رابطة عُـشّـاق الـــريدز ][ لـيـفـربـول ][ 2007 - 2008 م ][ - صفحة رقم 64 - نادي الهلال السعودي - شبكة الزعيم

F O W L E R · #946 16/06/2007, 07:47 PM

إقتباس

الرسالة الأصلية كتبت بواسطة ريدزاوي


	CONGRATULATIONS STEVEN AND ALEX

الف مبروك لقائدنا الهمام

وعساها ليله سعيده ان شاء الله

إقتباس


	جيليت اليوم تكلم ياشباب وقرق شوي عن الصفقات و استعجال الجماهير والضغط الاعلامي... المهم انه يقول بالاخير انه في برنامج معين حاطينه..والمرحله الاولى هي التجديد مع اعمدة الفريق .. والان نحن ننتقل للمرحله الثانيه وهي التعاقد مع اللاعبين الجدد"

قالوا عطوا الكذاب لباب داره ;)

إقتباس


	ايكر كاسياس يرحب بانضمام دوديك لريال مدريد... واضح ان ايكر فرحان عشان بيضمن مافي منافسه على مركزه الموسم الجاي

والله شكلها كذا

والا بيخليهم يلعبونه باول مباراة

وبيسوي كارثه كعادته

وخلاص بعدين ان تشوفه طوال الموسم يتسدح في الدكه:p :p

F O W L E R · #947 16/06/2007, 07:54 PM

يبدوا ان تشيلسي اخبر شون رايت فليبس انه يستطيع مغادرة البلوز

اذا دفع الفريق الذي يريده عشره مليون باوند

وحسب الاخبار ليفربول , نيوكاسل , توتنهام , استون فيلا

وطبعا العله ويستهام

هم ابرز الانديه المهتمه فيه

F O W L E R · #948 16/06/2007, 08:00 PM

سكوت كارسون يقول انه اذا اراد اللعب والمحافظه على مركزه

في المنتخب الانجليزي فهو يريد ان يلعب بشكل منتظم

واضاف انه في الاسبوع القادم راح يحدد موقفه من هذا الموضوع

وانه حاليا فقط مركز على المنتخب الانجليزي فقط

G E R R A R D · #949 16/06/2007, 08:06 PM

باك

إقتباس


	ما تلاحظون بالفترة الأخيرة كل الكلام عن ديفوي و بينعيون و بينت و هالطقة الي ان جات ... مكانك سر يا رافا

البصل كثرو هاليومين يابو منصور

يالبى ألبكون

إقتباس


	جيليت اليوم تكلم ياشباب وقرق شوي عن الصفقات و استعجال الجماهير والضغط الاعلامي... المهم انه يقول بالاخير انه في برنامج معين حاطينه..والمرحله الاولى هي التجديد مع اعمدة الفريق .. والان نحن ننتقل للمرحله الثانيه وهي التعاقد مع اللاعبين الجدد

الامور صارت واضحه ... رافا ناوي على الليجا ... وهو يخلص بكرا

إقتباس


	ايكر كاسياس يرحب بانضمام دوديك لريال مدريد... واضح ان ايكر فرحان عشان بيضمن مافي منافسه على مركزه الموسم الجاي

دوديك

إقتباس


	احلى مشرف يعني عادي احط آبي

اقول لاتدرعم واجد انت

G E R R A R D · #950 16/06/2007, 08:11 PM

اكمال الفصفصه

إقتباس


	كل من تهمه مشاركته يوم يوصل الرقم عند 990 الكل ينحاش من الرابطه والا ترى ردود بتروح فيها

ايه كذا حلوين

إقتباس


	ياهو الترجيم من مدرجات الدور الثاني في السنتياغو على كيف كيفك بينزل على راس دوديك دايركت

وانت مأمل انه بيلعب :p :p

إقتباس


	ان شاء الله نشوفه في الاسبوع الجاي لابس الاحمر

ابو اريام .. من اللي محرضك :p :p

إقتباس


	يبدوا ان تشيلسي اخبر شون رايت فليبس انه يستطيع مغادرة البلوز اذا دفع الفريق الذي يريده عشره مليون باوند وحسب الاخبار ليفربول , نيوكاسل , توتنهام , استون فيلا وطبعا العله ويستهام هم ابرز الانديه المهتمه فيه

اما تشلسي يعطينا فيلببس ... شكلهم بيسوون فيه مثل داف

بيكرشونه لنيوكاسل ... ولا العله وستهام

إقتباس


	سكوت كارسون يقول انه اذا اراد اللعب والمحافظه على مركزه في المنتخب الانجليزي فهو يريد ان يلعب بشكل منتظم واضاف انه في الاسبوع القادم راح يحدد موقفه من هذا الموضوع وانه حاليا فقط مركز على المنتخب الانجليزي فقط

ماتوقع بقاء كارسون ... اتوقع رحيله .. ويمكن بيع هالمره

لأنه ناوي على منتخب انجلترا

وبوجود رينا ماله مكان

سندرلاند قريب منه

G E R R A R D · #951 16/06/2007, 08:14 PM

إقتباس

الرسالة الأصلية كتبت بواسطة G E R R A R D


	فكره ابو محمد --- استفتاء رابطه ليفربول لأفضل مباراه لعبها ليفربول 2006/2007 حبيت اجمع خمس مباريات وفي رايي انها افضل خمس مباريات لعبناها 1- ليفربول وبرشلونه في الكامب نو فزنا فيها 2-1 2- ليفربول وتشلسي في الدوري فزنا فيها 2-0 3- ليفربول وارسنال في الدوري فزنا فيها 4-1 4- ليفربول وتشلسي نهائي الدرع الخيريه فزنا فيها 2-1 5- ليفربول وايندهوفن دوري الابطال 3-0 --- يمكن تقدرون تدخلون مباراه تشلسي نصف نهائي الشامبينز ... بس ماودي اكثر مباريات تشلسي الراي رايكم ;)

رغم ان ابو ابراهيم سحب علينا وماعطانا رايه

لكننا نبي نسحب عليه ونعطي النتايج

لأن رايه ماراح يقدم ولا يأخر

الكل اتفق على مباراه الكامب نو .. الا ابو محمد يبي مباراه تشلسي على الانفلد

يس لاتنسى ان مباراه تشلسي على الانفلد لعبت قدامهم بدون كارفاليو وتيري .. وهالشي سهل لنا شوي

على العموم

رسميا وحسب تصويت رابطتنا الموقره

مباراه ليفربول وبرشلونه على الكامب نو هي افضل اداء لنا

وانتظرو الليله ... استفتاء رابطه ليفربول لأفضل هدف لنا هالموسم

G E R R A R D · #952 16/06/2007, 08:20 PM

تقول الاخبار ان رافا ناوي يقدم 10 مليون يورو لدارين بينت ... المبلغ المتوقع للاعب تشارلتون هو 17 مليون يورو

ولكن رافا ماراح يدفع اكثر من 10

G E R R A R D · #953 16/06/2007, 08:22 PM

وستهام وضعو 5 مليون يورو سعرا لهالخنزير ... ورافا شكله ناوي عليه

ريدزاوي · #954 16/06/2007, 08:26 PM

اليوم باذن الله
الساعه 12 بالليل..

راح اخذ المشاركه رقم الف..
واللي فيه خير يقرب

ابوصالح ..
والله امزح

F O W L E R · #955 16/06/2007, 08:27 PM

إقتباس

الرسالة الأصلية كتبت بواسطة G E R R A R D


	اقول لاتدرعم واجد انت

يعني حلال على غيري حرام علي

وش دعوه ياخوي

بعدين خذ ترى فيه تصويت في موقع ليفربولي انجليزي

عنوان التصويت هل تريد دارين بينت او لا ؟

والنتيجه لحد الان 74% ( لا)

يالله صوت بدل القعده بلا شغله ولا مشغله

خذ هنا صوت

G E R R A R D · #956 16/06/2007, 08:34 PM

مقال بعنوان ... تصبرو يالعجلين

بقلم ::انا

ياجماعه مادري وش مستعجلين عليه

صح اننا اول مره ندخل سوق ومعنا دراهم كثيره

بس خل ناخذ فره على العالم

وننط لايطاليا

ميلان :: مافيه صفقات

الانتر :: مافيه صفقات

اليوفي :: حمديتش

روما :: مافيه صفقات

ونقمز لانجلترا

تشلسي :: بن حايم :p وسدول وبيزارو .. وحنا موب بعيدين فورونين وليفا

ارسنال :: حارس شاب

المان هو الوحيد اللي دخل السوق .. وماتوقع يبي لاعبين زياده

ننزل وندحدر لاسبانيا

الريال :: مافيه صفقات

البرسا :: مافيه صفقات

صح ان الليجا ماخلصت ... بس الانديه تقدر تتعاقد مع لاعبين

ومعروف ان رافا سوقه الليجا

وبذلك نكون خطمنا على كل انديه اوربا الكبيره

ومافيه الا المان سوى صفقات

يعني حنا ماشذينا عن غيرنا

ولكن ضغط الصحافه والاعلام على جيليت وهيكس هو اللي مخلينا كذا

لاتنسون اننا جبنا لويس والونسو اخر يوم بالانتقالات

ونفس الكلام ينطبق على كاويت

بكرا يخلص الدوري الاسباني

وتبدا صفقات رافا

خصوصا ان تصريح جيليت اليوم .. يقول الخطوه الاولى كانت التجديد

والان سننتقل للخطوه الثانيه

نصبر ونشوف

F O W L E R · #957 16/06/2007, 08:36 PM

إقتباس


	رغم ان ابو ابراهيم سحب علينا وماعطانا رايه لكننا نبي نسحب عليه ونعطي النتايج لأن رايه ماراح يقدم ولا يأخر

ياخوي ابوابراهيم ذا فوق القانون في هالرابطه

لا يعلق ولا يجيب اخبار ولايصوت حتى

اقول وراء ما تشوفلك صرفه معه

توقفه والا تمنعه من دخول الرابطه

إقتباس


	تقول الاخبار ان رافا ناوي يقدم 10 مليون يورو لدارين بينت ... المبلغ المتوقع للاعب تشارلتون هو 17 مليون يورو ولكن رافا ماراح يدفع اكثر من 10

قعاطه في محلها

انا اقول ان على رافا انه يصمد على كلمته عشره والا مافيه

وان شاء الله انه مو جاي

إقتباس


	وستهام وضعو 5 مليون يورو سعرا لهالخنزير ... ورافا شكله ناوي عليه

يشيلون خمسه من السته الا بيدفعها مرسيليا

ويعطونها لويستهام ويجيبونه

G E R R A R D · #958 16/06/2007, 08:37 PM

إقتباس


	بعدين خذ ترى فيه تصويت في موقع ليفربولي انجليزي عنوان التصويت هل تريد دارين بينت او لا ؟ والنتيجه لحد الان 74% ( لا) يالله صوت بدل القعده بلا شغله ولا مشغله

وين التصويت خل نروح نجدع صوتنا

إقتباس


	يشيلون خمسه من السته الا بيدفعها مرسيليا ويعطونها لويستهام ويجيبونه

وش فيك خربتها بزياده انت

إقتباس


	اليوم باذن الله الساعه 12 بالليل.. راح اخذ المشاركه رقم الف.. واللي فيه خير يقرب ابوصالح .. والله امزح

ابو اريام حذركم .. وقد اعذر من انذر

مهد كــ القدم ــرة · #959 16/06/2007, 08:51 PM

فصفصة آخر المستجدات

إقتباس


	حرام عليك ياشيخ .......... اذا بغيت تخربها حط نيكا ولا ماري كروس ..................

إقتباس


	احلى مشرف .......... يعني عادي احط آبي ......................

وش فيها سارة البنية محتشمة و صايمة مصلية

إقتباس


	يبدوا ان تشيلسي اخبر شون رايت فليبس انه يستطيع مغادرة البلوز اذا دفع الفريق الذي يريده عشره مليون باوند وحسب الاخبار ليفربول , نيوكاسل , توتنهام , استون فيلا

ما زالت الأمور على ما هي عليه بـــــــــصـــــــــــلــــــــــــــة

إقتباس


	سكوت كارسون يقول انه اذا اراد اللعب والمحافظه على مركزه في المنتخب الانجليزي فهو يريد ان يلعب بشكل منتظم واضاف انه في الاسبوع القادم راح يحدد موقفه من هذا الموضوع وانه حاليا فقط مركز على المنتخب الانجليزي فقط

بالتوفيق لك لأن رينا وقع افهم يا باشا

إقتباس


	تقول الاخبار ان رافا ناوي يقدم 10 مليون يورو لدارين بينت ... المبلغ المتوقع للاعب تشارلتون هو 17 مليون يورو ولكن رافا ماراح يدفع اكثر من 10

إقتباس


	وستهام وضعو 5 مليون يورو سعرا لهالخنزير ... ورافا شكله ناوي عليه

والله مليت أبغى رسميات ... انتظروا الفترة القادمة و الله يستر

إقتباس


	مقال بعنوان ... تصبرو يالعجلين بقلم ::انا

كلام منطقي و الصيف بأوله ....... انتظر انت وياه و سيأتيك بالأخبار من لم تزود ِ

مهد كــ القدم ــرة · #960 16/06/2007, 08:55 PM

أبو اريام كلامنا كله كان عن لاعب يستاهل فما بالك و انت تبي ذا الخنزير !!