسجام ولا قتالية باختصار ماهم اللي نعرفهم

زي يوم احد ناقش اللاعبين ومستواهم اشوف الجماهير بس فاضية تنتقد الرئيس..

مشكور وليد ..

اما نور لا تعليق..!!!

Hictar · #12 04/06/2007, 10:33 PM

كلنا مقتنعين إن الهلال ما يستاهل الكأس
أما بالنسبه للاعبين باختصار لاعبين الهلال يحتاجون روح وحماس مثل روح وحماس تفاريس
يعطيك العافيه

ياقاهرهم ياالزعيم · #13 04/06/2007, 10:43 PM

نفس وجهات النظر

اشكرك من كل قلبي