إقتباس الله يعطيكم العافية جميعا على الاخبار والنشاط المميز اليومين اللي راحت كنت بالرياض علشان تقديم الحرس الوطني وجيت البارح ،، يوم الاحد رحت للحرس علشان أقدم وقدمت وخلصت الاوراق والكشف الطبي الصباح ويوم جيتهم العصر [[ لازم تجيهم بالزي الرياضي ]] وانا لابس ليفربول والعالم كلها مفتحة عيونها علي ّ علشان مافيه ليفربول من بين 1400 واحد الا انا والله العظيم ادور ما لقيت وخصوصا ان اللبس لونه احمر واغلب العالم لابسة اسود وابيض ولا لابسين برشلونة وانتر وميلان والريال ومانشستر وتشلسي وارسنال ،، المهم اني رحت لاختبار اللياقة البدنية وبشمت وسويت تمرين عضلات البطن وما اوقف التمرين الا لما يقول لي الضابط وقف ،، والله لا يبارك في عدوهم صراحة كتوفي وبطني للحين توجعني من اختبارهم ،،وعقبها رحنا للمضمار ويالله عقب تمزيع البطن والكتوف لازم تركض 800 متر في 4 دقايق ويوم خلصت معاد اشوف الا ومنهد حيلي الله لا يبارك فيهم واللي يقهر ان هذا كله مبدئي وعقب جيت البارح للخرج واليوم بعد 4 ساعات عندي اختبار تحصيلي ،، وصراحة ذا الزمان ما به عطلة كلها تقاديم × تقاديم ،، والله يعين ويكتب لنا اللي فيه الخير بشمت : يعني سويت بوش اب << للمتحضرين # لنا عودة اليوم عقب العصر والا المغرب وادعوا لنا بالتوفيق ’’

كل هذا بيوم واحد ... اقول خلك بالجامعه اصرف لك

إقتباس أبو صالح مدهر ماشاء الله ,, وش الصنف ومن وين ويبدو أن المفعول سينتقل إلى أبو تركي

تم لطش التصميم ... والصنف تلقاه عند ابو تركي

وطبعا التصميم مايحتاج كلامي

لأنه اروع من الرائع

إقتباس بابل سيصل غدا للفحص الطبي والصفقه يقال انها حسمت بـ6,75 مليون باوند قد ترتفع الى 10 مليون باوند بحسب نجاحات الاعب مع ليفربول

شكله جاء الخال

إقتباس قبل لا أطلع مريت على العالمية ولقيت هالموضوع ودخلته والحمد لله الحظ طيب بشـّـم هنا لا تنسون تمرون وتباركون لي

على البركه ابو سعد

وياليت تقسم لنا منه شوي