بدل مانقدم كلمة شكر للحقوي ..
الجمهور امس جا من الثالثه ظهرا وفي عز حرارة الشمس وداخل الاستاد تجاوزت الحراره 46 درجه باليل وجلسنا اكثر من خمس ساعات على كراسي مث النار وننطبخ على نار هاديه الجمهور هلك قبل لا تبدى المباراة زحمه وطوابير وامسك سرا التذاكر ...

اللي تبون تلومونه هو التقسيم الغبي للرابطات في استاد الملك فهد الدولي والفرق واضح قرار وضع الرابطه بجانب المنصه قرار ذكي استهدف قوة الجمهور الهلالي باستاد الملك فهد فعزل الرابطه وتأثيرها كان واضح عن الواجهه الي فيها كثافه جماهيريه وجمهور متفاعل ووضعها مع بضعة مشجعين بجانب المنصه وحدد عدد المكريفونات في الاستاد فاصبح جمهور الواجهه معزول تماما عن الرابطه وكنا في الواجهه لانكاد نسمع صوت الرابطه حتى نخمن الاهازيج تخمينا وتسمع الي جنبك يسبق كلمات الاهازيج واللي امامك يكون متاخر في الترديد وهذي هي الكارثه ولكم ان تعودوا لمباراة الهلال والاتحاد في الدوري وكيف كانت قوة الجمهور والهلال فاز وهو مطرود منه لاعبين والجمهور ازر وشجع بقوه وحماس شديد .. كذلك المربع الموسم الماضي الهلال والاتحاد وكان الجمهور دور مؤثر وكبير في المباراة ..
بعدين وبكل صراحه اداء الهلال امس اصاب الجمهور بصدمه شديده في المدرجات حتى اننا اصبحنا ننتظر لحظة استقبال هدف التعادل والهدف الثاني بكل صدر رحب ... للاسف
فلم تعني دموع من هم امامي في المدرجات ولا صرخات منهم خلفي ولا درجات الحراره الملتهبه في المدرجات شيئا للاعبين ...
فلا تحملوا حقوي خسارة فريق لعب للخساره ..

وبالنسبه للجمهور الاتحادي فهم موجودين معع الرابطه في جانب المنصه ويرددون اهازيج يحفظونها عن قلب وكل الجمهور جاي مع بعض من جده حتى الجمهور الاتحادي في الواجهه لم يكن يتفاعل كثيرا مع الرابطه ولكن التفاعل كان بجانب المنصه وبعد الضغط الاتحادي وهدف التعادل بينما كانوا الشوط الاول سكوت لا تكاد تسمع صوتهم ..

يخوي من هذا حقوي ازعجتونا به الي يشوف حقوي يقول انه طارق التويجري يرجال ماعنده سالفه

ايه صح الحقوي لعب الغنام محور ثالث
والحقوي هو اللي اخرهم في رجعتهم للرياض
والحقوي يوعدهم بالمكافات ولا ينفذ
والحقوي كل شوي بستقيل هون بستقيل هونت

حدث العاقل بما يعقل الشق اكبر من الرقعه لو عادوا المباراه بنفس التشكيله والله مايفوز الهلال
ولو جابوا القرني بكبره يمسك الرابطه مافازو

حقوي ماله دخل

كله من بكيتا

صدقو الأتحادين
( كيتا كيتا جنن بكيتا )

إقتباس * اعتزال رئيسنا المحبوب تعتبر سقطه .. وذكروني الموسم القادم .. (( بنصارع ع الهبوط مثل ماصارع عليه فريق المسيار ))

سلامااااااااااااات يبو الشباب
وش اللي سقطة ما سقطة
بالسلامة والقلب داعي له
حبيبي الهلال غني برجالاته حبيبي
وإذا راح محمد بن فيصل اليوم....بكرة يجي اللي أحسن منه إن شاء الله



وياليت المنتدى يبدأ يفكنا من البكاء والنواح ويفكر في الأسيوية
ترى كلها بطولة وراحت
بكرة نجيب عشرة غيرها بإذن الله

إقتباس وللمعلوميه رابطة الهلال كان معها مايقارب ال9 مايكات بينما الجمهور الاتحادي 3 بس

المشكلة ان صوت القرني فجر اذانا يالجمهور الهلالي

أقوٍل آنت وٍيآه يآلمندسسين يآ أبوٍ مشآرٍكتين وٍ12 مشآرٍكه رٍوٍقوٍ وٍخلوٍ عنكم حرٍكآت آلأطفآل وٍآنتي يآ سآرٍوٍنه وٍشش درٍآك خليك في مطبخك أبرٍكلك خلي عنآ آلهرٍج آلفآضي

إقتباس الرسالة الأصلية كتبت بواسطة أغلى واحد لكاتبة الموضوع وبعض ضاعف القلوب حقوي الحين وش دخله والا وديك تطلعين حرتك ومالقيت الا حقوي هاه ناس غبيه والله انا كنت عند الرابطه حقوي ماقصر ولاعمره راح يقصر لكن عندك جمهور زفت يبي يسمع الاهازيج بدون ترديد هذي شي ولعلمكم الشي الثاني ان التلفزيون الحقير مركز على رابطة الاتحاد والهلال لا وللمعلوميه رابطة الهلال كان معها مايقارب ال9 مايكات بينما الجمهور الاتحادي 3 بس

وبعدين لاتكونين حضرتي المباراة في الملعب واحنا مادرينا
انتي جالسه بيتكم وش دراك وش سوا حقوي

الا اذا كنت عضو وداخل بمعرف بنت فعاد شرهتك على الي يضيع احكي معك

فعلا المخرج مركز على أهازيج الاتحاد أكثر ولقطات أكثر ورابطة الهلال طز فيها وحسبي الله ونعم الوكيل.

إقتباس اعتزال رئيسنا المحبوب تعتبر سقطه .. وذكروني الموسم القادم .. (( بنصارع ع الهبوط مثل ماصارع عليه فريق المسيار ))

فال الله ولا فالك الحقوي المفروض يشعلل الجمهور مو يسكت على العموم خيرها بغيرها

واللح حقوي ماسمعناه ابد ابد

سبب الهزيمة تخاذل اللاعبين للأسف

معقوووووووووولة ولا كورة وصلت النتيف الشوط الثاني

وأيضا باكيتا وتغييراته الغبية

لكن ماأقول إلا الله يعوضنا بالآسيوية

إقتباس الرسالة الأصلية كتبت بواسطة سارونه الأموره السلام عليكم ورحمة الله وبركاتة نعم ليتكـ استرحت في بيتك يا حقوي .. وارحت الهلال الهلال غني وكبير برجالاته , وفيه من هم اكفأ منك احد الركائز الاساسيه في هزيمة امس وضياع الكأس حقوي .. 5 دقايق ولعت رابطتنا .. بعدين طفت !! ماعاد لها حس الاتحاد من قبل ماتبدا المباراة بـ 3 ساعات وهي مشتعله !!!! بعد الهدف الهلالي .. بدأت رابطة الاتحاد بمواصلة الغناء والمسانده ولم تكف حتى جاء الهدف الاول لهم فالثاني .. وان ارغمتموني لحلفت ان سبب اهدافهم رابطتهم .. حقوي شفناه بعد هدف الهلال .. الصدمه الكبيره انه اختفى بعد هدف التعادل اهذا عشمنا في حقوي ؟؟ اهم وقت واهم لحظه بالمباراة هذي يا حقوي !! ليـــه تسكت اسكتك الله نعم الهلال غني عن اشباه حقوي وليتنا رأينا رابطه من الاحساء افضل من رابطتنا .. * اعتزال رئيسنا المحبوب تعتبر سقطه .. وذكروني الموسم القادم .. (( بنصارع ع الهبوط مثل ماصارع عليه فريق المسيار )) * كما قلت لكم ولم تأخذوا كلامي بمحمل الجديه .. جماهير المسيار ملأت مدرجات الاتحاد تقريباً وبدأو باستفزاز الجماهير الهلاليه مبكراً بأعلامهم النتنه .. فهل هذي احد اسباب الخساره !! (( موجه لك اخوي هلالي او سي ياللي اهملت هذي النقطه وهاهي ترد عليك بالنهائي )) * رحل تفاريس ورحل ورائه دفاعنا .. ان مارجعتوه .. فسلااام على دفاعنا .. من جد سلام بالاخير .. تراها بطوله .. وعااااادي جدا بطوله من 43 بطوله ضاعت !! مافيها شي

اقول لاكثر بس لو انك مكانه كان عرفتي ان الله حق

والله ماقصرت ابو حقوي واقف على رجوله من العصر وهو يزين ويرتب

ودرجة الحراره واصله 45 والعرق يصب من راسه كنه شللات وانتي قاعده في بيتكم

وبعدين ممكن سوال انت تقدرين تمسكين ستين الف واحد ؟
في انتظار جوابك

على العموم بعطيك نصيه امسحي الموضوع قبل الاعضاء لا يقلبون عليك او احسن من الاداره تمسحه