#1  
قديم 03/06/2007, 07:35 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
فرد العضلات من خلف الشاشات





السلام عليكم
أول شي هارد لك لي ولكل الجماهير الزرقاء

بالنسبة لمواضيع انتقاد ادارة الأمير محمد بن فيصل اعتقد إنها مبالغ فيها واتوقع ان المنتدى سوف يزخر الأيام القادمه بمواضيع انتقاد ادارة الامير محمد بن فيصل واشوف انه بداء ومن كتاب كبار.......... بديت أقراء إنه جاهل ومتعجرف ومدري وشو!!!!!!!....... ولكن انا متأكد بإن الأمير محمد لو تكلم عن الظروف الي مر بها والي انا مااعرفها ولكن بما انه طرف اول بالموضوع أنا متاكد ان في جعبته كلام منطقي وكثير يرد فيها على الكلام واسباب أدة إلا أنه ياخذ هذه القرارات ليس دفاعا عن محمد بن فيصل ولكن لأني أؤمن بان رئيس النادي عمله اداري وليس فني وظيفته يدير النادي يوفر مدربين يوفر دعم مالي للنادي يحل مشاكل اللاعبين بس ماله علاقه بأخطاء الفريق الفنيه واخطاء المدرب.... ويمكن إن الأمور ظاهره على انه كان فيه تطنيش واهمال ومزاجيه في اتخاذ قراراته ولكن أنا مؤمن ايمان تام انها كانت مسئلة اولوية في تصريف الاموال رواتب اللاعبين والمدربين والمكافئات اهم من الملعب( مو كل من معه حق تصليح ارضية الملعب يقدر يصلحها بإسبوعين المسئله توقيت وعنايه وامور كثيره تقنيه تحتاج وقت كثير الملعب مو حديقة) المسئلة اعتقد فيها اولويه خاصتا في ضل قلة الدعم من اعضاء الشرف الي محمد بن فيصل مو ملزم انه يشيل تكاليف النادي لحاله وجت فتره شالها لحاله ولا قال شي قال ساعدوني بس ولدرجة ان الأعضاء في المنتدى هنا كانت توجه رسائل وهي جالسه اشتر اللاعب الفلاني وجب المدرب الفلاني وحفل عالمي وجدد عقد مدري مين وجب مدري مين وتسطر المواضيع ما تاخذ من صاحبها اسبوع وترجع لكل طلب تلقاه يكلف اقل شي مليون ريال مو اقل من كذا هذا الإنطباع الي تولد عند الجمهور عن رئيس النادي لسببين هو -ان الرئيس يسمع ويستشير
- ان حالة الهلال الماديه كانت ممتازه

.... وصحيح اننا جمهور مرفه وصلنا الا اننا نطالب بإبعاد رئيس نادينا مو بس ابعاد لاعب او مدرب لا نبي نغير الرئيس وحنا جالسين بالبيوت ونطالب بإبعاد من يدفع فوق المائة مليون ....... تركنا لاعبينا ومدربنا والحين نبي نغير الرئيس ولكن تذكر ولكل عضو بالمنتدى ان السنه الي حققنا فيها اغلب بطولات الموسم المحلي كنا نسميه الظاهره والحين صار بعد ما قدم استقالته هو الي مخرب النادي..... امور كثيره ومعطيات كثيره تأثر على مجرى القرار على سبيل المثال مشاركات المنتخب والإصابه......... اقول انا بوقف كلام لأنه الكلام واجد ولازلت اقول ان ردة الفعل تجاه رئيس النادي مبالغ فيها....وبالنهاية البطوله فدا رجول ابو سلطان فدا رئيس نادينا واطلب من الإداره إنها توقف المواضيع الي تنتقد رئيس نادينا الرجل عمل وعطى بإخلاص وقال في لقاءه بعد المباراة انا جلست سنه عشان الجمهور اولا وثانيا لأني انوعدت بوعود ما شفتها للحين ولاحظ الجمهور كان اول اسباب بقاءه فأتمنى ما يكون الرد بهذه الطريقه

خلاصة الكلام
-الي يديه في المويه يا زعماء مو زي الي يديه في النار
- محمد بن فيصل لو يبي الشهره هو ماخذها من العام وما كان يحتاج انه يحمل نفسه عبئ مالي ضخم لسنه اخرى
-الجمهور الهلالي دعم المفرج ودعم نواف التمياط في فترات صعبه وهم مكانك راوح حتى هذه اللحظه وشلون الآن ما نوقف مع محمد بن فيصل اتمنى ما نشوف مواضيع تقيم ادارته وقراراته لأنه عطى وقدم الكثير للكيان الهلالي وهذا ماهوب العشم نودعه بهذه الطريقه من وسط بيته الثاني
- ودي من جمهورنا ما يتسرع حتى يسمع من رئيس النادي من ابسط حقوقه علينا اننا نسمعه ...
- اتمنى توقف الإداره فرد العضلات من خلف الشاشات على رئيس نادينا
-الي عنده انتقاد اقوله وينه قبل شهور ليش الأن!! وكثير من الأعضا يتوقع انه بمجرد ما يكتب رأيه في المنتدى انه اوجد حل وانه طرحه في اجتماع اعضاء الشرف والحق عليهم انهم ما سمعوا شوره والحين يلومهم!!!!!
-إلي قلبه على الهلال ويعتقد انه ممكن يفيد الهلال ياخذ نفسه ويعد ملف ويدخل النادي ويناقشه مع المسؤلين مو ينتقد من يعمل ويدعم على الملاء

ودمتم
بوجود البشر نسبة الخطاء وارده بشكل كبير لأننا بشر وابو سلطان بشر

اضافة رد مع اقتباس
  #2  
قديم 04/06/2007, 03:52 PM
زعيــم متألــق
تاريخ التسجيل: 17/10/2006
المكان: الحين بجي
مشاركات: 1,363
وجهة نظر مطلوبه
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 04:42 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube