خبر عاجل من كلية الآداب بالرياض وسرقة جوالي - نادي الهلال السعودي - شبكة الزعيم

][ عيون الزعيم ][ · #1 08/06/2007, 02:23 AM

اهلين حبايبي اصحاب منتداي الغالي
كيفكم اخباركم ان شاء الله تمام وكيف الامتحانات ان شاء اللله تمام للي امتحنوا فقط
وبالتوفيق للجميع
<<<<< رايقه

عندي امتحان يوم الاحد ( تحليل نظم )ولا ذاكرت تدرون ليش

تحليل نظم : ماده غثيه جدا وصعبه ويبيلها احد رايق يدذاكر وهو صاك عليه الغرفه عشان ما تتشابك معه المعلومات وللاسف ما فحلت فيها جايبه 12 من 20 في الميدتيرم الزبده
تدرون ليش

برايفت:-

هذا اللون خصيصا للي منقهرين مني وكل واحد عارف نفسه

لان في بالي شيء ودي اقوله لكم
واعيشكم الشيء اللي انا شفته في ذاك اليوم
تصدقون ماجاني نوم من الصدمه
<<<<<< اي امحق

مانمتي
المهم

السالفه

يوم الاثنين ماعلي امتحان يعني مبسوطه للأخر
جا الصباح الباكر وقمت من النوم متعوده على الجامعه
الا اختي الصغيره عندها امتحان بكلية ألآداب
وقامت قالت لي تعالي معي نمتحن ونروح نفطر انا وصديقاتي
<<<<< تحب الأكل

المهم
واقوم وألبس واكشخ واركب السيارة
<< اخلصي

المهم
دخلنا الكلية وراحت اختي القاعه وسحبت علي
وقعدت اناظر ذا البنات وحركاتهم
المهم وانا في طريقي للبوفيه
<<<تأخرت اختي علي وجعت

الا اشوف بنت تقول بصوت عالي اللي يبي يشوف فلانه تصيح يجي وراي
بما اني احب اللقافه جيب معهم ذاب وجهي

وتروح يمين ويرحون البنات يمين
الين ما وصلت للبنت
وطلعت مشرط من جيب تنورتها

انا خفت وقلب طاح
ويجون يتلاسنون بالكلام اول شيء

وش سالفتهم يقولون انهم كانو يحبون بعض وتزاعلو قامت كل وحده تطلع كلام عن الثانيه وعصبت وبدأ الشجار
ثمن قامت اللي معها المشرط وتجرح البنت مع يدها

وتقوم اللي انجرحت وتاخذ المشرط وتجرح وجه البنت وهيك من الطقاق شعور وخربطه وعض
انا جاني غثيان من الدم
<<<ماتحب الدم
والا يقهر زياده ان خوياتهم يشجعونهم
المهم قعدو ربع ساعه ولا جا لا اشراف ولا شيء
قامت وحطت اظافرها بالرقبت البنت وزرق وجه البنت
وتوهم يفكرون يفكونهم

وينادون الاشراف

والحمدلله اني رحت قبل لايجون الاشراف لانهم مسكو البنات يحققون معهم
وانا قمت انحشت عند البوابه وركبت السياره الين طلعت اختي وقلت لها بلا فطور بلا خربطه احس بدوخه من الدماان وابرجع البيت
وللاسف رحنا البيت وراح يومي نكد

ملاحظه

وغير كذا من الروعه طاح جوالي بالكليه ولا ادري وينه
واللي يعرف يقول لي لان جوالي عزيز وغالي علي
<<< وشو له تدخلين جوال كميرا بالكليه احسن
وهيك صارت الحكايه
ومشكوره على انسجامكم معي
وهذي صورة جوالي مصورته قبل الحادث بيوم كأن قلبي حاس انه بينسرق

وهذي خاطره بعد ماجيت وقريتها ضاق صدري
<< رومنسيه حدها

كيف أوصف له احساسي..
والخوف قد طغى عليه..
أتلمس طريق حياتي..
من بريق عينيه..
أتهادى في خطوتي..
أخشى من أن أعكر صفو خفقات قلبه..
تاره أسرع خطواتي..وتاره أبطئها..
تخشى روحي أن تبتعد عن منبع روحها..
دموعي تُلين قسوة خطوتي..على طريق اشتياقي إليه..
كاتمه أنفاسي اتلهف للحظة تلاقي عينيه..
هجرني المنام لليالٍ طوال..
وسكن أحلامي صدى صوته..
يتعالى ندائه إلي..
وأنا أخشى الإقتراب إليه..
أتـعثر في مسيري.
ممتده يدي..ترجوا أن تلامس يديه..
ترتجف أناملي..
وتصرخ أكفي..
راجيه مجيئُه إلي..
نتخاطب لغتنا..

لغة العيون..حبرها دموعها..
وأوراقها..شفاة.

ترسم ابتساماتها..

نرسل خطاباتنا..
على أمل ان نتلقى ردودها..
يختفي خياله عن مدى بصري..

منذرة عن انتهاء حُلُمي.

تتحرق حنجرتي من الصراخ..
راجيه بأن يطول البقاء..

حتى وإن كان حلماً بعيد المنال..
فانا متشبثه بنهايات الآمال..
\\
أتمنى..ليل لا ينتهي
لأظل بقربه كل العمر المتبقي..
وسلامتكم
برايفت لسهل
ترا انا اللي كاتبته مو منقول كالعاده عندك مواضيعي منقوله

السؤال يطرح نفسه معقوله في بنات زي كذا يتطاقون بأشياء حاده ووش عقابهم تتوقعون؟

والنهاية... · #2 08/06/2007, 02:36 AM

وااااااااااو جاني غثيان وش ذا دم ومشرط

لا لا لا ما اقدر ابي زوجي ابي ابوي ابي امي وايييييي ما اقدر

والله انتوا يالبنات عليكم سوالف
والله كأني اشوف المضاربة قدامي الان

انا بصراااحة ما اثر فيني الا شغلة وحده

اللي هي الجوال اللي ضاع
الله يعوض عليك
بس يمديك تفصلينه من الشركة وتعطلين الجهاز كمان >>>> لا تسألين كيف

سـمـو الـمـجـد · #3 08/06/2007, 02:39 AM

ينقل لصيد الإنترنت لأني قاري الموضوع قبل شهرين وثلاث سنين تقريباً في منتدى الاتحاد

سامي (188) · #4 08/06/2007, 02:48 AM

والله توني أدري أن فيه بنات عربجيات إلى هالدرجة

مشارط وحركات !!

أخبر البنات حدهم تمعيط الشعور والعض

على العموم الله يعوضك في جوالك إن شاء الله !!

بس ولايهمك بجمع لك قطة من الإعضاء ونشتري لك جوال جديد

طلب: رجاء مره ثانية أكتبي بألوان غامقة ... أحولت عيوني !!

leo messi · #5 08/06/2007, 02:59 AM

إقتباس


	ذاب

اكفشششششششششششششش وين الهاء ؟؟<< ماشاء الله نبيه جداً

* طيب ورا ماحليتي الخلاف بينهم ياكــــوفيه عنـــــانه

وبعديـن وراك حاطه صورتي بشاشة جوالك تبين العالم يشوفوني يعني <<<براااااا

والله يخلف عليك بجوال غيره بس لاعاد تحطين صورتي عالشاشه مفهوووم

عيون الزعيم اشكــــرك بـ عـــــنف عالموضوع .

عواااااااااااااااااااااااااااااااااااااااااااااافي

][ عيون الزعيم ][ · #6 08/06/2007, 02:59 AM

إقتباس

الرسالة الأصلية كتبت بواسطة سـمـو الـمـجـد


	ينقل لصيد الإنترنت لأني قاري الموضوع قبل شهرين وثلاث سنين تقريباً في منتدى الاتحاد

والله العظيم ان هالموقف صار يوم الاثنين
وانا كنت مع الحدث يعني بلا فلسفه

واتحداك انه منقول تراكم زدتوها

واذا كلامك صحيح عطنا الرابط
;)

leo messi · #7 08/06/2007, 03:02 AM

^
^
شكلهم مستقعدين لك كل موضوع يقولون منقول وش مسويه لهم انتي؟

الكناري الأزرق · #8 08/06/2007, 03:08 AM

السلامـ عليكمـ و رحمه الله و بركاته ..

ما قريت الموضوع لاني مستعجل .. بس شفت صوره الجوال ..
حشآ ذا موب جوال .. ذا محل استكسوارات لحاله

عموما ما اقول غير الله يعين اللي اسرقه .. شرط ان يلقى بالاسماء نص مشاغل المملكه

<=== يا ناس هالوجه غثيث

<=== طيب وراك تحطه

<=== بس اذا براس امك شر اطلع لي بالطلعه

الزبده /

هاردلك موت الجوال

و خيرها بغيرها <=== من بعد كلمة هاردلك حسب نفسه بمباراة

التسناري

][ عيون الزعيم ][ · #9 08/06/2007, 03:12 AM

إقتباس

الرسالة الأصلية كتبت بواسطة والنهاية...


	انا بصراااحة ما اثر فيني الا شغلة وحده اللي هي الجوال اللي ضاع الله يعوض عليك بس يمديك تفصلينه من الشركة وتعطلين الجهاز كمان >>>> لا تسألين كيف

مشكور يالغالي على مرورك

اعطل الجهاز كيف

كاسانو · #10 08/06/2007, 03:18 AM

هذا الموضوع انا كاتبة ترى بس طلبتني وعطيتها النص هدية<<< اقوى نصبه

دخلت الموضوع حسبت فيه سالفه مثل الناس

لقيتها خرابيط :p

بس قلت خلنا نرد ازين من اننا نطلع
اقل شي فيها نزيد عدد المشآركآت ههههه:p

ـــــــــــ
^
فاصل عشان الكلام الصدقي الحين

الله يعوض عليك بجوالك وانسي انه يرجع لك هذا من واقع تجربتين او اكثر لي يوم ضاع لي كم جوال

وبعدين ليش مافكيتي بينهم ؟؟

الحمد لله والشكر جالسين ربع ساعه يتطاقون والعالم تتفرج يعني ينتظرون الحكم يصفر من الفايز ولا وش سالفتهم

مايستفاد من الموضوع ::
لاتلحقين اي احد مره ثانيه

مشكــــورهـ واعذرونا على ثـقالة الدم

][ عيون الزعيم ][ · #11 08/06/2007, 03:25 AM

إقتباس


	بس ولايهمك بجمع لك قطة من الإعضاء ونشتري لك جوال جديد طلب: رجاء مره ثانية أكتبي بألوان غامقة ... أحولت عيوني !!

هلا بك سامي (188)
يالله جمع القطه ابي n95 بدل LG اللي ضاع

<<< امزح لا تصدقون
وطلبك الثاني ما اقدر احب الون الصفحه لكم

][ عيون الزعيم ][ · #12 08/06/2007, 03:32 AM

leo messi

إقتباس


	اكفشششششششششششششش وين الهاء ؟؟<< ماشاء الله نبيه جداً

مع الاستعجال بس لاتدقق

إقتباس


	* طيب ورا ماحليتي الخلاف بينهم ياكــــوفيه عنـــــانه

يا كوفيه اجل ههاي لا والله اخاف اصير ضحيه وانجرح
واتشوه

<<من زينك

إقتباس


	وبعديـن وراك حاطه صورتي بشاشة جوالك تبين العالم يشوفوني يعني <<<براااااا

وراك فضحة نفسك تبي البنات يحتكون فيك
كافي انا
ههههاي

إقتباس


	والله يخلف عليك بجوال غيره بس لاعاد تحطين صورتي عالشاشه مفهوووم

اي والله الله يقوي الاعضاء كل واحد يجيب لي جهاز

<< تمون زعيمه قديمه

إقتباس


	عيون الزعيم اشكــــرك بـ عـــــنف عالموضوع

.
بعنف

ما ادري وشوله هالكلمه

إقتباس


	شكلهم مستقعدين لك كل موضوع يقولون منقول وش مسويه لهم انتي؟

والله ماسويت لهم شيء حاقدين علي

مدري ليه
ميرسي ليو على مرورك

ابو طـــــلال · #13 08/06/2007, 03:35 AM

سرقة الجوالات صايرة بالهبل هاليومين خصوصا في الرياض ...( مدري شدخل السرقات بالموضوع ) يبي يتفلسف بس <<<<<<<<<

البنت تقولك طلعت ومالقته وانت تقول سرقة ؟؟يعني طايح من الربشه ...

الله يعوضك ان شالله بجوال اطلق منه ... لكن اللى يبي الناس تدورله شي ضايع لازم يحط مكافئه للي يلقاه...

وش له مكافئه اللى يلقى جوالك؟؟

تقبلي تحياتي

][ عيون الزعيم ][ · #14 08/06/2007, 03:44 AM

هلا وغلا بــ التسناري

إقتباس


	السلامـ عليكمـ و رحمه الله و بركاته ..

وعليكم السلام ورحمة الله وبركاته

إقتباس


	ما قريت الموضوع لاني مستعجل .. بس شفت صوره الجوال .. حشآ ذا موب جوال .. ذا محل استكسوارات لحاله

اولا ليش ماقريت الموضوع

ثانيا ماشفت السلالسل اللي فيه من جد محل استكسوارات
غلط املائي اكسسوارات

<< تدقق

إقتباس


	عموما ما اقول غير الله يعين اللي اسرقه .. شرط ان يلقى بالاسماء نص مشاغل المملكه <=== يا ناس هالوجه غثيث <=== طيب وراك تحطه <=== بس اذا براس امك شر اطلع لي بالطلعه

صدقت بس مو كله اسامي مشاغل الا والله اسامي المطاعم

اللحين هذا وجهك والا كيف ؟

\

إقتباس


	هاردلك موت الجوال

الله يعوضني

إقتباس


	و خيرها بغيرها <=== من بعد كلمة هاردلك حسب نفسه بمباراة

اي والله ذكرتني بمباراة الهلا والاتحاد بكلمتك من بعد الخساره

prince-alzaeem · #15 08/06/2007, 03:50 AM

إقتباس

الرسالة الأصلية كتبت بواسطة سـمـو الـمـجـد


	ينقل لصيد الإنترنت لأني قاري الموضوع قبل شهرين وثلاث سنين تقريباً في منتدى الاتحاد

ههههههههههههههههههههههههههههه

يا أخي الكريم تقولك في الجامعة وصورت لك جوالها يعني السالفه تحجير