|
من عنده علم عن هذا يبلغني عاجلا . اخواني اعضاء ومشرفين السلام عليكم ورحمة اللة وبركاته اللة يتقبل منا ومنكم الصيام والقيام أعاده اللة علينا اعوام عديده باليمن والبركات إنه سميع مجيب . اخواني لقد دار نقاش بيني وبين زميل لي نصراوي والحمدللة أننا في هذا الشهر الفضيل وإلا صار ما لا يحمد عقباه المهم النقاش كان حول عدم فوز الهلال على النصر بوجود الهريفي وهناك تحد كبير بيني وبينه وقال لي بالحرف الواحد( جب لي شريط فديو لمباراة الفريقين موجود فيها الهريفي وفاز الهلال فيها ) فجن جنوني مع علمي بأن الهلال هزم النصر أكثر من مرة بوجود الهريفي وماجد ومحيسن ويوسف خميس ولكن الرجل يريد شريط فديو من عنده شريط فديو لأي مباراة للهلال مع النصر فائز فيها الهلال بوجود الهريفي يحاول أن يرسله لي وسوف أتحمل كامل مصروف الشريط وشحنه وسأكون له شاكرا ومقدرا , بعدين نهائي كاس الملك 1409 هل لعب الهريفي في تلك المباراة أم لا . |
اخي العزيز ( الجنتل سامي) نعم انت من يربحك لقد تغلبنا عليهم في مباراة الدوري عام 1410هـ بنتيجة: 1-0 واحد صفر وقد احرز الهدف اللاعب فهد المصيبيح بقدمه اليمين في المرمى الشمالي لك كل الشكر والتقدير |
شكرا اخوي يلو بيرد أنا متأكد من ذلك ولكن أرغب في شريط المباراة ممكن تعطيني عنوان محل فيديو أجد عنده هذه المباراة لأني إنشاء اللة قادم الى الرياض ثاني أيام العيد. |
ياجنتل عتبي عليك كله عشم وش الهريفي حرام عليكم والله حرام هزم النصر بالخمسة والاربعه بوجود الهريفي وماجد ومحيسن ياخي مباراة كاس الملك 3/0 كان على راس المشاركين وياليت تخبر خويك النثراوي باننا نحن الهلاليون نتحدى ان يفوز النثر على الهلال في حال اكتمال الهلال فكل مباراة يكون ناقص الهلال اربعه الى خمسة ومع ذلك احيانا يفوز الهلال والاهم من ذلك انه في جيل سامي الجابر لم فاز الهلال على النصر ضعف فوز النثر على الهلال رغم ان معظم المباريات تقام بدون لاعبي المنتخب وتعرف منهو المنتخب هو الهلال اي انهم يقابلون الهلال بصفه الثاني ومع ذلك لايستطيعون هزيمته وقل لخويك المهم البطولات كم بطوله جابها الهريفي والا قل له حلو عقدة القهوجي وبعدين تكلموا عن فلتتكم ظلال نواف |
yes he played that match on 1409 h ;) ;) |
شكرا اخوي وارف العز والفخر وكلامك على العين وفوق الراس صدقني رفع ضغطي لأني اعرف من يكون الهريفي وهو مصدق إن الهلال لم يهزم النصر بوجود الهريفي فقام يمسك الموضوع عللى باله, وحبيت اسكته فقط لا أقل ولا أكثر . اخوي نواف 47 : اشكرك على هذه المعلومة حقيقة من كثر بطولات الزعيم نسيت شكل المباراة المذكورة . |
اخوي الجنتل اشكرك على الرد واحب اضيف كلمتين وش الهريفي وتاريخه اللي كله مشاكل وتوقيفات من ناديه والاتحاد السعودي ومن عيوبنا كهلاليين هو اننا نرفع من قيمة اللاعب بالحديث عنه وهو مايستاهل شف العويران الحين لقاها فرصه كلما راحت الاضواء عنه هاجم الهلال والهلاليين مايقصرون ... والسكوت عنه هو الحل للاسف كان عندنا خالد التيماوي يسوى الف هريفي وحقق مع ناديه والمنتخب ثلاثة اضعاف بطولات الهريفي ومع ذلك لم نعطه ولو ربع حقه وهاهو يعتزل بصمت ولا كنه خدم الهلال والمنتخب . وبعدين اخوي الجنتل اضافه مهمه ابلغ بها خويك النثراوي عندم صرح الرمز في يوم من الايام بأن الهريفي يتهرب من لقاءات الهلال ويختلق المشاكل والاعذار لكي لايشارك .... وشهد شاهد من اهلها ... وش رايك مع شكري وتقديري |
اشهد انك كفيت ووفيت ياوارف العز والفخر اما بالنسبه لمحل الفديو ان لم تخني الذاكره فديو النجوم الرياضي بالرياض فديو النجوم في الدمام |
أزيد على الشباب فيديو النهدي بالرياض :) ( شارع الوشم ==>طريق الملك فهد) |
على طاري فيديو النهدي ترى عندهم عندي عيونه خضر :rolleyes: هلالي موت ويعرف تاريخ الهلال كله :) وحتى لو تسوي نفسك ما تدري وتقوله عطني احسن المباريات يجيب لك احسن مباريات الهلال من جد يعني نقوة :) لا يفوتك وعلى فكرة النهدي والنجوم جمب بعض تقريبا بس النجوم عنده كل الاشرطة والسعر 40 ريال لأي شريط ، والنهدي ماعنده اشرطة جديدة بس الشريط على ما اذكر بعشرة او 15 . |
اخوي الأعصار , اخوي مخاوي البطولات اخوي نواف47 , اخوي وارف العز والفخر اخوي بلو بيرد شكرا ألف شكر على تجاوبكم معي والعنوان حفضته وسأذهب للمحلات المذكورة واسكت الجاهل , بس اخاف يقول جب مباراة فزتوا فيها على النصر بوجود الدحيدح أو حسين هادي ( أشوا إنه ماذكرهم ) |
ههههههههههههههههههههههههههه الله واكبر يالهريفي الحين على بالهم زيــــــــــــدان فزنا عليهم وممدوح بن سعود يلعب معهم المباريات اللي فاز فيها الهلال اللي اذكرها 1- الهلال والنصر في الدوري اللي كان لازم النصر يفوز على الهلال 3/0 ليفوز بالدوري مااذكر اي عام ولكن يبدو عام 1408 فاز الهلال 1/0 سجل الهدف يوسف الثنيان 2- على كاس الملك فهد 3/0 في جده 3- في دوري 2/1 سجل الاهداف الحبشي وهذال الدوسري 4- في الدوري بعد 1/0 سجل الهدف المصيبيح هذا اللي اذكره بس لو تبي شريط رح لشارع الوشم فيديو الحبشي واسال عن مباراة الكاس 3/0 ويدلونك عليها |
اشكرك اخوي بالجيت واللة أني متأكد انها اكثر من خمس مباريات لكن الجهل أعماهم واللي حمسني اكثر تعهده لي إذا جبت له مباراة وحده بأنه لن يشتم الهلال قط لأنه واثق من كلامه المسكين وأشكركم جميعا على هذه المعلومات التي ستجعل واحدا من جماهيرهم يبعد شره عن هلالنا ويا ويله لو ما يفي بوعده لأني ابضرب مشوار من منطقتنا الى عاصمتنا الحبيبة من أجل هذا التحدي . |
الاخ الجنتل سامي بعد التحيه عزيزي قرات كلامك وارغب في المشاركه باسم الوسيم والحقيقه لست الوسيم انماانا asdaf فارجو تقبلي فانا اعتب عليك كل العتب فمن يكون النصر او انصراوين مع احترامي لهم فلا تشغل بالك بزبد البحر و (طياش الببسي) فدع المحروق يخفف الامه . وتقبل مني الف تحيه ،،، [email protected] |
هلا اخوي الوسيم ( اصداف ) وأنا تحت أمرك فلن اشغل بالي مرة اخرى مع هؤلاء الجهلة وتئمر أمر يا سيدي وتاج راسي . |
| الوقت المعتمد في المنتدى بتوقيت جرينتش +3.
الوقت الان » 09:42 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd