رابطة عشــاق الميـــلان ][ سيد اندية العالم ][ 2007/2008 ‏][ - صفحة رقم 1126 - نادي الهلال السعودي - شبكة الزعيم

JUST Milan · #1 06/05/2008, 06:59 AM

..:: صور قميص ميلان في الموسم المقبل ::..

الطقم الأسـاسي

الطقـم الرديف

بصـراحة رووووعة

NESTA _ 13 · #2 06/05/2008, 10:07 AM

حيّاكم الله جميعاً

وسام و عبدالرحمن
شيت ما يصلح ماتجون مع بعض و تغيبون مع بعض !

عموماً حيّ الله الجمعة المباركة من جديد

فلاميني للأسف .. انا منب متأكد انه يبي يخدم الفريق او ماهوب معطى فرصة اكبر !
اتوقع تكون نهايته راح تكون مثل نهاية فوجل و دهروسو و باقي اللي جبناهم بدون حاجة !

في الديربي قاتوزو اول لاعب دخل علشان يسخن و كان يركض و متحمس , كل الميلانيستا
اللي بالسان سيرو قاموا و قعدوا يصفقون له و صراخ و هبال .. وهذا ان دل بيدل على حب و قرب اللاعب من قلوب الايطاليين !
يطلع كاكا و سيدورف و لا يطلع قاتوزو عندي !!!
ياناس هذا لاعب قليل ما تلقى مثله .. صح مايعرف يشوت صح موب سريع صح مناولاته نايمة
لكنه يبقى اللاعب الوحيد اللي يلعب علشان الفنيلة اللي لابسها و يذبح روحه شوطين كاملات !!
صح يدج مستواه !! لكن نلقاه مباراة كاملة و ميلان مهزوم وهو اللاعب الوحيد اللي نلقاه بكل الاماكن
مع كل السلبيات اللي فيه .. لكن اذا بغيناه بوقت الحسم يكون موجود .. و ناظروا دوره بمباراة مانشستر
الذهاب .. طلع الشوط الثاني و كانت النتيجة 2-1 لنا و بان خطر مانشستر بجهته و بان ثقله
بالفريق .. على قولتهم رونالدو الفلته دخل فيه كوبريين صح لكنه انكتم و لا قدر يخدم فريقه ابد
الا بعد ما طلع رينو .. اصيب في الشوط الاول يضغط على نفسه و يكمل الشوط يطب الشوط الثاني وهو
ضاغط على نفسه .. عقبها خلاص ما يقدر يطلع و جماهير مانشستر منقهره منه يطلع و يتلاقط معهم
مباراة ليفربول - البايرن - مانشستر اياب - مباريات كثيرة لرينو يكون هو نقطة التحول !!
أذكر صرح قبل كم يوم قالوا انك يمكن تطلع .. قال تراني ميلانيستا اكثر من جالياني نفسـه !!

عموماً اشوف طلعة قاتوزو شبه مستحيلة ! طبعا هو ماهوب طالع الا يمكن للكبتنية و الكبتنية محسوم
امرها من قبل بيرلسكوني .. واذكر له تصريح عقب ما اخذ كاكا جائزة احسن لاعب بالعالم طلع
بيرلسكوني و قال كبتنا الجديد بعد باولو هو رينو و سحب على ابو مندوب امبروسيني !!
قاتوزو يقول انا احترم امبروسيني .. وانا ابمشي بالدور و ما ارضى احد يسقط علي وهو جاي بعدي !!
ولو ناظرنا النظام نلقى كلام رينو هو الصحيح ! امبرو - رينو - كالادزي - بيرلو هذا هو ترتيب
الكباتن على حسب جيتهم !! عموماً الكل يعرف ان اقرب واحد من النادي لبيرلسكوني هو قاتوزو
حتى اكثر من باولو و اكثر من جالياني نفسه و ان شاء الله يحسم الامر بالنظام الاول !!

قبل لا امشي .. هذي كم صورة متحركة زينته للجلاد

وهذي للأمانة موب انا اللي مزينهن :

تورام · #3 06/05/2008, 11:19 AM

السلام عليكم

حبيت ابارك لكم على فلاميني و على الفوز بـ الديربي

بما انكم تحتااجون حاارس ممتااز

فيه حارس بطل و ما سلط عليه الاعلام و تقدرون تاخذونه بـ ابخس الاثماان

انه هندانوفيتش

حارس اودينيزي

كاان حاارس لـ ريميني في السيريا بي .... اليوفي في هذه المباراه لعب ضد الحارس فقط

رشاااقه ..... رده فعل ممتاازه .... طول .... سرعه بديهه

يعني حااارس متكاامل

اذا تبحثون عن حارس فـ هندانوفيتش هو ضالتكم

بعض الاحيااان اتاابع مبارايات اودينيزي علشااانه

امس جااء في حصيله الدوري الايطالي ملخص عن مباراه اودينيزي و ايمبولي
ما تتخيلون كيف ابدع هذاا الحارس .... انقذ كور اهداااف

تقبلوا مروري

و شكرا لكم

forza milan 99 · #4 06/05/2008, 12:39 PM

إقتباس

الرسالة الأصلية كتبت بواسطة عاشق ميلانو


	..:: صور قميص ميلان في الموسم المقبل ::.. الطقم الأسـاسي الطقـم الرديف بصـراحة رووووعة

بصراحه الطقم رووعه

وخاصاً الرديف والله انه يستهبل

متى ينزل في الرياض بس

شباب اليوم قريت خبر ضيق صدري وياليت تتأكدون من صحت الخبر
مباراة ميلان / نابولي ما راح تنقل لا على الجزيره ولا art

؟؟؟؟؟؟

يعطيكم الف عافيه على الاأخبار

NESTA _ 13 · #5 06/05/2008, 01:13 PM

إقتباس


	شباب اليوم قريت خبر ضيق صدري وياليت تتأكدون من صحت الخبر مباراة ميلان / نابولي ما راح تنقل لا على الجزيره ولا art ؟؟؟؟؟؟

ولا مباراة بثتها ارتي او الجزيرة على ارض نابولي هالموسم هذا
والسبب ان رئيس نابولي يبيع حقوق المباريات كل مباراة بسعره
يعني قبل كل مباراة يفتح مزاد ما بين القنوات الايطالية ..

مثلاً رئيس الوحدة جمال تونسي قال .. حقوق النقل على ملعبي
ما ابيعها حصرية على اي قناة !! و مالي دخل بالقنوات اللي تنقل الدوري !
قبل كل مباراة للوحدة على ارضه .. يفتح الرئيس مزاد بين ارتي و الرياضية
وان حصل قناة ثالثة معهن مثل اوربت مثلاً
اكثر قناة تشتري المباراة يبيع حقوق المباراة فقط !!

و هالشيئ يرفع من سعر النقل مثل ما تشتري قطعة بسعر
الجملة تختلف عن المقطع .. و غالبا اللي يفوز بالنقل قناة السكاي
او قناة الراي .. و الجزيرة راح تدفع مبااالغ كبيرة ما تستاهل على مباراة وحدة بس !!

G o L d E s T · #6 06/05/2008, 01:13 PM

^^^

نادي نابولي ما باع حقوق النقل لأي قناة عربية

يعني نبي نشوف المباراة من النت

.......

بالنسبة لجاتوزو ما فيها كلام إن وجوده بميلان ضروري

لكنه قهرني يوم سأله أحد الصحفيين وقاله ما صرت تركض مثل أول

رد عليه : لقد أصبحت أكثر هدوءا الآن <<< وش عنده بيرلو

ومثل ما قلت يا عمر أتوقع إن الكبتنية هي اللي مضيقه صدر جاتوزو لكن مب شرط إن القيادة للأقدم

شفنا شيفا كابتن بوجود أمبروسيني مع إن أمبرو أقدم بأربع سنوات

أتوقع إن الكبتنيه بتصير لأمبرو وكاكا يبيها بس من تصريحه الأخير قال إنه بينتظر دوره ولا يبي يسبب مشاكل

فلاميني ممتاز ويلعب بأكثر من مركز ( محور دفاعي أو لاعب حر أو جناح أو ظهير )

وأتمنى إن ميلان يستغني عن ايمرسون أو بروكي عشان ياخذ فلاميني فرصته وأنا متأكد إنه بينجح

خصوصا إن اللياقة عنده أروع من الروعة وهذا أهم شي يحتاجه الكالتشيو

مالديني and كاكا · #7 06/05/2008, 01:49 PM

الحمد لله كل الاخبار تفتح النفس فلامني صار ميلاني وجتوزو مو طالع بس الخبر اللي يسد النفس ان المباراة مو منقوله

MILAN STARS · #8 06/05/2008, 01:58 PM

يعني فيه امل تنقل و الا لا ؟ يعني يمكن الجزيره يشترون المبارات ؟ و الا لا ؟

Tнe LeaDeя MiLaи · #9 06/05/2008, 02:36 PM

ميلان يوافق على شراء سانيول:

على ذمة الكوريري ديلو سبورت , ميلان اقترب اكثر من اي وقتا مضى من التعاقد مع مدافع بايرن ميونيخ ويلي سانيول بعد الوصول لإتفاق على المبلغ .
سانيول أدى موسم كارثي مع المتوج الجديد بلقب البوندسليجا البايرن ميونخ , بعد أن أستبعد هيزتفيلد من تشكيلة الاساسيه
.
وسائل الإعلام الإيطالى صرحت الأسابيع الماضيه من ان ميلان دخل فى مفاوضات مع البايرن لإنتقال الاعب .
واعلنت الكوريري اليوم ان 5 مليون يورو تم الإتفاق عليها من قبل الناديين .
مجرد تفاصيل صغيره تفصل إنتقال الاعب نهائياً إلى السان سيرو , و سانيول صاحب 31 عاما قد أخبر
أصدقاءه إنه سينتقل الموسم القادم إلى هناك .
و هذا الإنتقال سيعني إنتهاء مسيرة كافو مع الميلان صاحب الـ37 عاماً الى سينتهى
عقده آخر هذا الموسم , و يعنى أيضاً أن ميلان سيكون لديه ظهيرين و هو سانيول
و أدو .

المصدر

MILAN STARS · #10 06/05/2008, 02:05 PM

يا شباب انتم معي او ضدي ؟
وش رايكم بانشلوتي من ناحية اعطاء فرصه للاعبين
اعتقد فلاميني ماراح ياخذ حقه ولا راح يعطيه فرصه في اللعب ابد ؟
انشلوتي مايعتمد ولا يبي يعتمد الا على الاعبين اللي عنده الاساسيين يعني السنه هاذي ماشفنا الا بونيرا اللي اعطاه فرصه حلوه ؟
اعتقد حتى لو جاء فلاميني راح يخليه احتياط و يلعب بسيدورف و كاكا و بيرلو و جاتوزو و اذا اظطر راح يدخل امبروسيني قبل فلاميني ؟ وش رايكم ؟

Tнe LeaDeя MiLaи · #11 06/05/2008, 02:19 PM

إقتباس

الرسالة الأصلية كتبت بواسطة MILAN STARS


	يا شباب انتم معي او ضدي ؟ وش رايكم بانشلوتي من ناحية اعطاء فرصه للاعبين اعتقد فلاميني ماراح ياخذ حقه ولا راح يعطيه فرصه في اللعب ابد ؟ انشلوتي مايعتمد ولا يبي يعتمد الا على الاعبين اللي عنده الاساسيين يعني السنه هاذي ماشفنا الا بونيرا اللي اعطاه فرصه حلوه ؟ اعتقد حتى لو جاء فلاميني راح يخليه احتياط و يلعب بسيدورف و كاكا و بيرلو و جاتوزو و اذا اظطر راح يدخل امبروسيني قبل فلاميني ؟ وش رايكم ؟

لااسمح لي

اذا كان تفكير ابو شدوق كذا

فاحسن له يقضب الباب افضل له ولنا

انا اوؤيد فلاميني على امبروسيني

بس ماسالتوا نفسكم سوال؟؟

بقدوم فلاميني يعني الميلان ماراح يستغني عن خطة شجرة عيد الميلاد

4/5/1

يعني الظاره بنقعد طول عمرنا على هالخطه

حتى تصدق شفت مباراة اليوفي ضد المان عام 99

بالتشامبيونز ليق كان مدرب اليوفي انشيلوتي

تصدق كان يلعب معهم بنفس الخطه

وكان يخلي انزاجي قدام

واللهم بدال كاكا حطوا زيدان

Tнe LeaDeя MiLaи · #12 06/05/2008, 06:14 PM

الأرسـنال يـريد خطف جـاتوزو من الميلان........!!

بعد توقيع ميلان مع الفرنسي لاعب خط الوسط للارسنال ماثيو فلاميني ها هو الارسنال يريد الانتقام لخطف لاعب خط وسط الايطالي للميلان جينارو جاتوزو .
الارسنـال يريد بديلاً في الصيف القادم لـ لاعبهم السابق فلاميني في خط الوسط , فينجر ابدى اعجابه بـ جاتوزو وبدأ التفكير بضمه للأرسـنال
على رغم من كثرة مشاركة مع الميلان وكبر سنه .......!!

المصدر

Tнe LeaDeя MiLaи · #13 06/05/2008, 06:18 PM

إقتباس


	ميلان يوافق على شراء سانيول:

بصراحه لاعب كبير بالسن وكثير اصابات

مايصلح للميلان بتاتا

وهاذي من اولتها

بدينها شيبان

إقتباس


	الأرسـنال يـريد خطف جـاتوزو من الميلان........!!

وش قالوا قال خطف

ذكروني بافلام الاكشن

خطف وخاطفين

MILAN STARS · #14 06/05/2008, 03:15 PM

8
8
8
اتوقه ابو خدود راح يرجع لخطه 2005 اللي هي 4-4-2 اما شيفا و توماسون
اتوقع راح يلعب باتو و انزاقي و وراهم 4 اللي هم كاكا و سيدورف و بيرلو و جتوزو .