&:. روح فارق عن فريقي ياعسى الله ما يردك :: إهداء :: (قصيدة) .:& السلام عليكم ورحمة الله وبركاته مساء الخير يازعماء هاردلك على الخسارة (( المتوقعة )) طبعا بوجود مدرب (( الحظ )) ماركوس باكيتا .. وهذي قصيدة كتبت بعد المباراة وعنونها :: ( إهــــداء للــداهــيــة < بـاكـيـتـا > ) باكيتا .. لا تمسي معي بداري دقيقة روح فارق عن فريقي يا عسى الله مايردّك منت كفو(ن) للزعامة كان تدري .. والحقيقة أنت فاشل .. وأي فاشل نذكرك معه ونعدّك ولا أنت عارف وش هلالك وش زعيمك وش فريقه خطتك تلعب مدافع .. كن البرازيل ضدّك المحاور هم ثلاثه .. والخصم سالك طريقه والمهاجم جاء يدافع .. والوسط يتبعه ودّك هذي كوره ولا (حبشه) .. لاعبك نشفت ريقه والبديل الله يخسك مثل وجهك لابو جدّك لعنبو حظك تدافع .. والولد يمسك رفيقه هذي ذله يا زلابه .. وخوفك اللي له يشدّك لا يغرك ما كسبته ذيك الأيام العتيقه كان حظك ومات حظك .. ماهو فعلك ولا كدّك الهلالي يوم يهاجم يشعل الملعب حريقة ويتلاعب في خصومه .. وياهجومه من يصدّك والهلالي لا لعب والذهب يلمع بريقه جابها وأبكى خصومه .. وياهلالي منهو قدّك إلا معك نبقى معك نكتب صكوك ووثيقة من دفاع ومن هزايم .. ( شو يا شاطر هيدا بدّك ) شرهتي ماهي عليك .. ومنهو مثلك من يطيقه الشرهه تلحق منهو جابك .. وحط يده وسط يدّك أحمد الله يوم شاله .. وياعسى ياخذ صديقه روح فارق عن فريقي يا عسى الله ما يردك وسلامتكم .. تحياتي ،،، |
صح السانك |
صح بدنك .. ومشكور على المرور |
صح لسانك ..كل هزيمه عطنا قصيده جديده |
صح بدنك عشق .. ومشكور على المرور |
صح لسانك يابو شمس والله انك شاعر.... وين هالشعر اذا فاز الهلال |
ابو شمس صح لسانك بس أنا ما أوافقك بالراي باكيتا أخطأ لكن بطولاته لم تأتي بالحظ والقصيدة أكثر من رائعة وجزلة وفالك التوفيق ومافيك حيلة ههههههههه |
قصديه بطله و ياليت نشوف أشاعرك دايم بإستمرار |
صح لسانك اخوي تقدر تتفضل للميلس ههههههههههه |
عيسى .. أبو فراس .. عفريت .. الهلال السهم صح بدنكم .. ومشكورين على المرور الأكثر من رائع .. وأبشرو بالجديد إن شاء الله |
صح لسانك وقصيده رائعه |
صح لسانك:thumbup: |
صحححححححححح لسسسسسسسسسسسسانك وان شاء الله تكون آخر القصايد إلا ان كانك ناوي تكتب في الافراح والتتويجات ان شاء الله الله يقويك |
صح لسانك |
نواف .. الصقر .. دم أزرق .. الشريف صح بدنكم ومشكورين على المرور |
الوقت المعتمد في المنتدى بتوقيت جرينتش +3.
الوقت الان » 01:50 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd