|
هل محمد بن فيصل والتايب فاشلين السلام عليكم هارد لكم الكاس وان شاء الله نعوضها في الجايات خلو غيرنا يفرح شوي بالنسبة لبعض الاعضاء الله يهديهم من يوم انتهت المباراة اللي قام يسب محمد بن فيصل هذا جزاء المعروف الرجال ما قصر سوى اللي عليه واكثر دفع اكثر من 100 مليون وسوى جهد يشكر عليه معسكرات وطيارات خاصة وما نقوله الا الله يعطيك العافية ويكثر من امثالك ورايتك بيضاء هو له فترة ينادي لاعضاء الشرف يدعمون بس لاحياة لمن تنادي الا بعض الاعضاء ما قصروا ينعدون على الاصابع . أما طارق التايب في كذا واحد بعد المبارة قال الغو عقده هذا وهو ما لعب مع منتخب ليبيا عشان الزعيم قاعد يلعب لحاله في النص ما كان موجود فيه الا هو وسوى اللي عليه يكفيه غياب الشلهوب وزاد عليه خروج ياسر في الشوط الثاني الشرهه على باكيتا اللي حاطه لحاله والله يعطيه العافيه واتمنى التجديد معه |
مشكوور عالموضوع |
طارق ماقصر وماسك الوسط لحاله وش يسوي ثاني شي ابو سلطان جاب الصداره وتأهل الفريق للدور الثاني لاسيا وجاب باول موسم كل البطولات الداخليه والموسم الثاني بطولتين |
محمد بن فيصل ماقصر وطارق التايب لاعب تشهد له المباريات السابقة اتحدا إذا طلع التايب من الهلال على طول بيقط وجهه نادي الاتحاد او الاندية القطرية والسبب من باكيتا مدرب من مهامه تضيع البطولات السعودية الفاشل |
شكرا لك فعلن الجماهير ماترحم لاكن ابو سلطان راح يتراجع عن قراره بالأستقاله |
والله ابو سلطان مااااقصر بالله شلون راح يستمر مع هلجماهير اللي بس جماهير فوز وحملته الخطأ كاملا ونست باكيتا واللاعبين اللي عقودهم بالملايين دوره ينتهي بتجديد العقود والمدربين وتهيئة اللاعبين للأسف بس ناقص يلعب مانضمن ان الرئيس القادم بيرجع الجمهور ويحضر المباريات ويحفز اللاعبين مثل ما سوى ابو سلطان الله يكتب اللي فيه الخير الخسارة والله استقالته ولو اني اشوفها اريح لانه مهما سوى ماينفع نسوا الناس وش سوى ماعرفنا تفاريس والتايب الامنه.. |
محمد بن فيصل ذالك الرئيس الشاب اللذي قدم كل مايملكه الى نادي الهلال وله كل الاحترام من الهلاليين ولاننسى طارق اللاعب المبدع وتفاريس اللاعب المخلص |
أظن أنهم سووا اللي عليهم ولاكن أقول أن سبب الخسارة هي خطة المدرب أولا لأنه مجرد ماحصل على هذف ظن أنه ظمن الفوز وغير خطة لعبه من الهجوم إلى الدفاع فأخرج ردريقاو من البداية ثم ياسر بعده, والسبب الثاني هو اختيار وقت المعسكر الخارجي , حيث لم يكن في وقته, جاء متأخرا فأرهق اللاعبين بالتدريب والسفر وحسب علمي أنهم لم يرجعوا إلى الرياض إلا يوم المباراة فجرا فهذا سبب الأرق والإرهاق للاعبين خاصة أنهم بالتأكيد يفكرون في النهائي.كان الأولى أن يعطي للاعبين وقتا للراحة يوما أو يومين. ولاكن نأمل من إدارة النادي أن يتداركوا الأخطاء ويعملوا للمستقبل. |
التايب لاعب ممتاز وماعليه خلاف بس ماعنده احد ومحمد بن فيصل افضل رئيس قدم كل مالديه من اجلكم واجل الزعيم واللحين تسال هو فاشل ولا لا |
شف اذا تبيني اجامل ماراح اجامل ودامي قلم هلالي حر احمل رأي وفكر وبما أني على وعي والحمدلله وعلم فأنا لست امعه أردد مايردده ألأخرون محمد بن فيصل ماقصر صرف على الفريق فلوس بس اما اداره فوالله الذي لااله الا هو ماحولك احد ولا اش معنى هاالمهازل اللي صارت يقول عندي عجز في الميزانيه ويغير اربع مدربين وشلون تجي يقول عندي عجز ويسافرون العين وشلون تجي يقولون مافي مشاكل بين اللاعبين وقضية توزيع المكافأت فضحت المستور ياأخوان نبي نكون واعين وفي طرحنا صادقين محمد بن فيصل رجل خلوق ومهذب ومجتهد وداعم حقيقي ولكن الأداره فن ليست سلق بيض..! اعرف ان الرد قاسي ولكن هذه الحقيقه طارق التائب ممتاز جدآ جدآ جدآ واتمنى من الله ان يستمر مع الهلال كما كان |
الناس تحب محمد بن فيصل عشان رزانته وقوته على الغير بعدل وجرئته وثقته العاليه في نفسه .... لكن لم تسأل نفسها هذا السؤال ..هل هو ادراي ناجح للهلال .....!!!!!! فريق كلالهلال لايوجد لديه اي((( مستشارين فنييين ومساعدين مدربي )) ... لقد اكتفى بأحضار مدرب لياقه سعودي قبل شهرين تقريبا هو (( الحسيني )) ............التويجري وغيرهم ..من هؤلاء .....!!! ومامدى فهمهم او خبرتهم بفنون كرة القدم ومايحتاجه اللاعب ...!!!!!! اليس الانسب احضار لاعبين خبرات مثقفين ومحنكين فنين وادارين .... ضف الى ذلك ...كانت مشكلة الهلال في الجهه اليسرى من الظهير ...هل انحلت .....!!!!!!!!! لو خرج الخثران مصاب من هو الكفأ عنه .....!!!! وللعلم هذه مشكله قديمه جدا لم تنحل حتى الىن ...!!!!!!! مشكلة الهلال من اربع سنوات وربما اكثر ضعف الضغط على حامل الكره هل تنبها لها الامير .......!!! فوق ذلك كله .... يبدو انه لايتقبل كثرة النصائح ......!!! بعكس عبدالرحمن بن مساعد الذي كان يحب ان يطور ويستمع من الغير ويشاور ويسأل ... ليت عبدالرحمن بن مساعد يعود |
ا لأمير محمد أطال الله فى عمره ما قصر ولن يجد الهلال متله اما أسباب الخسارة فلايعرفها الا أبن النادى البار سسسسسسسامى الجابر وسيكتب عنها فى مدكراته ويا جبل ممممممايهزك ريح |
التايب من افضل اللاعبيت الغير سعوديين ( ولا اقول اجانب ابو نادين منا وفينا ) الذين حضروا الى ملاعبنا ليس هذا الموسم وانما من اقرار عودة اللاعبين الغير سعوديين ومن يقول غير ذلك لا يفقه في عالم الكرة اي شيء ... طارق التايب مطلب الجماهير الهلالية للموسم القادم .. |
| الوقت المعتمد في المنتدى بتوقيت جرينتش +3.
الوقت الان » 09:20 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd