مثل ما تعرفون موضوع رونالدو .. بالنسبة لي اشوف ان الموضوع بدأ يوضح لي .. اللاعب عنده رغبة بالانتقال بس بنفس الوقت مانشستر رافض .. بـ حسبة بسيطة لو افترضنا رونالدو جلس الموسم الجاي .. ماتوقع بيكون بمستواه ابداً .. غير كذا ممكن يسبب مشاكل الفريق بغنى عنها داخل غرف الملابس .. وغالباً جو الفريق بالمكان هذا اخوي وهذا سر تفوقنا الموسم اللي راح .. ايضاً ممكن يخرج بعد موسمين ثلاثه بمبلغ نتحسف عليه .. الريال ماراح يعرض الموسم الجاي نفس المبلغ خصوصاً لو رونالدو ما ظهر بمستواه .. بالمختصر بقائة راح يسبب مشاكل اكثر من الفايدة اللي ننتظرها من كريستيانو .
اعرف ان فيرغسون يقدر يحل الموضوع بخبرته الكبيرة .. بس الموضوع طوّل .. وانا اطرح احتمالات قائمة بقوووهـ داخل الفريق .
ريال مدريد ما عنده مشكلة يدفع 100 مليون في رونالدو .. طيب نحسبها من جهة ثانية .. نقول 50 مليون ويجي روبينهو اللي ماتوقع يمانع خصوصاً ان الولد ملً اصلاً لما جا روبين فما بالك وفيه رونالدو زيادة .
طيب 50 مليون .. 15 منها نجيب فيها بيرباتوف او اي مهاجم قناص .. مثلاً هونتيلار .. كلوزة .. غوميز مهاجم شتوتغارت .. اقلها سانتا كروز
10 مليون اطلق ظهير ولو ان الحاجة اشوفها الحين اكثر لـ قلب دفاع إحتياطي لـ فيدا و فيردي .. غاري نيفيل + براون + هاري + سمبسون + اوشي .. اشوفهم كافيين و زيادة بعد
بيجيني واحد يقول طيب رونالدو مسجلي 50 هدف واكثر بموسم .. مستحيل اي لاعب غيره يوصل لهالرقم اقوله على مهلك .. كان غيرك اشطر .. تذكرون قبل يجي رونالدو .. كنا نعتمد على نيستلروي و روني تقريباً .. المعدل التهديفي كان جيد جداً بس الفرق ان الخيارات كانت قليلة جداً .. لو نتخيل الفريق بدون رونالدو .. مثلاً .. ناني بارك اجنحة .. روني تيفز بيربا مهاجمين .. ماتوقع بأي شكل من الاشكال ان النسبة التهديفيّة راح تقل للفريق + وجود مهاجم قناص راح يخلي روني او تيفيز ينفجرون تهديفياً خصوصاً روني + الخيارات بتكون اكثر قدام الفريق .. يعني تقدر تلعب بكذا طريقة وهالشي بيساعدنا كثير خصوصاً في دوري الابطال .. الجمع بين الدوري و الابطال لو تلاحظون ما جمعناهم بنفس الاداء .. كان ادائنا في البريمير يختلف عن ادائنا وتكتكينا في الابطال .. فيرغسون بعد نهاية الموسم يقول الطريقة هذي (الحالية) هي اللي تخلي اهداف روني تقل .. لو يلعب معه لاعب راس حربة راح يبدع .. رجعت لـ اهداف روني لما كان يلعب جنب نيستلروي فعلاً كانت اكثر منها حالياً
اللي ابي أوصل له .. رونالدو خروجة محزن صحيح .. بس ممكن يكون اخير للفريق من لاعب يبي يجلس يتزقزق علينا الموسم الجاي .. + خروجة ممكن يغير من الفريق بشكل او بآخر + لا نلغى احتمالية ابداع لاعب آخر يسوي اللي سواه رونالدو واكثر خصوصاً لو كان البديل روبينهو + مدرب اسمه السير اليكس فيرغسون
أبختم كلامي بـ سطرين و الشاطر يفهم :
روي كين = كاريك .. بيكام = رونالدو .. غاري باليستر = فيردي .. شمايكل = فان در سار .. ستيف بروس = فيديتش .. دينيس آروين = ايفرا ... والقائمة طويلة .. و فيرغسون هو الاساس
عموما .. اتمنى تجاوبوني على هالاسئلة وياليت من عقبها نقفل على موضوع رونالدو لانه طال اكثر من اللازم .. وراح يطول اكثر اتوقع بما ان اللاعب بدأ إجازتة اللي ماراح تنتهي قبل 3 أسابيع !
1 - مع او ضد خروج رونالدو ؟
2 - مدى التأثير اللي ممكن يحدث برحيل رونالدو ؟؟
3 - وش الحلول المناسبة لتعويضه ؟؟ تغيير الطريقة ؟؟ أو جلب بديل بنفس المستوى ان وُجد ومن ترشح ؟
واللــه تعليق روووعة , ممكن باللي قلـــته هذا غيرة وجهة نظر ناس كثيرين في رونالدو ... كلامك كلــه صح , ولايقدر اي واحد يزود او ينقص عليــه ...
بس عندي احساس مب صاحي أن كريس اذا رجع من الاجازة بيعلن أنه بيبقى مع المان لفترة طويــلة أقلها الى نهاية عقده ...
لأني احس بتصاريــحه هذي يبي يجلب الأضواء لنفســـه .. ومنها يحاول في زيادة راتبـه في المان ..
إقتباس
عموما .. اتمنى تجاوبوني على هالاسئلة وياليت من عقبها نقفل على موضوع رونالدو لانه طال اكثر من اللازم .. وراح يطول اكثر اتوقع بما ان اللاعب بدأ إجازتة اللي ماراح تنتهي قبل 3 أسابيع !
إقتباس
1 - مع او ضد خروج رونالدو ؟
واللــه مآفرقت عندي طلع والا ماطلع , أنا اشجع مانشستر يونايتد مااشجع رونالدو ..
إقتباس
2 - مدى التأثير اللي ممكن يحدث برحيل رونالدو ؟؟
والله هذي صعبــة نتوقع وش بيصير , لكن واحد هو اللي يحدد اللي هو السير آليكس ولو اتوقع انها بتأثر نفسياً على الاعبين والجماهير .. لكن هنا دور السير
إقتباس
3 - وش الحلول المناسبة لتعويضه ؟؟ تغيير الطريقة ؟؟ أو جلب بديل بنفس المستوى ان وُجد ومن ترشح ؟
هذي بعد عند السير , راح يفاجأنا بلاعب راح يلبس الرقم (7) , ممكن نآني وهذا اللي اتوقعه لأنه لاعب موهوب , لكن ماينفع ناني لحاله كلاعب جناح , جيجز شايب , بارك مو طموحنا , اتوقع راح يجيب لاعب من برا النادي كلاعب جناح , ولكن اللي بيعوض كريس هو ناني
اول شي ما اتمنى ان كريس يطلع من الفربق
ثانياً مدى التاثير ميه في الميه ان المان راح يخسر بخروجه لانه لاعب مفيد للفريق وهداف.
ثالثاً تبي لاعب مثله هاذي صعبه جداً ولو فرضنا انه طلع اتمنى انه يجي كوريزما او ربينهو
رابعاً اقل قيمه في كريس الميه مليون.
خامساً هل ان يبي يدي في نفس مستواه ولا لا انا ابصم بالميه لو ان الريال مافاوضه ماراح يدي في نفس المستوى لانه كان لاعب الموسم الماضي خرافي.
لسنا بحاجه الى شهادتك أخي العزيز .. وعلى قولتهم " اللي مايطول العنب حامض عنه يقول " سجل بـ ارسنال و ليفربول وتشلسي وليون والأنتر وميلان .. ووو وش تبيه يسوي أكثر ! عشان مآقدم شي لليورو خلاص فاشل ! أين زيزو في كاس العالم 2002 .. ؟؟ ياقرة عيني ! بإختصار " لاتقارن من مباراة أو من مباراتين " قارن بمشوآره طيلة الموسم .. !! أكيد الضجه الإعلاميه حوله وحول إنتقاله أثرت على بعض من المحايدين والمعجبين ! لكن كريس يبقى بطل ! شئت ذلك أم أبيت ..
.. تذكرون قبل يجي رونالدو .. كنا نعتمد على نيستلروي و روني تقريباً .. المعدل التهديفي كان جيد جداً بس الفرق ان الخيارات كانت قليلة جداً .. لو نتخيل الفريق بدون رونالدو .. مثلاً .. ناني بارك اجنحة .. روني تيفز بيربا مهاجمين .. ماتوقع بأي شكل من الاشكال ان النسبة التهديفيّة راح تقل للفريق + وجود مهاجم قناص راح يخلي روني او تيفيز ينفجرون تهديفياً خصوصاً روني + الخيارات بتكون اكثر قدام الفريق .. يعني تقدر تلعب بكذا طريقة وهالشي بيساعدنا كثير خصوصاً في دوري الابطال .. الجمع بين الدوري و الابطال لو تلاحظون ما جمعناهم بنفس الاداء .. كان ادائنا في البريمير يختلف عن ادائنا وتكتكينا في الابطال .. فيرغسون بعد نهاية الموسم يقول الطريقة هذي (الحالية) هي اللي تخلي اهداف روني تقل .. لو يلعب معه لاعب راس حربة راح يبدع .. رجعت لـ اهداف روني لما كان يلعب جنب نيستلروي فعلاً كانت اكثر منها حالياً 
!
,, !
! وأيضآ لدى بعض اللآعبين ,, !
الوضع العادي
