بدأ الفار يلعب في عبي مساء الخير لكل الزعماء حقيقة وللمرة الأولى أتوجس خيفة وحذراً من هذه المباراة النهائية حقيقة وللمرة الأولى يصيبني القلق تجاه نتيجةهذه المباراة النهائية ولذلك كتبت هذا الموضوع وهي المرة الأولى التي أكتب فيها هنا لا تسألوني لماذا فهو شعور داهمني متمنياً أن يخيب ويسقط فلا الهلال هو الهلال الذي كان يرعب الخصوم ولا الإتحاد هو الإتحاد الذي يستكين أمام الهلال منذ نتيجة نهائي العام الماضي ونتائج الهلال في مسابقتي كأس الأمير فيصل وكأس سمو ولي العهد هذا العام وقلبي يخفق خوفاً على الزعيم من تخطيط إتحادي مدروس للإطاحة بهلالنا فبرأيي أن الإتحاد هذا الموسم أفضل منا بدليل وصوله إلى ثلاث نهائيات لست متشائماً ولكني لاأحب الإفراط في الثقة عموماً أتمنى النصر والتمكين لزعيمنا الهلال s13s وأن يرفع الذئب كأس البطولة وأن يكون كل ما فكرتُ فيه أضغاث أحلام وآسف ياحبايبي الزعماء على إزعاجكم ولكنها خواطر محب خائف فلا ((تلوموني)) |
اقول اخوي المفروض هالمواضيع ما تنكتب في هالوقت لانه هذا الوقت حصاد موسم فلا تؤثر على نفسييات اللاعبين والجماهير ارجووووووووووووووك |
اقول حياك اخوي بس ياليتك تاخذ فارك وتتفاهم انت وياه بعيد الله يخليك وخلك اقوى منه ولاتعطيه وجه عشان يلعب بعبك وانتبه وقوي قلبك والهلال او الاتحاد كلهم داخلين وعندهم فرصه الفوز والمكتوب حاصل لكن ان شاء الله هلاليه 2-1 |
مشكورين على المرور وبالنسبة لقولتكم مهوب هذا وقته أقول متى تبوني أقول هالكلام ؟؟ بعد المباراة مثلاً !!! لو لا قدر الله وقع الفاس في الراس وأنهزمنا تبوني أنزل الموضوع وأقول كنت متخوف وكنت متوقع فوز الإتحاد ساعتها كللكم بتقولون يالنصاب ليش ما تكلمت قبل المباراة ليش ما علمتنا بإحساسكـ ليش ما حذرت فريقنا من خطورة التخطيط الإتحادي ليش خليتنا نعيش في العسل ألين جتنا الصدمة وأنهزمنا لا قدرالله أنا هنا الآن وقبل المباراة أتكلم بهذا الكلام ليس تشائماً ولكن لأفيق كل زعماء الأرض أن المباراة القادمة خطرة لهلالنا فلا تخادعوا أنفسكم وتغرقوها بالثقة العمياء بالفوز وإجعلوا هناكـ مساحة ولو 30% لإحتمال الفوز الإتحادي حتى نستطيع جميعاً إمتصاص الصدمة إذا ما حدثت لاقدرالله حبي لكم أيها الزعماء قادني للتنبيه فلا ((تلوموني)) |
والله حتى أنــا الفار بدى يلعب في عــبّي:D .. وخااااااصة اليـوم:confused: :confused: ..!!! لكــن إن شاء الله نقول خيــر وبيكون للاعبي الزعيـــم كلمتهم ... والبطولـة بإذن الله هـــلاليــة ... |
الكأس هلالي بإذن الله |
4-1 للهلال .. هذا الزعيم |
الكاس هلالي ولا يهمك |
شكراً لتفاعلكم أخوي شلهوب999 : عاد بعقلك تتوقع هالنتيجة وإلا بعواطفكـ الجياشة طيب وش ردة فعلك لا قدر لله لو أنهزمنا وأنت حاط براسكـ نتيجة تاريخية لنا نسينا نهائي العام الماضي!!!!!!! كلنا كنا حاطين الكأس بالمخباة وفي شوط واحد كلنا ثلاثية لا تُنسى وجتنا صدمة عنيفة بسبب الإفراط في الثقة قليلاً من التعقل ربكـ يجيب العواقب سليمة حبايبي الزعماء: ترانا أمام خصم عنيد لا يُستهان به فلا ((تلوموني)) |
انا اكثر واحد متشائم والسبب ان الفريق يرقل الشلهوب استعداديته الله بالخير والغامدي شكله ماراح يلعب تسعين دقيقه والفريق له شهر عن المباريات القويه بعيد والتصريحات الهلاليه فيها ثقه زايده وخصوصا تصريحات بندر بن محمد والشهيل وبعض اللاعبين مالها داعي تذكرني بتصريحات النصراويين ضدنا قبل كل مباراه ونفوز فيها بصراحه ماش قلبي مش مطمن مثلك |
انشاالله الكاس هلالي وادع للهلال بالفوز |
تبي الصراحه اخوي انا لي اسبوع حاط الكاس بتجوري حق بيتنا :thumbup: <<<<<<<< واثق لا ابعد درجة , حتى وانا نايم خلال الاسبوع شفت ياسر وهو مفتح طرق هاي واي بدفاعات الاتحاد , وشفت بعد محمد نور عازم لعيبة الاتحاد على كمونية :D . بس يوم قمت اليوم الصبح صراحة حسيت فاري مشغلني لدرجة التوتر :cry: ,قسم طاح علي خوف وتوتر ما فكني لحد الحين بس ان انشاء الله يكتب الي فيه الخير للهلال وزعمائه s13s اهم شي عصر يوم الجمعة لا تنسى الهلال من الدعاءs60s |
حياك اخوي .. قلتها في مشاركة سابقه إقتباس:
وازودك يالغلا بأني متفائل جداً بأن الهلال راح يسجل هدف في بداية المباراة .. يعني بإذن الله ماراح يمر ربع ساعة من بداية المباراة الا والهلال متقدم بهدف بإذن الله اتركوا عنكم التشائم .. وتفائلوا بالخير تجدوه |
يا اخي انشاء الله لو لعب الهلال بفنايله رايح يفوز بإذن الله العلي القدير |
التوتر شي طبيعي في المباريات النهائية لكن أخالفك في نقطة إن الاتحاد أفضل هذا الموسم بالعكس الموسم هذا الاتحاد كان سيء جداااا..... الهلال في هذي المباراة متكامل ولله الحمد ولايحتاج إلا الدعاء والإلحاح فيه... |
الوقت المعتمد في المنتدى بتوقيت جرينتش +3.
الوقت الان » 02:24 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd