|
((لاتقولون مندس او مسوي مثالي تعالوا واشاوركم بالموضوع ((بسم الله الرحمن الرحيم)) السلام عليكم ورحمة الله وبركاته: بدايه سريعه موضوعي مايتحمل نقاش ولانقاط باسرد الموضوع بكل واقعيه وصراحه دفاعنا لم يكن سيئا الا بالشوط الثاني فقط لكن لماذا هجومنا فاشل من بداية الشوط الاول الله لايوفقك ياباكيتا اللي خليت سامي احتياط والله حرام سامي احتياط يعنبو ابليسك ياياسر والفين لو سامي لعب لحاله الشوطين كان ابرك لكن بدون مجامله والواقعيه لم اتسمى بها بلاش بل لاني واقعي وصريح اهداف الصدف ونفخنا فيك هو اللي أثر فيك ياياسر واحنا خطانا نتكلم بنادي الفقر وربنا جازانا بكلامنا والا لاتنسون لاعب لحاله شايلهم ولابعد نقول انه مايستحق تمثيل المنتخب الا والله يشهد علي انه فنان فأنا من هذا المنبر اطالب عني وعن العقلاء نريد سعد الحارثي بالبطوله الاسيويه تكفون اريد الاعضاء العقلاء والمنطقيين يفزعون معي بهالرأي سعد يجب ان يكون بجانب ياسر بالبطوله الاسيويه فلنغير فكرنا ولنبتعد عن التعصب نريد ياسر مع سعد بالبطوله الاسيويه وهذا خطاك ياباكيتا من الله تكفون فلنرفع حبنا للزعيم ولنطالب بلاعبين كبار بمستواهم0 |
طييييييييييييييييييير بعييييييييييييييييد ياسر لاعب بكل ماتعنيه الكلمه واذا في لاعب يستحق الهلال هو مالك معاذ وبس |
في النهائي ما كان عندنا صانع لعب غير التايب والاتحاديه مسكوه صح المفروض لعب بنواف جنب التايب لكن اش نقوول |
انا معاك اخوي واقعي لماذا لا نطلب سعد الحارثي للاستعاره من النادي الجار ؟؟؟ |
سعد الحارثي أجل كيف الحال؟؟؟ كم هدف سجل سعد الحارثي علشان تقول بعدين خلك بعيد عن ياسر لو قلت مالك معاذ صح |
أووووووووووووووو اخوي ماراح اقول مندس ولا شي بس الله يعافيك قل كلام منطقي وخلك واقعي سعد الحارثي؟؟؟؟؟؟؟ تقارنه بياسر؟؟؟؟؟ وتقول اهداف الصدفة يعني اصابعي مهيب قايله انك مندس بس بتقول مخك مقفل الله يصلح قلبك ولا تابعت اهداف ياسر صح صدفه أجل؟؟؟؟؟؟ الله يهديك |
اقوووووووووووووووووووول والله ماعندك سالفه كيف تقول اهداف ياسر صدف وبعد كذا تطالب بسعد الحارثي بجانبه هذا دليل على انك تعرف ان ياسر خطير مهما تقول ياسر يبقى افضل لاعب هلالي والموسم القادم نبي نشوف ي ياغدااااااااااااااااااار |
اي جيبوا الحارثي وخلوا القحطاني احتياط وجيبوا الخير :d وخلو الغامدي برا التشكيلة مره وجيبوا شريفي وريحوا الدعيع بعد :D :D رح الله يرحم امك ماتعرف تدس السم بالعسل دلخ وربي دلللخ :D |
سعد الحارثي؟؟؟؟؟ اقول اسكت تكفا رح الحين وادخل منتدى الحالمي وشف وش يقولون عنا تلقاهم يقولون ان الهلاليه اعرفو قيمتنا انت صاتس والله اليوم اعضاء المنتدى رايحين فيها ناموا الله يصلحكم وعينا من الله خير ومعذورين شكله الصدمه اثرت فيكم شوي.. ((لا يسمعك سعد الحارثي ترا مايصدق خبر تراه هلالي ويتمنى الهلال)) |
يا حليلك بس أقول وش رايك نلبس قمصان الحالمي هذا الباقي حالمي |
إسمحلي إذا بتتكلم بواقعية وعلى عجالة زي ماذكرت : أقل شي خل الموضوع مرتب يقدر الواحد يقراه ..بكل واقعية قاعد ارتب كلامك عشان افهم النقاط الي تتكلم عنها! ماراح أقول عنك أو أشكك في ولائك لكن أنت طلبت اننا نتكلم بمنطق ! ياليتك تكلمت معنا بمنطق عشان اقدر اكلمك بنفس منطقك! سعد الحارثي ليس لاعب سيء لكن تقول انه يأتي بجانب ياسر في الأسيوية ! فيه لاعبين أفضل من سعد عندك أقرب مثال مالك معاذ. الشيء الاّخر : الهلال ماكان في يومه وشي طبيعي الخسارة والاتحاد إستحق الفوز عطفا على مستوى الإتحاد وضياع البطولة مو من شخص واحد أنا أشوف الجميع يتحمل الخسارة وخاصة باكيتا ومعسكر العين كان اكبر غلطة!! أجل يرجعون الخميس للرياض! إنت تقول المفروض يلعب سامي كل الشوطين ..الواقع يقول سامي وصل 34 تتوقع بامكانه يلعب شوطيين كاملين ! ياليتك هنا تكلمت بواقعية ! عتبي على باكيتا انه مادخل سامي ابداً بالمبارة وحتى لو دخل سامي مأعتقد راح يتغير شي لأن الفريق بأكمله ماكان في الفورمة. أطيب تحية |
ليش وش فيه سعد الحارثي لاعب مشاغب للدفاع ويتحرك بالكورة وبدون كورة مو هذا تقليل من ياسر --ياسر افضل --بس مشكلته انا بعض المرات يحب يتفنن على غير فايدة وهذي المشكلة اللي فيه ---بعدين ياسر قدام الاتحاد كانه لحاله مامعه مساندة والتائب كسروه من بداية المباراة ولاقدر يسوي شي لحاله والدلخ البرازيلين الفان ماعندك احد |
آخـُوي .. ! بكـون صريـح معآك وآعذرني .. !! , , لو تعـرٍف آلوٍآقعيـه .. كآن مآقلـت نبـي سعـد !! أسألــك بآللـه تمــزح إنـت وٍلآ من جدكـ .. !! وٍيـآســر آهدآفـه صدفـه .. لآ وٍآللـه آلوآقعيـه يميـن وإنـت يسـآرٍ .. !! |
اقول ياسر اول مو ياسر الحين امس وس سوي في المباره انا من يوم شفته طاح بهالقصات وانا غاسل يدي منه شوفوا ياسر مع فالنسيا وشوفوا ياسر الحين |
نواف التمياط بعيد عن اجواء المباريات له سنتين ، انا من اشد المعجبين به عدم دخول سامي ، كبيرة في حق الرجل من الهلالية ياسر القحطاني في النهائي ،، يفكر في ذكريات العين !! الجمهور ،، تلاقيهم يرسلوا مسجات طووووووول الوقت ،، مدري لميييييييين الف شكر لبو سلطان على كل ما بذله للهلال ياليتك يا التايب رحت ولا لعبت هارد لك للجميع |
| الوقت المعتمد في المنتدى بتوقيت جرينتش +3.
الوقت الان » 02:24 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd