بسم الله الرحمن الرحيم


السلام عليكم ورحمة الله وبركاته.................


والله أكتب حروفي والحزن يملأ قلبي بعد أن شاهدت أفراح الشقيق الإتحادي , إلى متى سيظل الهلال ضائعا ؟

وهل عندما لا يشارك سامي لا يحقق الهلال بطولة ؟

إلى متى هذا التخلف يا باكيتا ؟

طبعا لن أكون بنفس الكفاءة التدريبية للسيد ماركوس باكيتا لكن حرام عليك يا باكيتا وباللي سويته فينا

يا جماعة وش سوى باكيتا يوم جا للهلال ؟

نبدأها بمباراة الأهلي في كأس ولي العهد وش سوى بالله ؟

تبديلات غلط , الفريق يلعب بدون خطة واضحة , عدم ظهور الروح

ومباراة باختاكور في طشقند اللي الله وفق فيها الدعيع في التصدي لهجماتهم الخطيرة ولا كان رحنا فيها , المباراة التي لم تكن فيها إلا هجمتين غير الهدفين

ولا مباراة الإياب اللي توهقنا لين جبنا الهدف

ومباراة النصر اللي ما كان فيها لا خطة ولا لعب ولا شي , فقط اجتهادات من اللاعبين

وطبعا نستثني مباراتي القادسية والأهلي لأنهم لعبوا قدام القادسية الفريق الضعيف ولعبوا قدام الأهلي الفريق الثاني

يعني بالعربي باكيتا مجتهد وبس

يا باكيتا ودي تفهم الجهة اليسرى في الهلال مفتـــــــــــــوحـــــــــــة وما فيها لاعبين يغطون

والله حرام عليك ومدري شلون يقولون محترف ؟؟!!

لو تلاحظ الهدف الأول للإتحاد كيف جا ؟

تقدم أسامة المولد للهجوم وهو في الأساس قلب دفاع , طيب ليه تقدم ؟ لأنه ما في لاعب مثل الشلهوب أو التايب يمنعون تقدمه , يا أخي نزل نواف نزل سامي نزل حتى لو الحربي أو الذياب أو أي أحد لكن سد الخانة


ومنذ متى يا باكيتا الهلال يلعب بخطة 4 - 3 - 1 - 2 وممكن اعتبارها 4 - 3 - 1 - 1 في ظل غياب ألفان الغائب عن أجواء المباراة كالعادة

الشوط الثاني يا باكيتا الهلال لم يسدد إلا كرة ضعيفة وسهلة من طارق التايب , وكأن الهلال فريق من أندية الدرجة الأولى يسجل هدفا ثم يحاول إغلاق المنافذ

طريقة سجل وقفل أصبحت قديمة جدا يا باكيتا , فالمدرب المحترف !! لا يتعامل بهذه الطريقة


هذا اللي كان ودي أقوله بصراحة في مدرب والله ما يستاهل يدرب نادي في الدرجة الممتازة حتى !!

ليه ؟ لأنه آت من المنتخب , واللي يروح المنتخب يضيـــــــــــــــــــــــــــع


نرجع لموضوعنا وهو استقالة رئيس مجلس إدارة نادي الهلال الأمير محمد بن فيصل

والله حرام يضيع علينا هالأمير الشاب المحنك , لكن الله يوفقنا إن شاء الله

آه يا تفاريس على الفراق وضياع الدفاع من بعدك

ومعسكر العين وثماره ضاعت سدى , وكان واضح بصراحة للجميع أنه من الخطأ ان يأتي اللاعبون إلى الرياض ليلة المباراة , أنا كنت أفضل أن يأتون مساء الأربعاء أو فجر الخميس , ويتدربون يوم الخميس في الرياض , أما إنك تأتي ليلة المباراة فهذا خطأ فادح

طبعا هالكلام ما ينفع ولا يفيد , لكن حبيت أؤكد بأني وراء الهلال قلبا وقالبا , واحذروا من الموسم القادم , يعني الآن ضاع الرئيس وضاع تفاريس وألفان يروح بالسلامة , يعني بإذن الله من السنة الجاية رح يكون في تجديد في صفوف الفريق

والله يوفق الهلال فوق كل أرض وتحت كل سماء

وتقبلوا تحيتي........................

امس شكل الهلال يلعب مع برشلونه يلعب ثلاث محاور الله لايوفقه .
سؤال ليش الاتحاد ينزل حمزه مع انه في هذه السنة محسم ولامبارة
وسامي حسم مبارتين الحزم والأهلي بشهادة الجميع ولاكأنه موجود الله يحاسب الي كان السبب !!

والله اني من يوم مبارة الكويت الي في الرياض وأنا متشائم من مستوى الهلال.

مشكوووووووور اخووووي يعطيك العافيه خسارة الامس مووليدة اللحظه ولاهي بسبب تخبطات مدرب اواخطاء لاعبين المساله اكبر من كذا المساله مسالة عمل منظم طوال الموسم الفريق بدأبدايه ضعيفه في البطوله الخليجيه وكان مستواه متهالكا في اغلبية المباريات ولم يستحق الفوز في بعضها وكانت الاداره تقوم بوضع المهدئات مثل اقالة المدربين التي عصفت بالفريق هذا الموسم ودمرت استقراره ف الهلال ليس الهلال القوي الذي نعرفه ليس الهلال الذي يرعب الانديه بمستواه فشلنا في تجاوز فرق صغيره لاتقارن بمستوى الهلال وهيبته فشلنا في ان نكون رقما صعبا هذا الموسم نحن بحاجه الى اعادة تنظيم عملنا والبحث عن الاستقرار التدريبي والااداري واعطاء الفرصه للاعبين الشباب لتقديم ماعندهم واابعاد المتخاذلين ومتواضعوا المستويات كالعنقري والغنام وغيرهم لدي كلام كثير عن هذا الموضوع ولكن لايتسع المجال لذكره آسف على الاطاله شوكرا جزيلا

والله كلنا ضايقة صدورنا وباكيتا قسم بالله مفلس ماعندة شي