#1  
قديم 03/06/2007, 01:52 PM
زعيــم مميــز
تاريخ التسجيل: 08/04/2007
المكان: نـــــ ج ـــــد . COM
مشاركات: 1,735
Angry انتم سبب الهزيمه ... لا يرحل الامير .. نعم للتجديد ..

بسم الله الرحمن الرحيم
السلام عليكم ورحمة الله وبركاته .


اخواني الاعضاء انتم سبب الهزيمه والخروج من غير بطوله هذا الموسم تدرون ليه لانكم ناس عاطفيين ولا تحكمون عقولكم ابدا الا من رحم ربي .


اغلب الجمهور طالب بإقالت المدرب البرتغالي بيسيرو مع ان الهلال معه لم ينهزم الا في مبارة واحده وهي مباراة الوحده واغلب الجمهور للاسف مع الخيل يا شقرا لو كتب واحد موضوع حملة مدري كم توقيع للمطالبه باحضار او اقالت المدرب درعمتو وخشيتو وايدتوه ولو ان البعض منهم مندس واغلب اللي يطالبون بإقالت المدربين مع الاسف الشديد ما يفكرون الا بعواطفهم المهم اقيل بيسيرو رغم انه فاز على الاتحاد اللي صقعنا بالنهائي .


ثم جاء من بعده سريزو البرازيلي والكثير من الجمهور طالب بإقالته ونفذة الادارة طلبات الجمهور واقالته وبرضو هو من هزم الاتحاد بالدور الثاني .


جاء باكيتا اللي طالب فيه اكثر الجمهور ويحسبون نجاح باكيتا لانه داهيه ويعرف للهلال زين وهو اصلن ما يعرف يدرب والدليل تغيراته الفاشله ومن اسباب نجاح باكيتا الموسمين الماضيين بعد توفيق الله هو الاستقرار لانه جلس مع الفريق موسمين وعرف الفريق صح مو مثل سريزو وبيسيرو اللي ما كملو مع الهلال نصف موسم والسبب الثاني كماتشو اللي كان ينقذه بكل مباراة وخصوصا مباريات الحسم اللي كثير ما انهاها كماتشو بفاولاته وباكيتا شفنا مستواه مع المنتخب لم يقدم شي لو كان كماتشو سعودي او فيه سعودي زيه كان نجح .


بالنسبه للامير محمد بن فيصل انا من المعارضين لرحيله لكي يجدد بالفريق الموسم القادم ويدعمه باسماء شابه من فريق الشباب او الاولمبي ويطرد الاسماء المستهلكه بالفريق لانه لو جاء رئيس اخر غيره راح يبقي على العواجيز بالنادي لان الجمهور ما راح يرحمه لو طرد اي اسم ( لان بعض الجمهور للاسف جمهور لاعب مو جمهور نادي )وايضا راح يتاثر لان الجمهور يبي بطوله وهو بعد يبي بطوله وما راح يجازف بإحلال العنصر الشاب بدال العواجيز وبكذا بيقعدون على قلوبنا .


بس اتمنى اذا بقي الامير ان لا يلوح بالاستقاله بعد كل مباراة ويضبط تصريحاته اللي كثير تاثر على النادي .


لا بد من التجديد بالفريق واعطاء فرصه للعناصر الشابه بدلاٌ من الاسماء المستهلكه .


واخيرا ارجو من الجمهور الصبر على اي مدرب يجي واي لاعب جديد بالنادي واعطائهم فرصه ولا تنسون البطوله الاسويه لو رحل الامير راح يضهر الهلال منها لأن ما فيه استقرار ولازم الاستقرار في هذي البطوله على الاقل الادراي الين نهاية البطوله الاسيويه .



شكلي طولت بس اتمنى من كل قلبي يتفهم الجمهور الهلالي وان لا يكون عاطفي زياده عن اللزوم .


ومع هذا كله مبروك للاتحاد وحظ اوفر للهلال والجايات اكثر .
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 12:53 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube