بإختصار

مستوى هزيل
ونص ضايع
ودفاع متشتت
وأكبر عالة ونكبة إنجليزية في صفوف المان
وهو براون

^^ بالله ماتسبب لك خساير

الله يعين

وناني لاعاد أشوفه أساسي
ماسكة معاه أنانية طول المباراة
والمشكلة السير ماطلعه ؟؟؟

يالله الدوري بآخر جولة راح يبين

برب ولي عودة

هااااردلك ياشباب الخسارة وانشالله معوضة
باقي مباراتين وانشالله نفوز فيها ويكون الدوري للمان
واتوقع والله تعالى اعلم ان اللاعبين مستحين عليى وجيهم ومتفشلين
وانشالله يبي يبيضون الوجه قدام البرشا وبفرحونا
تحياتي

إقتباس الرسالة الأصلية كتبت بواسطة هلالـــ الجنوب ـــي || مورينيو : رونالدو يحتاج إلى لقب كبير || ذكر مدرب نادي تشيلسي الإنجليزي السابق جوزيه مورينيو بأن كريستيانو رونالدو يحتاج إلى بطولة كبيرة لكي يتوج بلاعب الموسم . يقول مورينيو " أعتقد أن أفضل لاعب في الموسم يجب أن يكون أفضل لاعب في الموسم بالإضافة إلى فائز السنة , لا أعتقد أن يحصل عليها أحد مالم يحقق لقباً كبيراً " " بكل وضوح , مافعله كريستيانو رونالدو هذا الموسم شيء مذهل وقد قطع مسافة كبيرة جداً لكي يكون أفضل لاعب في الدوري الإنجليزي " " بالنسبة لي , أفضل لاعب يجب أن يكون فائزاً أيضاً لأن كرة القدم شاملة " " لذا , إذا فاز مانشستر بلقب هذا الموسم إما الدوري الإنجليزي أو دوري أبطال أوروبا فأنا وليس فقط أنا بل كل عالم كرة القدم سوف يعطي رونالدو الحذاء الذهبي " المصدر

قسم بالله كلام من ذهب ..
القهر إن كريس يشتغل من بداية الموسم يلعب ويلعب ..
ويصير هداف الدوري الإنجليزي والأبطال .. وآخر شي يطلع من كل المسابقات ..
مستوى اليوم ما يبشّر بخير .. بس عساها مباراة وحده ولها ظروفها ..

لكن السير اليوم لعب بأعصابي .. والله خطه تقهر .. اخاف إنه
يبي يحافظ على البطولتين و يطلع منها كلها .. يعني لو هو لاعب
بخطه هجوميّه كان فيه أمل تنجح ويفوز مانشستر وياخذ اللقب ..
لاكن بما انّه فرط في هذي .. كل شي وارد في كره القدم لكن
من الممكن الخساره من برشلونه والتعادل مع أحد الفرق القادمه
لا قدر الله .. خصوصا مستوى هزيل اللي يقدمه مانشستر من التعادل
مع بلاكبيرن إلى الآن .. ذكريات زمن الأربعات قسم بالله

مرحبا ً بك هلالي الجنوب .. و الف مبروك الفوز لكم ..
تستاهلونه

إقتباس الرسالة الأصلية كتبت بواسطة رفـيـع الـشـان .. ..[][].. السيــر يهــاجم آلآن وايــلي ..[][].. الأسـكتـلندي أليكـس فيــرغـسون بعـد خســاراة مانشستر يونايتــيد من تشيـلسي ظهـر اليـوم السبــت هـاجم الحــكم آلان وايــلي و مـساعدة الذي إحتســب ركــلة جزاء التي منـها إستــطاع تشيــلسي الفــوز في هـذي المـبــاراة . و أخـبر Mu Tv :. [[ هـو قرار شيــطاني جدا ً ]] [[ بالفعـل الكرة لامسـت يدهـ ولكـنه لم يحـرك يــدهـ تـجاهـ الكرة ]] [[ الحـكم يجـب عليـه أن يرى الحـالة ولايـتـجه للمسـاعدة من رجـل الخـط ]] [[ هـذهـ القرارات دائمـا ً ما تـجعــنا تـحت ضغــط ]] [[ أيـن المـساعد من إستـقبال بـالاك لـ كريسـتـيانو رونـالدو الحـار في أول دقيقـة من نزولــه ]] [[ هـذهـ ضـربة جزاء ولكــن لم تـحـتــسب ]] [[ أيــن العـقوبة لـ دروغـبا الذي ضرب فيــدتش في أول المـباراة ]] [[ و لكــن تشيــلسي كان الأفضــل في الشــوط الأول لكـي أنصفــهم ]] [[ دائمـا ً المـباريات التـي تـكون بعـد مـباراة أوربيــة تـحمـل مشـاكل عـديدة لنـا ]] [[ اللقــب لم يحــسم بعــد ، و مازالــت في أيديـنا ]] TeamTalk ترتيب الدوري بعد مباريات السبت

هاردلك يا شباب الخساره اليوم لكن رغم الخساره الا اني ابارك للجميع الدوري من الان والتاهل لنهائي الابطال والسبب انه المان بعد اي تعثر يحصل له يعوود اقوى من الاول والسير تعمد في مبارتي برشلونه (الذهاب) وتشلسي انه مايحاول يجهد الاعبين اكثر من الازم عشان مباراة برشلونه( الاياب) ومبارتي الدوي ضد وستهام وويجان وهما ان شاء الله في المتناول بحكم ان الاولى على ارضنا والثانيه مع فريق ضعيف نسبيا وفوز ويجن في المباراة القادمه سيضمن له البقاء في الدوري لذا ستكون مبارته امامنا تحصيل حاصل وتشلسي سيواجه نيوكاسل خارج ارضه ونيوكاسل منتشي ومتحسن مستوواه وان شاء الله يسويها ويعثر تشلسي.


اما عن مباراة اليوم احب اشيد بلاعبين هما سلفستر وفلتشر قدموا صراحه اداء يستحقون عليه الثناء .

.

ياويلكم منا يا برشلونهنبي نفجر غضبنا فيكم.

<<<<اسكت لايدري عنك سليمان

واعذروني يا شباب على السحبه

الله يلعنك يا دروغبا اشوف فيك يوم يالهيس نقطة تحول المباراة طلعة فيديتش .. صحيح تشلسي كانوا ظاغطين بس وجود هالآدمي يريّح اي دفاع ويتعب اي هجوم .. اقلها هدف بالاك الراسي الاول لو كان موجود ما ظنيت انه يجي بهالطريقة .. يا قرادة حظك يا فيدا بس

فيرغسون اعطى تشلسي اكثر من حجمه + التفكير في متش برشلونة اتعبنا .. فيرغسون بالغ كثييير بالدفاع .. مباريات زي كذا المفروض نلعب زي ماتعودنا .. تشلسي صحيح قوي على ملعبه وسجلة يشهد بس كنا نقدر نسوي احسن من اللي سويناه .. فليتشر كان بطل اليوم .. مع انه كان راجع من اصابة بس كان النجم الاول بخط النص .. موجود بكل مكان .. ابثر ايسيان .. يقطع كور .. انتظرت اكثر من اندرسون خصوصاً على المستوى الهجومي .. بس كان مستعجل .. كنا نقدر نضرب دفاع تشلسي خصوصاً انهم يعتمدون على التسلل .. بس التمريرة الاخيرة كانت تتأخر لاجزاء من الثانية

روني احييك ليتك كذا دااايم قدام الباب .. اليوم استغل الخطأ بطريقة ممتازة .. روني اليوم كان معزول .. نفس الغلطة اللي صارت مع البرسا لما كان رونالدو معزول لحاله .. ناني سيء .. جيجز يحاول بس ينظغط من فيريرا او ما يستلم .. المباراة طلعت اخطاء واجد لنا خصوصاً هجومياً .

عموما خسارة اتمنى ما تاثر معنوياً على الفريق .. الدوري بيدنا للآن وفيرغي قالها قبل شهرين بالظبط .. الدوري ممكن ينحسم بفارق الاهداف .. لكن تشلسي اتوقع بيتعثر في نيوكاسل اللي يمر باحسن فتراته هالموسم .. و بنفوز على الهمرز ان شاء الله وينتهي كلش .. فيرغي حب يعطي الدوري جو اكشن شوي

مبروك تشلساوية .. هاردلك لنا

شباب وش هالتشاؤم .. ابيكم تاخذون فرة على خسايرنا هالموسم .. بعد كل خسارة اقل شي 4 مباريات ورى بعض فوز وهالشي يريحني .. انا اللي غابني ليش مباراتنا مع ويست هام السبت و مباراة تشلسي خلوها الأثنين ؟؟!! .. ويقولون اتحاد مانشستراوي بعد

الله يعجل بالثلوث بس

السلام عليكم ورحمة الله وبركاته

صبحكم الله بالخير والسرور


هزيمة الامس درس للسير اليكس لمباراة البارسا يوم الثلاثاء القادم ,,,


المان امس وبالاخص في الشوط الثاني اضاع المباراه بس الحمد لله على كل حال ,,,


متبقيه مباراتين امام وست هام في الاولدترافولد وامام ويغان خارج الديار ,,,


الست نقاط يعني الحفاظ على لقب البريمير ...


انتهينا من البريمير وجاء دور الشامبيونز


الوعد الثلاثاء في الاولدترافولد باذن الله الى موسكـــــــــو ,,,


الله يعطيكم العافيه شباب