"السلام عليكم ورحمة الله وبركاته"

بدايةً أحب أن أوجه كلمة عتاااااب للاعبين لم يقدموا كل مايملكون من أداء رآقي ,وروح الهلال التي أخفوها أنا لا أعمّ ولكن هم قلة وهذا ليس تجريح وإنما عتب محب, فوالله لو لعبت ورأيت ذلك الجمهور الغفير العريق لبذلت كل ماعندي في سبيل الهلال ولكن, هيهات فالبطولة راحت وأنا لاأحملهم السبب كاملاً لا بل الخطأيشمل:
الإدارة,الجهاز الفني,اللاعبين,وبعض الجماهير لاأود أن أتعمق في تفصيل كل من كان له سبب في ضياع البطولة ولكن المهم من ترك الزعيم في هذا الوقت وهو الأمير محمد بن فيصل ورحيله خسارة لكل الهلاليين ولكن العوض في 261 عضو شرف هلالي وإن شاء الله يعود الهلال كما كان وبسبب الخسارة المرة ليلة المباراة فاضت قريحتي بهالقصيدة أتمنى أن تحوز على رضاكم:

اللي عشقك بيوم يامنية الكاس
يرتاح في وسط الترف والزعامة
عشقك غمر ثلثين عالم به الناس
تتبعك فالترحال ولا الإقامة
ارفع لراسي مفتخر مرجعي ساس
زعيم متسيد بفعله وكلامه
لي الفخر دامي هلالي ودواس
فوق المنصة ماأهاب الملامة
وش حيلتي دامي لهالكل نبراس
شافوا لمجدي والزعامة علامة
واليوم راح الكاس ماهمنا الكاس
الهم شيخ راح عالي مقامه
محمد بن فيصل له العز والباس
روح وودعنا وأعطى سلامه
واللي فرح من حالميين وأنجاس
خله ولو مرة يحس بفخامه
ولو نرجع لظرف المباراة ياناس
ياسر أصيب وياعساه السلامة
ظهره أصيب بوقت ضايع ومنحاس
يالله عسى يرجع ويرمي سهامه
ومن طبلوا ثم روسوا لي بمرواس
ماهمني تطبيلهم والرخامه
أدري بأني برجع وأركن الكاس
أركنه في وسط الترف والزعامة


وسلامتكم.

صح لسااااااااااانك جبتها خلهم يحسون بالفخامه مشكووور

صح لسانك اخوي على القصيده

وهارد لكم الخساره

مشكورين على المرور وصحت أبدانكم