اقصوصة صغيرة جدا عن محبوبنا × الثنيان × - نادي الهلال السعودي - شبكة الزعيم

ريفان · #1 12/06/2007, 02:50 AM

زميل لي حصل رقم يوسف الثنيان ..وانهبل يوم حصله وقال لي ابتصل عليه الحين ..قلت توكل على الله ... وكان الوقت بعد الظهر ....!!!!! ( لاتآخذونه من حبه للثنيان ))..!!
ثم اتصل عليه وكلمه ....

الصديق : الو ..الو ...

الثنيان : الو
الصديق : هلا يوسف ....!!!
الثنيان : هلا ومرحبا ؟؟
الصديق : نايم يايوسف ؟؟؟
الثنيان : لا منسدح بس ..!!
الصديق : حبيت اسمع صوتك يالحبيب .....
الثنيان :: حياك الله اخوي ....

ثم بعد الاسئلة الي مالها داعي ...ودع يوسف وقاله فمان الله ...

ثم سئلته انما قلت : هاه وش قالك يوسف ...
قعد الصديق يحكيلي عن امور الثنيان مع الهلال وقالي كل الي قاله له الثنيان ...
لكن الصديق قعد يضحك ....؟؟؟؟ قلت له وشفيك تضحك ؟؟؟؟؟؟
لكنه الرجال زاد في الضحك ؟؟؟؟
وبعد الضحك قالي الصديق::: ــ اضحك لأني قلت لثنيان ..انت نايم ؟؟ قالي ((لا منسدح )) ...!! (( يعني ضحك على الثنيان في كلمة منسدح لأنه كلمه مغبره ...(( قديمة ))

هذه القصه حقيقه حصلت وليست من نسج الخيال...... حبينا نسليكم شوي وتعرفون جانب خفي من جوانب الثنيان

الهلال حـبي · #2 12/06/2007, 02:55 AM

تشكرات يازعيــم

11غريق في موج الزعيم · #3 12/06/2007, 03:01 AM

يدل لك على بساطة هذا الاعب الخلوق والكبير واحد اساطير الكوره السعوديه والعربيه والاسويه الفيلسوف يوسف الثنيان

فتى المحمل · #4 12/06/2007, 03:01 AM

الفضاوة تسوي اكثر من كذا

ابو هرس الازرق · #5 12/06/2007, 03:03 AM

لاتعليق

ملك سدير · #6 12/06/2007, 03:04 AM

ياحضكم لاتعلم احد العين حق

هلالي مافيه حيلة2007 · #7 12/06/2007, 03:13 AM

ههههههههه منسدح
يا كثر ما سدح بالمدافعين ابو يعقوب

nasoory · #8 12/06/2007, 04:45 AM

إقتباس


	ههههههههه منسدح يا كثر ما سدح بالمدافعين ابو يعقوب

صدقت

مستحيل ننساك يابويعقوب

رفيع الذوق · #9 12/06/2007, 04:52 AM

يازين طاري ابويعقوب ...

ماعمرها تحجرت دمعتي في عيني في اي ملعب الا يوم مر من قدامي في اعتزاله

ماقدرت استوعب شي اسمه ان هذي اخر مره نشوف الثنيان ..

تحياتي ..

خالد×خالد · #10 12/06/2007, 05:20 AM

اقصوصه بايخه

لان منسدح انا الى الحين استخدمها ومهب قديمه