مساء الخير جميعا... اعضاء منتدى الزعيم .. جمهور الزعيم .. هاردلك

انتهى اللقاء .. وانتى الموسم .. وضاعت البطولة .. لاسباب نعلمها واسباب لانعلمها .. واحقيه ايضا للاتحاد .. وبالمناسبه ابارك لهم البطوله .. والمستوى .. والاصرار
تعمدت اني ماادخل المنتدى ليلة المباراة ولا الليلة اللى بعدها .. لاسباب تعلمونها جيدا .. وللي مايعلم الاسباب .. اقوله .. عدم دخولي بعد انتهاء اللقاء مباشره بسبب تحاشي وقوعي في فخ المواضيع الغير اراديه .. والغاضبه .. حبيت اصبر وانسى المنتدى يومين علشان يصفى تركيزي وذهني .. واعرف اسباب الهزيمه .. واكون حيادي دون تجريح احد او تعليق الهزيمه على احد ...
وبعد الهدوء .. والتفكير .. طلع في راسي كم نقطه .. اثارت فضولي رغم هدوئي :

1- التراخي الواضح بشكل عام في الفريق .. خصوصا بعد الفوز .. وفي الشوط الثاني .. وخاصة في الدقائق او الثواني الاخير .. وعلى سبيل المثال .. مباراة الاتحاد في النهائي .. ومباراة العربي الكويتي ...

2 - وجود بعض الاسماء في نادي الهلال ... ليست كفوا باان تمثل هذا النادي ... ( وتراني مروق ) وعلى راس هذه لاسماء .. العنبر .. احمد خليل ..

3- تصريحات سمو الامير محمد بن فيصل الاخيرة .. واللى بصراحه تحرجنا كجمهور ننتمى لنادي الهلال.. هالتصريحات عليها علامات استفهام .. ماكانت سياسة الهلال بالتصريحات ونشر الغسيل ابدا .. وعندي سؤال لسمو الامير محمد : في تصريحه الاخير .. يحمل اعضاء الشرف مسؤوليه ضياع البطوله !!!! في عدم الدعم المادي .. و و و واخر الكلام قال : الله يسامحهم ............. طيب خذوني انا على قد عقلي ..: الدعم المالي هواللى بيصك كوبري الدعيع .. او يبي يقصر رقبة منتشري اللى براسه حط الهدف الثاني .. وهدف ولااروع !! نعم معك انه الفريق يحتاج الى دعم مادي .. لكن هل للدعم المادي وتقصير اعضاء الشرف سبب في ضياع تلك البطوله .. او تراخي الدقيقه الاخيره !!

4 - جمهور الهلال ... متاكد انكم اكثر شعبيه بالمملكه .. ومااقولها لاني هلالي لا والله .. بس لاتزعلون مني اذا قلت لكم .. كثيره اعدادكم وقليله بركتكم .. وين التفاعل ... وين التشجيع .. !!

5 - ماادري وش قصة باكيتا .. وسامي .. والشلهوب .. ونواف ..؟؟

6- ورانا بطولة اسياء .. انسوا اللى راح من ضياع للبطوله .. لكن نضع بعض النقاط نصب اعيننا .. علشان نتفاداها بعدين
هذي النقاط اللى اتمنى تفاديها مستقبلا ... واللى عنده نقاط غيرها يقول ... ويقولها بااحترام وهدوء ومن غير عصبيه

وقدر الله وماشاء فعل .......... ومع ذلك نحبك ياهلال .. والله نحبك

تحياتي للجميع