:eek:
وش اكلين انتم !!!
الحين تقدمنا وصرنا اكثر رابطه ردود :thumbup:
و كأني سمعت واحد يتكلم عن صديقتي ايما :upset:
شباب عن الاحراج خلوها على جنب :D ترانا تونا بادين العلاقه معها :D
ما دامي فاضي خلن اترجم لكم المقال الي عن الانتقلات << يا ناس من وين تحصلونه ذا .. توه قايم من النوم وجوعان ويبي يترجم لكم :D
المقال
ليفربول يحتاج الى كلام اقل و فعل اكثر في سوق الانتقالات !!! << و الله انه صادق :upset:
جاء شعاع من الضوء لجماهير الليفر بعد خسارة التشامب و هو اننا نركز على اهدافنا بسوق الانتقالات و نضمهم باسرع وقت ممكن !!
و رافا هو الي خلانا نأمل بهالشي بس له الحين فوق الاسبوعين عقب ما صرح و الى الحين ما وصل احد !! :upset:
انت تقول انك منتب صبور صح ؟! اكيد و انت تشوف المان ياخذ افضل جناحين صغار بالعالم قدام عيوننا و حنا ساكتين :upset:
بالبدايه جان شويه احباط يوم سمعنا ان كم لاعب ارتبط فينا و بالنهايه ما فيه شي !! :upset:
بس الحين عرفت ان كل اللاعبين الي نبي نجيبهم لازم يلعبون باسبانيا !! بس الليقا الى الحين ما خلص !!
و هذا الي خلانا نشاطنا قليل بالانتقالات و انا منب متسرع بلحيل لان الرئيس و التصاريح الي تطلع من الانفيلد ايجابيه !! هاه تقدر الحين تلومني ؟!
صعب عليك كمشجع انك تفهم و تصدق كل الاشاعات الي تسمعها بس اذا اللاعب ارتبط بنا اكثر من مره اعرف انه من اهدافنا !!
بالعاده لازم يكون فيه تشويش و غموض بالانتقالات وو خصوصا اذا كان اللاعب مشهور لابد انه يرتبط بانديه كثيره غنيه و الي تقدر تجيب هاللاعب
و الاشاعات لازم تطلع لان ليفربول يبي مهاجم قناص و جناح يمين وشي طبيعي ان الجرايد تبي تربط افضل المهاجمين و الاجنحه بليفربول و يتمنون ان توقعاتهم تطلع صح ..
بالعاده النادي يطلع باليوم التالي و ينفي كل شي بس بليفربول ما يلعبون هاللعبه مع الصحافه و يقعدون ساكتين ما يقولون شي !!
و هذا الي يخليني اعصب :upset: .. حتى الان ارتبط بنا مالودا .. سيماو .. دانيال الفيس .. سيلفا .. ايتو .. ديفيد فيا مع ناس ثانين يعتبرون الخيار الثالث او الرابع بالنسبه لنا ..
و بالحكم على تحركاتنا اتوقع ان سيلفا و الفيس هم خياراتناا الاولى بالاجنحه مع سيماو و مالودا الي يبون يصيرون البدائل اذا فشلت هالصفقتين ..
و من ناحيه المهاجمين اتوقع انه صعب تحكم منهو الي يبي يجي لمنا لانه الى الحين ما وضح شي بخصوص بيلامي هل هو يبي يروح ولا لأ ..
قيمة ايتو حول الـ 35 مليون و هالشي سخيف لانه يبي يغيب حول الشهرين بسبب امم افريقيا و برضه يبي يغيب كل سنه شهرين .. اكيد انا ما اشكك بقدراته .. هو سريع و عنده حماس و جسمه كويس و مناسب لاكبر التحديات بس هو يبي يصير خياري الاخير لأنه يبي يغيب عن اهم شهرين بالموسم .. غير انه يمكن يصاب
ديفيد فيا برضه سعره غالي بس اتوقع اانه يبي يقعد وقت اطول علشان يتأقلم مع الدوري بسبب حجمه .. مع انه هبل كارفاليو يوم لعب ضده بالتشامب :D
المهاجم الثاني هو توريس الي هو اصغر من الثلاثه و بحجمه و سرعته اكيد يبي يناسب الدوري الانجليزي بس المشكله اننا ما ارتبطنا معه مؤخرا ..
لاعب واحد ودي اشوفه يرجع لمنا الي هو ستان كوليمور .. لا تراي امزح :D .. لكن لو يرجع انيلكا و ياخذ الرقم 9 اكيد يبي يصير هالشي رائع .. هو عنده سرعه و قوه بس لازم يركز على لعبه و يخلي النرفزه على جنب .. برضه هو ما راح يكلفنا مثل ايتو او فيا و لا هوب محتاج تأقلم بالدوري و لا بالنادي ..
غير الجناحين و مهاجم او اثنين اشوف ان فريقنا قوي و عندنا على الاقل لاعبين بكل مركز .. صح اننا ضعيفين من ناحيه عدد اللاعبين بالدفاع بس ما اتوقع انه يمكن نشري مدافع عالمي و نخليه يقعد بالاحتياط .. و ازين شي ان اجير هالموسم توه صغير و موب مشهور و هالشي يبي يخليه يقاتل على مكانه بالدفاع ..
اتمنى اننا نتحرك بسوق الانتقالات قبل ما يقضي هالشهر و لا شكلي ابنهبل :D
يالله عقب هالترجمه ابروح اشري لي فطور .. و الله يا انا مايتن من الجووووع ما اكلت شي من امس :D
