رابطة عشــاق الميـــلان ][ سيد اندية العالم ][ 2007/2008 ‏][ - صفحة رقم 281 - نادي الهلال السعودي - شبكة الزعيم

روح الـهـلال · #4201 10/08/2007, 12:34 AM

هاردلك الخساره :sad:

هلالي على طوووول · #4202 10/08/2007, 12:43 AM

# مقتطفااات من المباراة #

* دفاع الميـلان ضااايع

إلا نيستا اللي كان شايل الدفاع على ظهره.

* الوسط كان جيد نوعا ما بوجود بيرلو ولكن بعد خروجـه .. رااح الوسط مويه

* كاكا مستواه كان عاادي . :sad:
* سيدورف حاول أنـه يجيب هدف كم مرة ولكن ما حصل توفيق

* ستوراري ( خوّي يااسر

) كان مب لم المباراة وكل ماجت هجمـة لبيتيس قام تقدم مليون متر

. وهو اللي تسبب بالبلنتي البااايخ

.
* الشايب كااافو يبيله يقعد عند الشمس ويمدد سيقانه

لأنـه يـاااا الله يقوى يمشي .
* جيـلا لم يقدم أي شيء يذكر .. بالعكس قدمت لـه كرة على طبق من ذهب وانفرد بالمرمى ولكن شاتها ببطن الحارس :p .
* بيتيس الله ياخذهم

بدلوا أكثر من 10 تبديلات

.. وكثفوا التبديلات بعد ما جابوا فينا هدف

.
* أوليفيرا مالحقت عليـه .. مدري هو لعب ولا لا

..؟؟
* كل الأمور اللي أحكي عنها عن الشوط الثانـي

... لأن الشوط الأول ما لحقت عليـه .

بالتوفيق للميـلان

@الجواد@ · #4203 10/08/2007, 12:43 AM

إقتباس

الرسالة الأصلية كتبت بواسطة هلالي على طوووول


	انتهت المباراة بخسارة الميـلان 0 _ 1 لـ بيتيس

وش ذا المستوى اللي مدري وش يبي

اقول وين رونالدو بس كان شبكـ فـ ريكارد مقصيات

مشكور ابو عبدالله

ع النقل والطقم رووووووووووعه

روح الـهـلال · #4204 10/08/2007, 12:47 AM

هلالى على طول مشكور على التغطيه الحلوه بس صراحه وهقونا وقالوا 12,30

هلالي على طوووول · #4205 10/08/2007, 12:50 AM

إقتباس

الرسالة الأصلية كتبت بواسطة TIAMO MILAN


	هلالى على طول مشكور على التغطيه الحلوه بس صراحه وهقونا وقالوا 12,30

أنـا مثلك والله :sad: ... لكن فجأة دق علـي واااحد وقال ان المباراة بدت

..

ولا لحقت إلا على الشوط الثاني

.

ونقلتـه لكم

.

هلالي على طوووول · #4206 10/08/2007, 12:57 AM

يا شبـاب أنـا مدري ..!!

بيرلسكونـي يبي يجيب الاسكوديتو بـ فريق زي هذا أو حتى يبي يفوز بالسوبر ولا كأس العالم ..؟؟؟

والله ما أعتقد أنـه يجيب ولا بطولـة بمهاجميـن نصهم اصابات ونصهم مو لاعبين حسم

..!!

لكن ننتظر إلى آخر السووق ونشوف وش يصيـر

...!!!

هلالي على طوووول · #4207 10/08/2007, 01:03 AM

الصحف الإيطاليـة لم تذكر شيء عن الميلان اليوم ..!!!

ابوحمد10 · #4208 10/08/2007, 01:07 AM

حظ اوفر للميلانيين وخصوصاً ابوعمار

بالنسبه للشوط الاول تسيد الميلان اللعب وكان الطرف الافضل

على مستوى الدفاع كان جيد جداً واعجبني فيهم الثقه وعدم الارتباك حتى بالظغط عليهم من لاعبين بيتس

الوسط كان ممتاز وخصوصاً الرائع بيرلو بمساندة اللي مافيه امل يطفى سيدورف والصلب جداً قاتوزو

الهجوم كان جيد

جيلا اضاع كم فرصه محققه

وايضاً سجل هدف جميل في الدقيقه 42 لاكن للأسف كان في وضع تسلل

الشوط الثاني كان فيه الف علامة استفهام

خصوصاً بعد خروج يانكولوفسكي وبيرلو

اول هفوه دفاعيه كانت خطره جداً وتسببت في حصول بيتس على ركلة جزاء

عالعموم كان الميلان الطرف الافضل طوال شوطي المباراة

انشيلوتي كان متوتراً طوال شوطي المباراة----- قرض في اظافره الين قصر واحرق من ذا التتن وفي النهايه قام يكح بعدها قلب الدعوه علك ابرك له

بالتوفيق للميلان

ولد جيرانكم (( رابطة اليوفي )) -- فيصل

ٍS7EVA · #4209 10/08/2007, 01:32 AM

هاردلك

والله مدري وش بيسوي الميلان بالدوري ..

دام خسر من بيتيس

والمشكلة داخل بالمبارة بالنجوم ..

&&عاشــق شيفـــــا&& · #4210 10/08/2007, 01:51 AM

السلام عليكم

هاردلك الخسااااااااارة

انا والله ماشفت المباراة لكن من تعليقكم ان ميلان مايطمن

بس ماقول الا لازم على قالياني وبرلسكوني يحركون فلوسهم

شوي وينسون احلامهم بالتعاقد مع رونالدينهو الي انا احس ان

تعاقدنا معه بتصير أزمه ماليه كبيرة بالميلان ماعلى الاداره

الا انهم يفكرون بطريقة جديه بجلب مدافع

اااااااهم شيء...

مااقول الله يستر من الميلان الموسم الجاي مع هالاداره الي

ترفع

الضغط...

ســــــــــــلام

إقتباس

الرسالة الأصلية كتبت بواسطة مينليستا(ميلان)


	" مـيـلان يـفـكـر فـي روزيـسـكـي " ذكرت صحيفة الكوريري ديلو سبورت الايطالية خبراً تقول فيه ان ميلان اصبح اكثر قرباً لضم البرازيلي ايمرسون بسبب ان وكيل اعمال باتو هو نفس وكيل ايمرسون و رغبة اللاعب ايمرسون بالانتقال الى الميلان و من جهة اخرى ذكرت نفس الصحيفة ان ميلان يفكر في ضم لاعب الارسنال توماس روزيسكي 27 سنة ليكون افضل بديل و مساعد لكاكا و يأتي ضم اللاعب بعد ان فقد الميلان الامل في ضم رونالدينهو المصدر

من الصعب جدااا انه يجي المييييييلان...

زعـيـمـهــم كـلــهـم · #4211 10/08/2007, 01:53 AM

إقتباس

الرسالة الأصلية كتبت بواسطة TIAMO MILAN


	هلالى على طول مشكور على التغطيه الحلوه بس صراحه وهقونا وقالوا 12,30

والله نفس الحالة

G A T T U S O · #4212 10/08/2007, 02:03 AM

إقتباس


	ابوحمد10

يـاالله أن تـحـيـي الـصـديـق الـصـدوق فـيـصــل .

إقتباس


	انشيلوتي كان متوتراً طوال شوطي المباراة----- قرض في اظافره الين قصر واحرق من ذا التتن وفي النهايه قام يكح بعدها قلب الدعوه علك ابرك له

أنـشـلـوتـي بـغـى يـاا كــل الـقـصــديـرهـ

ألــف مـبـرووك الـهـزيـمـه تــراهــاا وديــه أشـوف بـعـضـكـم

طـاايـحـتـن حـجــاانـه

===================

روزســكــي .. ؟ يـاا كـبــرهــاا . !

ميلانو كوستا · #4213 10/08/2007, 03:20 AM

يعطيكم العافية شباب !!

كنت أتمنى أشوف لعب الميلان ويوم شفتهم تمنيت أني ماشفتهم !!

سبحان الله نفس صورة الموسم اللي راح في بدايته !!

دفاع قوي ووسط قوي وهجوم الله يخلف !!

أبو عمار تدري والله أحنا مو منقهرين على نتيجة المباراة لانها مباراة ودية !! بس ياخي يقهرك أداء الفريق !!

أول ماشفتهم متحمسين بداية المباراة توقعتها فوز كاسح لنا !! بس صار العكس بلا من زين هالمستوى !!

بعد هالمباراة لازم يقتنع بيرلسكوني أن ميلان يحتاج لمهاجم مع رونالدو !!

تحياتي !!

G o L d E s T · #4214 10/08/2007, 03:45 AM

هارد لك الخسارة

والله فريقنا ممتاز كلاعبين أساسيين

بس والله ان احتياطنا كراتييييييييييييييييييييييييين

والله ما فيه أمل نجيب الأسكوديتو بهالفريق

يمكن نجيب السوبر وكأس العالم واذا شدوا اللاعبين نجيب التشامبيونز

بس الدوري ما فيه امل لأنه يبيله نفس طويل وفريق ثاني على الدكة

مشكلة ميلان اذا زفت نص الفريق زفت النص الثاني

واذا أبدع النص يبدع كل الفريق

وما أقول الا ان شاء الله ان كاكا يواصل نفس مستواه الموسم اللي راح

بالتوفيق للميلان

أخوكم : إبراهيم

ميلاني الزعيم · #4215 10/08/2007, 03:46 AM

>> بعض الصور من المتش من موقع جيتي <<<

Getty Images

أغلب الصور اللي حاطها الموقع اليوم احتكاكات بين اللعيبة . .. اللي عنده زود يا ليت يسدحها هنا ...

عموما المباراة ما شفتها اليوم .. لكن الخسارة مفيدة بشكل كبير للاعبين والمدرب علشان يتفادون الأخطاء

ويشوفون حل لبعض اللعيبة المستهلكين ...

وبعدين يا شباب ترى الميلان لاعب مباراة احتفالية .. حاله حال فالنسيا يوم يجي للرياض

يعن حرام يخرب عليهم الاحتفال

مثل ما سواها فالنسيا معنا