أزرق وأبيض + إياب وذهاب =.....؟! - نادي الهلال السعودي - شبكة الزعيم

ايمن اليامي · #1 30/05/2007, 08:28 PM

احبتي الزعماء الهلاليين ابطال آسيا
مسائكم فل وياسمين وصباحكم عسل وكنافه <<عدل لاحد يقفطك اقصد قشطه

قبل فتره طويلة جائتني دعوة من الأخ العزيز (( نمر 15 )) ولكن لم البي الدعوة إلى في هذه الأيام
الأخير وهي دعوة للتسجيل في هذا الصرح الشامخ والحقيقة من زمان وانا ودي اكون معكم لكن <<حلو الصرح الشامخ
الشكوى على الله كلن وضروفه <<<<<تكفى يا وزير الخارجه اقول اركد بس

احم احم ما علينا
الزبده دعيت قبل فتره إلى امسية في مدينة الرياض بقاعة اليخت وذلك لإحياها من قبل الشيخ:
محمد بن سالم آل فهد ( حفظه الله ) وذلك بمناسبة تخرج ابنه سلطان من جامعه بأمريكا مدري وش اسمها
المهم الولد تخرج وسوى ابوه له امسيه ومن قرادة حض ابوه يعرف شاعر اسمه ايمن اليامي وناداه ههههههههههه

وحقيقة شرفني بالأمسية اكبر شرف ولو أن النصراوية بغو يطقوني طق لكن ربكم ستر
طبعا احلى شيء بالأمسية أني خلصت المويه اللي حاطينها ولا تسألون عن العصير شربته من يوم ما قعدت
ههههههههههههههههههههههههه لأني توقعت حفله يعني ان كثروا 100 واحد وتفاجأت بحضور كبير والمشكلة
حاطين واحد نصراوي قدام عيني كل ما وقفت عشان يصفق الجمهور طالعت فيه اخاف لا يصفقني بالكاس اللي عنده

ههههههههههههههههههههههههههههههههههههههههههههه
وطلب مني سلطان وهو زميل عزيز قصيدة الهلال وكنت توني كاتبها عاد سمعته اياها ونشب لي

والآن انا بين أحضان اهلي وفي بيتي الهلال فأود ان اهديكم القصيده وحقيقة انا وعدت ( نمر 15 ) اني انزلها
وهذه هي القصيدة الآن بين اديكم طبعا بما ان لقبي (المحترف) احم احم <<<صح عليك بطل فحل لا قوي ما عليك
حطيتها لكم طبعا رابطين للأمسية
ليش رابطين ليش <<<<تراك طولت اخلص علينا >>>>طيب اسف لا تدف

رابط ( mp3 ) ورابط ( rm ) وايضا القصيدة مقروءة لأنه فيه ناس فلسفه مثل ( النمر 15 ) يبي يقرأ
وعاد مشو حالكم التسجيل قسم بالله ولد خالي شوي ويطقني عطيته الشريط وعاد صفا الصوت ولا كان رايح فيها
قسم بالله تقول واقف جنب طيارة وتسولف لكن الحمد لله عدت على خير<<<< وانا اقول ورى وجهك مورم اثر ولد خالك اهااااا
شكله صفا الشريط بوجهك
هههههههههههههههههههههه وبالنهاية اتمنى من الله انها تنال على إعجابكم وبدون تحطيم انت وياه
<<<<<<خلصت يالله قم اطلع برى هع
ههههههههههههههههههههههههههههههههههههههه
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــ
القصيدة في ( الأمسية )
mp3
http://www.unbase.com/n/5806418073
rm
http://www.unbase.com/n/9841848109

القصيدة ( مقروءة )

وشلون ما افخر بحضرت جنابك

وشلون ما اعشقك يا مكمل الزين
الله هو الكامل وكمل ثيابك

امكملً خلقه ولا مثلك اثنين
يا داهية عصرك وملهم شبابك

وحدك يحبونك ملوك ومهمين
يا نبض للواقع ولمحة سرابك

اتصفط اللي صافط ايسار بيمين
ياللي ليا من جيت ابغى اللقا بك

تجمعوا كل العرب ما ادري من وين
كلن يبي يلمس بياضك ومابك

من سلطنه من فرعنه من بعض لين
يا يا يا يا يا يا يا بس ربي جابك

يا ملهم الشعار في قول بيتين
يا مدرسة كل من لمحك اقتدى بك

طلابها للمعلمين امعلمين
ويا مدرسة تعليمها في كتابك

الحرفنه والذوق واخلاق ولونين
ازرق وابيض في إياب وذهابك

لونين بس ربي جعلها تلاوين
لون الفرح بالنصر في حين إيابك

ولون الفخر إليا هتفت لك ملايين
او لون ولون ولون لآخر هضابك

واثقً بالخطوه وبمشية سلاطين
عذالك إليا حدروا صوب بابك

ادعيعك لا منه شمر بيدين
تفرقوا والكل من هم يهابك

مقيوله العاقل يجنن شياطين
واللي يحاول يوم بس فـ أغتيابك

يسدد لهم ياسر سهام القحاطين
واللي تجراء برميته ثم صابك

الذيب سامي يرد له الصاع صاعين
مالك خشير يخاشرك في عوجابك

ما دام فيك المرشدي و المطوعين
لا هم ثلاثه للفخر وإلثوابك

في لعبهم هيبة مثل يوم حطين
والفاول اللي يوم غنى زهى بك

تثبت من الحكام والناس واقفين
واقفله موهوب يقول يا هلابك

ثم شاتها بسار ودخلها بيمين
والحارس اللي كان ينطر جوابك

من القول صابه فتاق تمزق رباطين
والكل يعشق ثورتك وإنسكابك

والبعض الآخر قاهره شوفة العين
يا هلال يا نبض القلوب واسحابك

محمد ولد فيصل خليف الميامين
يا سيدي الكون كله بدابك

وينتهي في فرحتك يومها اتزين
يعني ليا منك كتمت ابعذابك

اقلوبنا من الحزن تصير بابين
باين يواسي ضيقتك واكتأبك

وبابن غدى لك بالسعاده ميادين
عيونك البسمة إذا الحب شابك

وعقلك الحكمه لا ضاعوا الرزينين
منت اللي ذا ياتي ولا يندرابك

تهتز في جيتك ارض ومحيطين
وحدك للدور العز بس يحكابك

وحدك رئيس الفخر فالعسر واللين
ما نقبل ابغيرك وحنا ذئابك

نفداك يا سيد قلوب المحبين
ويهلال يا نادي الزعماه هلابك

وشلون ما نعشقك يا مكمل الزين
وشلون ما نفخر بحضرة جنابك

وانت الذي مكمل ولا منك اثنين

وســلامـ ــتـــكــــ م,,,,

هلالي شمر · #2 30/05/2007, 09:01 PM

صح لساااااااااااااااااانك قصبدة وافيه من رجاال واافي

أول العنقود · #3 30/05/2007, 09:02 PM

صح لسانك يا شاعرنا..!!!

و فالك المليون و مافيك حيلة و الكصيدة جزلة ..!!

Hilali88 · #4 30/05/2007, 09:03 PM

صح لسانك

سهل · #5 30/05/2007, 09:56 PM

يستاهل الزعيم وقصيده رائعه وزادها جمالاً موضوعها

وعقبال ما تتحفنا بقصيده حصريه بمناسبة الكأس ( ان شاء الله )

إقتباس


	منت اللي ذا ياتي ولا يندرابك

ذكرتني ببن فطيس

أبو راس · #6 30/05/2007, 10:15 PM

صح لسااااااااااااااااااااانك

وعقبال الكاس يوم الجمعة ان شااااااااااااء الله

الـمـشـاغـب · #7 30/05/2007, 10:44 PM

إقتباس

الرسالة الأصلية كتبت بواسطة سهل


	يستاهل الزعيم وقصيده رائعه وزادها جمالاً موضوعها وعقبال ما تتحفنا بقصيده حصريه بمناسبة الكأس ( ان شاء الله ) ذكرتني ببن فطيس

شوفوا هالمشرف التعبان

الحين يا بابا سهل.. تثبت موضوع الأخ في الله... وبعد ترد على موضوعه .. وتقتبس..!! وما فتحت عينك على توقيع

الأخ ؟

وين الدعم اللوجستي اللي تكفلت به لي؟

حقوقي الأدبية ضاعت .. وسمعتي تمرمطت .. وحضرتك ما تكرمت تعدل توقيعه.... خلاص أنا مخاصمك

-----------------------------------------------------------

نجي للموضوع :p

صح لسانك يا بعدي.. ما شاء الله قصيدة من أروع ما يكون .. عنوان ومضمون

لا هنت يا الغالي,, وبانتظار جديدك

بس تدري؟

يا خي أما عليك تنسيق مدري وش يبي؟

رح عند هامور البورصة خله يعلمك كيف التنسيق على أصوله

تقبل تحياتي ولا تنسى تعدل التوقيع ترى محنا ناقصين تشويه سمعة لأنها واصلة أصلاً للحضيض

][ عيون الزعيم ][ · #8 30/05/2007, 10:58 PM

الواسطه قويه تثبت الموضوع

أنا متأكده من أن الروعة ستعانق حروفك ..

فانتظاري هو من سيبقى لحرفك الآتي ..

لك مودتي ..
تحيه الك ايها المبدع ولقلمك الرائع
اختك عيون الزعيم

ايمن اليامي · #9 30/05/2007, 11:01 PM

إقتباس

الرسالة الأصلية كتبت بواسطة هلالي شمر


	صح لساااااااااااااااااانك قصبدة وافيه من رجاال واافي

هلالي شمر

صح الله بندك

وعشت

تحياتي لسموك الكريم

ايمن اليامي · #10 30/05/2007, 11:04 PM

إقتباس

الرسالة الأصلية كتبت بواسطة أول العنقود


	صح لسانك يا شاعرنا..!!! و فالك المليون و مافيك حيلة و الكصيدة جزلة ..!!

اول العنقود

صح الله بدنك

وفالك التوفيق

وتسلم يا دكتور غسان

ههههههههههههههههههههههههههه

ايمن اليامي · #11 30/05/2007, 11:05 PM

إقتباس

الرسالة الأصلية كتبت بواسطة سهل


	يستاهل الزعيم وقصيده رائعه وزادها جمالاً موضوعها وعقبال ما تتحفنا بقصيده حصريه بمناسبة الكأس ( ان شاء الله ) ذكرتني ببن فطيس

سهل

تسلم يا غلاهم على هذا الإطراء الرائع واشكرك على التثبيت

ههههههههههههههههههههههههههههههه

من جاب طاري بن فطيس هههههههههههههههههههههههههههههههه

لا تدقق

ايمن اليامي · #12 30/05/2007, 11:05 PM

إقتباس

الرسالة الأصلية كتبت بواسطة Hilali88


	صح لسانك

هلالي 88

صح الله بدنك

ايمن اليامي · #13 30/05/2007, 11:07 PM

إقتباس

الرسالة الأصلية كتبت بواسطة الـمـشـاغـب


	شوفوا هالمشرف التعبان الحين يا بابا سهل.. تثبت موضوع الأخ في الله... وبعد ترد على موضوعه .. وتقتبس..!! وما فتحت عينك على توقيع الأخ ؟ وين الدعم اللوجستي اللي تكفلت به لي؟ حقوقي الأدبية ضاعت .. وسمعتي تمرمطت .. وحضرتك ما تكرمت تعدل توقيعه.... خلاص أنا مخاصمك ----------------------------------------------------------- نجي للموضوع :p صح لسانك يا بعدي.. ما شاء الله قصيدة من أروع ما يكون .. عنوان ومضمون لا هنت يا الغالي,, وبانتظار جديدك بس تدري؟ يا خي أما عليك تنسيق مدري وش يبي؟ رح عند هامور البورصة خله يعلمك كيف التنسيق على أصوله تقبل تحياتي ولا تنسى تعدل التوقيع ترى محنا ناقصين تشويه سمعة لأنها واصلة أصلاً للحضيض

هههههههههههههههههههههههههههههههههههههههههههههههههههههه

هههههههههههههههههههههههههههههههههههههههههههههههههههههههههه

ههههههههههههههههههههههههههههههههههههههههههههههههه

المشاغب قسم بالله انواع الضحك

ياخي خلاص انت خويي ابكتب فيك قصيدة

النمر 15 <<<<الله ياخذك يا ايمن انا خويك من سنين ولا فكرت تكتب فيني والحين تكتب في اعدائي هههههههههههههههههههههههههههههههه

صح الله بدنك يا غلاهم

والتوقيع ما ادري من اللي شاله بس مو انا

ههههههههههههههههههههههههه

ايمن اليامي · #14 30/05/2007, 11:09 PM

إقتباس

الرسالة الأصلية كتبت بواسطة ][ عيون الزعيم ][


	الواسطه قويه تثبت الموضوع أنا متأكده من أن الروعة ستعانق حروفك .. فانتظاري هو من سيبقى لحرفك الآتي .. لك مودتي .. تحيه الك ايها المبدع ولقلمك الرائع اختك عيون الزعيم

عيون قسم بالله عاد عرفتي شلون

المهم شكرا اختي العزيزة على هذه الحفاوه والكلام الجميل

اما الواسطه (( كلن ترى افعاله تضهرها يده))

يعطيك العافيه

ايمن اليامي · #15 30/05/2007, 11:11 PM

إقتباس

الرسالة الأصلية كتبت بواسطة أبو راس


	صح لسااااااااااااااااااااانك وعقبال الكاس يوم الجمعة ان شااااااااااااء الله

ابو راس

صح الله بندك

انشالله وانا اعودكم بقصيدة بفوز الهلال