#1  
قديم 04/06/2007, 10:21 AM
الصورة الرمزية الخاصة بـ الزعيييييييييييييييم
زعيــم مميــز
تاريخ التسجيل: 24/06/2005
المكان: شبكة الزعيم تكفيك"وزيادهـ"
مشاركات: 15,370
ياليت تدخل أنا مأجبرك على الدخول بس أتمنى كل الهلالين يقرون رسالتي ((الجزء الأول))















الجزء الأول بعنوان:
(هذا حال هلالنا)

في البداية .. الحمد لله على كل شي..
بعدين الحمد لله شوفوا شباب الهلال حققوا بطولة الدوري..
شوفو الشبح الاباتشي الطائرة الهلالية حققت جميع البطولات اللي لعبوها الابطال هذا الموسم وآسيا قادمة بإذن الله..
بعدين إن شاء الله ناخذ بطولة آسيا هذا الموسم..
بعدين لاتنسون إن الموسم الماضي ما شاء الله أخذنا 6 بطولات
في البداية..أنا ودي إن الكل يسمع ويقرا الرسايل التالية..((كلها))


الرسالة الاولى/

إلى الإدارة:

1-التعاقد مع المدربين:

كيف؟؟
إدارة مثل إدارة محمد بن فيصل تتعاقد مع 5 مدربين في موسم واحد؟؟
طبعاً علشان التخبطات اللي سواها بوسيرو في بداية الدور الثاني..
علشان كذا أبعدوه وجابوا مدرب اللياقة اوسكار!!
ثم جابوا مدرب ما قعد 55 يوم توه ما عرف اللاعبين..يروحون يطردونه بطريقة!!
ما كنت أتخيل يسويها نادي مثل الزعيم..
أذكر أرسلولي جوال الهلال رسالة مكتوب فيها:
(عاجل تم إقالة السيد سيريزو)
كأنهم راسين لي رسالة مكتوب فيها
(عاجل وفاة السيد سيريزو)

....

ثما خلو عبد اللطيف الحسيني مدرب..
ثما جابوا


الكارثة


باكيتا


بكل استغراب أقولها..!!؟؟
وشلون يتعاقدون مع مدرب فاشل بمعنى الكلمة..
جميع المحللين قالوها باكيتا فاشل..
وتسلم شفتيك ولسانك يافيصل ابو اتنين يوم قال:
(باكيتا كارثة للكرة السعودية.....باكيتا حاس الهلال حوس....فهو أشرك
عب اللطيف الغنام إلى جانب عزيز والغامدي حارما الفريق قوته التي اشتهر بها
من خلال عزيز وعمر.......وتابع ابو اثنين باكيتا طلع باختراع جديد وقال للاعبي الدفاع
صرفوا أنفسكم.......وكان من المفترض إنزال نواف التمياط)
ويقول الاسطورة يوسف الثنيان:
(كان من المفترض على باكيتا سحب الغنام وإشراك نواف وأن يستعين بسامي.......
وانتقد الثنيان معسكر العين......)
صح لسانك يافيصل وتسلم يايوسف..

...............

لاتقولون طيب وش نسوي بوسيرو خبط علشان كذا شلناه وجبنا سيريزو وخبط وشلناه
علشان كذا جبنا باكيتا..!!!
طيب..أنا أقولكم:
بوسيرو..بقاءه مشكلة ورحيله مشكلة..صح والا لا؟؟
طيب وشي المشكلة الاصغر.؟؟
طبعا بقاءه..
يعني ليش ما خليتوه؟؟
طيب نقول انهم شالوه !!
جابوا سيريزو..وخبط علينا..طيب تجيبون باكيتا ليش؟؟ وهو مب خسران شي
سواء أخذتوه والا لا لأنه مرتبط بعقد مع نادي آخر !!
إن كان خليتوا عبد اللطيف الحسيني هو المدرب..صحيح هذي مشكلة بس على الأقل أهون من باكيتا..
وبعدين ما يقدرون يجيبون مدرب جديد لأنه ما يعرف اللاعبين .. الدوري بينتهي وهو ما تعرف عليهم ..هذي مشكلة..
أجل وشي المشكلة الأصغر؟؟ هي إبقاء عبد اللطيف الحسيني مدرب..ويجيبون مساعد له..
لا تقولون الموسم اللي راح أخذنا 5 بطولات مع باكيتا..
ذاك الموسم لو لا الله ثم اللاعبين ان كان ما اخذناه..
ذاك الموسم كان فيه..
الدعيع,المفرج,تفاريس,الخثران,الياس,الغامدي.عزيز,نواف,كاماتشو,ياسر,سامي,الصويلح,ولاعبين صغار رائعين آخرين...
أما الحين ما فيه لا الياس ولا كاماتشو ولا الصويلح ولا سامي..

أنا عرف خلاص..طاح الفاس بالراس..

بس أنا قلتها علشان ما نغلط مرة ثانية مثل هذي الغلطة


2-التعاقد مع اللاعبين:
نعرف إن اللاعبين اللي تم التعاقد معهم في الموسمين الماضيين هم:
(ياسر القحطاني،،فهد الشمري،،خالد العنقري،،رودريقو,,رودريقاو)
كلهم أخطأنا في التعاقد معهم..
أولا ياسر القحطاني..بطولة بحد ذاتها لكن مب تروح من خزينة النادي 28 مليون مرة وحدة ما شاء الله تبارك الله..
ثانياً فهد الشمري..هل ذهبت 5 ملايين من خزينة النادي لكي لا يلعب!!!
ثالثاً خالد العنقري هل ذهبت من خزينة النادي ملايين مع أن عندنا الأفضل منه وهو ياسر الياس..!!


الرسالة الثانية/

إليكم يا أيها الجماهير

1-نبي التايب نبي التايب..

في يوم من الايام ار هذا المنتدى صار اسمه شبكة طارق التايب الموقع الرسمي لنادي الهلال السعودي!!
صرت إذا دخلت المنتدى ألقى كل المواضيع تقريبا عن طارق..
حتى بعض المواضيع المثبتة..(((هاه بيلعب التايب,,وش صار على التايب,,ياناس نبي التايب,,.......))
ولا كأن فيه لاعب اسمه نواف التمياط!!!
تخيل نفسك أنت, تخيل, وتخيل زين, زين مرة, تخيل هذا المثل عليك, ايه نعم تخيل:

تخيل..

تخيل لو إنك أنت السعودي وواحد أجنبي رحتوا لشركة تبغون وظيفة..
مع العلم إنك أنت وياه نفس المستوى كلكم باكالوريوس ودكتواراة وماجستير ..
وراح المدير اختار الاجنبي وما اختارك..وقالك اقعد احتياط يمكن نختارك..
ويوم غاب الموظف القديم واحتاجوك ما اختارك راح يختار واحد ثاني..
مع إن بالعكس يمكن تكون أنت أكثر إخلاص لأنك في بلدك أما هو لا..
وبعدين أنت أخذت جوائز وألقاب أكثر منه..وقال لا أبخنار الاجنبي عليك!!!

بالله وش راح تكون ردة فعلك..
أنا حبيت أحاول أحسسكم مثل إحساس نواف..
تتكلمون ما كأنها محلولة ما كأن فيه لاعب اسمه نواف التمياط..
أنا عارف إن هذا الموسم طارق لعب أفضل من نواف..
لكن بالله وش سوى لنا طارق في النهائي؟؟ بس كلفنا فلوس على الفاضي!!!
لكن صدقوني ياجماعة الخير لو نواف يلعب كل مبارياته محرر كان تشوفه يبدع بإذن الله..
يكفيكم مباراة وحدة بس لعب محرر وبدع فيها اللي قادم الاهلي كاس خادم الحرمين الشريفين الدور الثاني هذا الموسم 1428..
بعدين أنا أعرف واحد توقفعن الكور سنة او 6 شهور..
وكان لعيب ما شاء الله..
عقب التوقف صار يلعب ولا كأنه هو الشخص السابق اللعيب..
احتاج سنة كاملة تقريبا علشان يرجع لمستواه
تقريبا رجع لمستواه لكن السرعة ماهي مثل اول..على العموم الحمد لله..
مع العلم هذا توقف يمكن 6 شهور واحتاج سنة علشان يرجع وهو اصغر عمر من نواف..
ونواف توقف اكثر من سنتين من يوم كات عمره 17 يمكن توقع اربع سنوات ثم رجع ثم توقف..
لكن توقفه الاخير كان سنتين وهو عمره الان 29 وتوه ما صارله موسمين كاملين وهو عمره 29 اصبروا عليه الموسم الجاي..
ياليت يسمعون كلامي..اتمنى نواف يلعب محرر كل مباراياته..
يعني اسباب ضعف مستوى نواف هو الاصابة..لعبه بمراكز ما كان يلعبها من اول واشياء نفسية..
بعدين نواف ضعق مستواه عن اول لكن مازال مبدع
والله ما شاء الله عليه مهاري يعدي بفن يسوي حركات للنجوم العالمييين اللي هو منهم بكل صراحة
يعدي..
يصنع لعب..
يرفع بالمليمتر على الراس..
ينقل اللعب بشكل اكثر من رائع..
يشوت..
ووو.........
يعني لازم يسجل اهداف
ياما وياما هو حسملنا بطولات
ولا تنسون ان اخر بطولة من قدمه الذهبية ابو بندر
اللاعبين لو بدعوا طول حياتهم
ثم يغلط غلط واحد قلبتو عليه
شف وش لون يلعب الكور يحطها للماهجم بكل فن
لكن المهاجم ما يستغلها


الرسالة الثالثة/

1-اليك اليك يامحمد بن فيصل شخصياًًًًً

قدمت وأعطيت وبذلت..
جددت لكثير من عقود لاعبي الهلال..
اشتريت عقود لاعبين..
دفعت ما يقارب الـمئتين مليون ريال سعودي..
احزنتني كثيراً..عندما رأيت وقرأت رسالة من جوال الهلال..
مكتوب فيها الامير محمد بن فيصل استقال..
اعذرني ما عرفت أعبر من الحزن يوم دريت انك بتستقيل..
أنا منب شاعر لكن حبي لك خلاني اكون شاعر..

كل شكر وعرفان ****** مني وكل الكيان
محمد بن فيصل الظاهرة ****** كلن يشهد لك شاهد عيان
على ما بذلته من مال ****** ووقت وحب وحنان
الرئيس الذهبي الفضي الألماس ****** الدرة والحجرين الكريمان
جبت لاعبين بالمستوى فنان ****** كلنا وهم لك عشقان
تتصور كم أنا لك****** بأكون ولهان
الهلال بعهدك كان طربان ****** بعدك الله يستر ما يكون طفشان
يابن فيصل يالغالي عندنا غلى خلان ****** شكر لك ولأبوك يالغاليان


أنا سويت هذا التوقيع وكاتب فيه

أخذنا بطولة وإلا ما أخذنا بطولة بقائك معنا أهم من كل بطولة

ولا حظوا ياجماعة أنا حاط بقائك معنا لأنع هو استقال خلاص من الرئاسة لكن ما يمنع إنه يبقى معنا

وياليت ترجع رئيسنا الموسم الجاي أو إللب بعده من غير شر إن شاء الله



2-أرجو من كل عضو إنه يخلي هذي الصورة توقيع له
وإللي مايعرف..يرسلي على الخاص





تقبلو تحياتي/

أخوكم/

الزعيييييييييييييييم











اخر تعديل كان بواسطة » الزعيييييييييييييييم في يوم » 04/06/2007 عند الساعة » 04:15 PM السبب: تعديل..
اضافة رد مع اقتباس
  #2  
قديم 04/06/2007, 10:32 AM
الصورة الرمزية الخاصة بـ Hictar
كاتب مثقف بالمجلس العام
تاريخ التسجيل: 18/04/2007
المكان: مازلت على ذلك الجرف.
مشاركات: 7,823
عزيزي التايب أفضل من نواف
بس طارق التايب تبيه يلعب لحاله بالمباراه النهائيه ، ما فيه أيه مسانده معه بالنص
الخطاء خطأ المدرب إنه ما لعب نواف بدايه الشوط الثاني علشان يخفف الضغط على المحاور طول المباراه
اضافة رد مع اقتباس
  #3  
قديم 04/06/2007, 10:55 AM
الصورة الرمزية الخاصة بـ الهلال السهم القيادي
زعيــم مميــز
تاريخ التسجيل: 28/05/2007
المكان: لاشجــر،، لانهــر،،لابحــر،،(آهـ ما ارق الرياض)
مشاركات: 3,119
اخوي كلامك في ما اتفق معاك في مضمونه و اختلف معاك في كثير من ماقلته ،،،

ذهب محمد بن فيصل او بقى سيظل الهلال بأذن الله كبيرا ونحن عرفنا البطولات قبل محمد بن فيصل و معه وبدونه بأذن الله سنعرفها ،،،

فالهلال كبير برجاله،،

ماحصل في النهائي لم يكن خطأً بل كانت مجموعة اخطاء اشترك فيها كل من في النادي من لاعبين وإدارة ومدرب و أعضاء شرف وحتى نحن الجماهير عندما بالغنا بالثقه المفرطه كما حدث العام الماضي امام الشباب،،،

ولاكن رب ضارة نافعه بأذن لله ،،،

وشكراً
اضافة رد مع اقتباس
  #4  
قديم 04/06/2007, 11:02 AM
زعيــم نشيــط
تاريخ التسجيل: 23/05/2007
المكان: في السماء الزرقا
مشاركات: 765
فعلا النجوم فيصل ابوثنين ويوسف الثنيان ابدوع في تحليلهم

وقالو كلام الحق وباكيتا فعلا حاس الهلال حوس وقدم الكاس هديه لناس مايحلمون يشيلونه والفريق المقابلهم هو الزعيم بس حضوض
اضافة رد مع اقتباس
  #5  
قديم 04/06/2007, 11:15 AM
زعيــم مميــز
تاريخ التسجيل: 29/03/2007
المكان: الرياض
مشاركات: 2,538
وين الشلهوب
اضافة رد مع اقتباس
  #6  
قديم 04/06/2007, 01:50 PM
زعيــم جديــد
تاريخ التسجيل: 29/11/2006
مشاركات: 27




قهر والله يروح الموضوع للصفحة الثانية بس 4 ردود على أقل شي اذا ما كان تثبيت إنه ما يروح للفحة الثانية
اضافة رد مع اقتباس
  #7  
قديم 04/06/2007, 04:02 PM
الصورة الرمزية الخاصة بـ الزعيييييييييييييييم
زعيــم مميــز
تاريخ التسجيل: 24/06/2005
المكان: شبكة الزعيم تكفيك"وزيادهـ"
مشاركات: 15,370
مشكورين على المرور يالغالين
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 11:48 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube