#1  
قديم 30/05/2007, 08:10 PM
زعيــم جديــد
تاريخ التسجيل: 12/05/2005
مشاركات: 49
Talking وسع صدر مع اصداء النهائي

بما أن النهائي قريب و الساحه الرياضية السعودية متوقف نشاطاتها , حرصت الصحف على أستحلاب الاخبار بشتى الطرق سوى صحيحه او كاذبه اهم شي ان تمتلي الجريدة من الاخبار , وتعرفون ان المتضرر بهل حالة هو الفريقين , وحنا بما اننا زعماء راح اركز حديثي على ماجاء في الصحافه من كذب واخبار مدري وش تبي من الهلال , وراح يكون تركيزي اكثر على صحيفة واحدة هذا اذا كانت جريدة وانا احسبه نشرة تصدر من نادي الاتحاد , يا ناس اول مرة اشوف جريدة كل كتابها متحيزين بشكل واضح لنادي , انا الي اعرفه من الصحافه ان الحيادية هي راس مالها , بس الشرهه على قانون المطبوعات الي عندنا خل بعض المصتصحفين يسرح ويمرح على حساب رياضتنا .

ما طول عليكم , انا اليوم حبيت اني انشحن قبل النهائي حتى اخش جو النهائي من بدري , فاشريت نشرة الاتحاد مدري البلوي وقمت اقلبها وتعجبت من اخباره قسم انها جريدة معتمده على الحشوى <<<(( اهم شي ان المساحة تتغط )) :

اول خبر عن مراسل خنشلية , سوى خبر قبل يومين حطته الجريدة في صدرها وبل الاخير طلع الخبر من اختراع المراسل , فرئيس تحرير الغفلة ما كتم الكذبة , بل اعطى للمراسل مساحه يبرر فيها كذبة اضافتاً الى ان الجريدة طايح بحرج بساحة الاعلامية <<< (( هذي مشكلة المسرع بنشر اخبار عن الهلال لو مغلوطه اهم شي يبي يثر على اسقرار النادي مثل هشاب اللطيف >>>> )) , الخبر يتعلق بتائب ولعبه في المبارة النهائي , اسمع المنشت (( فضائية توكد انه ترك وطنه لعيون الهلال )) <<<< مصدر ذا المنشت , خبر صغير بشريط القناة الليبية , وشريط ذا مخصص للجمهور ومراسل الغفلة مسويه مصدر بتقريرة . ومصدرة الثاني بخصوص القضية هو منتدى رياضي ليبي , يعني شوية ناس ممكن تكون تكره طارق وكتبت ذا الكلام بس الله يخلف على الي علمك كيفيت التحرير بكلية الاعلام . اما الخبر الي ضحكت عليه الي دخت وخبر مدري وش موقعه , الخبر لا ينفع للاثارة ولا غيرة , مدري المرسل بيسوي اثارة بس ما يدري كيف يظبطه , الخبر تذيل التقرير ويقول (( طارق التايب سيمنح الجنسية السعودية ليكون لا عباً مواطناً في نادي الهلال بالموسم القادم )) <<<< ما اقول الا ياشين المصاله بس , يا شباب احد يتصدق علية بشاعة قبل النهائي .

الان ننتقل للكاتب الجهذب الذي تترقب مقالات اهل المدن والامصار و تتناقله العرب وتتغنى وتحتفي به وتقيم اليالي الملاح على شرف مقالاته ويتكور حوله الولدان ويحرصون عى اقتناء وتمعن به ليل نهار , لعل الله ان يرزقهم بنفحه من نفحات البلاغة التي منى الله بها عليه , كاتب ينثر علينا كل يوم درر تستانس به عيوننا وتطرب له اذاننا و تستفحل اللغة العربية كل صباح بمقال من مقالاته ولو علما الجاحظ لما الف كتابه الحيوان <<<<< (( اقول اه بس , يمين انه ما بثوب احد هو مقالاته )) , المقصود هنا هو ابو هدايه , انا عندي تحفظ على قفشاته , من ضمنها اليوم , قاعد يذكر ان فيه صاحب مقال ثاني يكتب يومين و يقمزلك ذي القمزه الي مال امها سنع , قسم حادث مروع الله يجيرنا بس , قال : (( مثلي << (يقصد انه يكتب يومين) ويستدرد قالاً : زي حضرتي – الله يحفظني لكم ... قول: آمين )) , احس انه وده ينكت بس ما يدري كيف يجبها , قسم اني فطست ضحك بس على بلاته , اسالكم بالله ذا يصنف كاتب رياضي في جريدة .<<< ما اقول الا يا شين السرج على البقرة , شباب تكفون سلف نكته ويردها لكم

محمد البكيري مدير تحرير الغفلة مدري النشرة , اطل على معجبيه ((خاصتاً الصورة الي فوق مقاله , وهو نظاراته يحسب نفسه توم كروز ما اقول يا شين الي ماخذ مقلب بنفسه )) اطل على معجبية بعد غياب تمله الاسئلة والشائعات , كاتب يمتلك مقالات يملها الدفء <<< (( يعني مقال متلحف فروة )) , هذا الرجل جريدته كلها تكذب وقايم سوقها على الكذب وش ترجون من مدير تحريره الا اللفاظ السوقية والمقالات الكاذبه , اجل سمعتم برئيس تحرير يعلن ميوله على الملا <<< (( هذي يسمونها صحافة الورعان تخرج في اخر الزمان والناس نيام <<< اقول امرح بس )) , يتكلم عن الغطرسة الهلاليه , ولا اعلم عن ماذا يتحدث , الهلال لم يعرف عنه الا الاحترام للخصوم , كبيراً كان او صغيراً , اضافتاً الى ان هذه الثقافة (( ثقافة احترام الخصم )) هي نعمة محسوداً عليها من كل الفرق , وهذا هو ما كان يقصده الامير بندر بن محمد بالامس في الجريدة الرياضية عندما قال لاعب الخفي هو سر انتصارات الهلال و الغطرسة الكروية لم تعرفها الرياضة السعودية لا بعد ولوج العزبه <<<<<< (( تراه ما يقصد منصور البلوي )) لساحة الرياضية .

اما الخبر الاخير هو عن قائد الاوكستر الهلاليه , ابو حقوي تذكر مصادرهم مدري تاليفاتهم انه لن يحضر المبارة النهاية بسبب (( الفلوس )) , اتمنى توضيح صحة الخبر مع ان الرياضي ما تجيب العلم ابد .


ترقبوا معنا الصيد القادم مع صحافة اكذب حتى يمشي سوقك
اضافة رد مع اقتباس
  #2  
قديم 30/05/2007, 08:12 PM
الصورة الرمزية الخاصة بـ زعــيــ511ــم
زعيــم مميــز
تاريخ التسجيل: 09/12/2006
المكان: شبكة الزعيم
مشاركات: 32,279
ههههههههههههههههههه

يعطيك الف عافيه
اضافة رد مع اقتباس
  #3  
قديم 30/05/2007, 09:08 PM
زعيــم جديــد
تاريخ التسجيل: 12/05/2005
مشاركات: 49
يعافيك اخوي زعـــ511ــم
اضافة رد مع اقتباس
  #4  
قديم 30/05/2007, 10:04 PM
زعيــم متألــق
تاريخ التسجيل: 11/04/2007
المكان: روم الزعيم في البالتوك
مشاركات: 1,469
ههههههههههه مشكور
اضافة رد مع اقتباس
  #5  
قديم 30/05/2007, 10:52 PM
زعيــم فعــال
تاريخ التسجيل: 27/05/2007
المكان: الرياض
مشاركات: 380
يعطيك الف عافية
اضافة رد مع اقتباس
  #6  
قديم 30/05/2007, 10:59 PM
زعيــم جديــد
تاريخ التسجيل: 12/05/2005
مشاركات: 49
زعيم باخلاقي الله يسلمك
اضافة رد مع اقتباس
  #7  
قديم 31/05/2007, 12:05 AM
زعيــم جديــد
تاريخ التسجيل: 12/05/2005
مشاركات: 49
الله يسلمك يا اخوي الكاسر
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 07:03 AM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube