أتمنى مايصير ها الشيء .. والأمل فيكم كبير - نادي الهلال السعودي - شبكة الزعيم

زعيم سديراوي · #1 30/05/2007, 05:01 PM

السلام عليكم ورحمة الله وبركاتة ..

ومساكم الله بالخير ..

بحمد الله وفضلة ومنته وكرمه أن وصلنا للنهائي .. وإحساسي كانه مو غلطان يقول وصلنا للكأس

..

وإن شاء الله نحتفل

جميعاً هنا بكأس يوم الجمعة ...

بكل صراحة لنا عبرة في إحداث هذا الموسم والمواسم الماضية وماحصل فيها من مشاغبات

ومشاكل ..

وأتمنى هذا لا يحدث في النهائي وبالذات أن الجمهور بيكون بدون فراغات أو حواجز فيم بينهم ..

فلا تستبعدون وجود الدخلاء بينكم وبالذات بعض الحثالة اللي راح يكون معهم السلاح الأبيض .. فليس بغريب منهم أن يمد أحد يده

على الآخر ووالله ليس له أي علاقة بالهلال بس هياط وعنترية ..

والأهم من ذالك أن جمهور الإتحاد لن يقارن بجمهور الهلال

.

وللأسف أننا كاسعودين نحتقر غيرنا أن كانوا أقل مهما كان حتى الإمريكان حقرناهم ..

ولا أتوقع أحد ينسى سالفة الإمريكي عند مركز النمر بعد بطولة آسيا96 كاني مو غلطان ..

فنحن كاهلاليين نفتخر دائماً وأبداً بسمو أخلاقنا ورفعة أدبنا وعلو همتنا أسوة بإدارة نادينا

فإن فزنا فرحنا بقدر الضوابط الشرعية والنظامية بدون إعتداء أو تطفل على الآخرين أو إلحاق الأذية بهم ..

وإن خسرنا نتقبلها برحابة صدر حيث أننا فعلنا الذي علينا وإن كان ماكان في القلب من حزن ...

وهذا داخل بالغلط

ليس لكم حاجة بأن أعلمكم بهذا فأنتم أعلم مني بذالك .. ولكن فذكر فإن الذكرى تنفع المؤمنين ...

أتوقع إن شاء الله فوز الهلال 3/1 أهداف الهلال أحدها لياسر وأحدها للتأيب وباقي الأهداف ماحضرها المحضر ...

وبالتوفيق للزعيم ...

زعيم بأخلاقي · #2 30/05/2007, 05:11 PM

مشكور اخوي على الكلام الاكثر من رائع واتمنى ايضا انه ما تحصل مشاكل بس هالتشاديه مستحيل ما يسون مشاكل .....................!!!

زعيم سديراوي · #3 30/05/2007, 05:28 PM

حياك الله أخي الكريم زعيم

ولك من إسمك نصيب ..

فلك كل الشكر والتقدير على مرورك الكريم ..

وأما بالنسبة للإتحاديين فأقول

(( الخنفس مستحيل ينفس )) إذا شاف أن قدامه الجمهور الأزرق بعدتة وعتادة ..

وعشان كذا ماراح يسون شيء بالذات أنهم راح يعدون على الأصابع إن شاء الله ..

لكن المشكلة إن سواه البلوي وشراء أغلب التذاكر وخلى المعلب شبه فاضي ...

sa3dola · #4 30/05/2007, 05:32 PM

ان شاء الله يعدي النهائي على خير

بس وش سالفة الامريكي ذا تكفى قلي >>>> ذابحه الفضول

هلالية عسولة · #5 30/05/2007, 05:36 PM

والله انت صادق ما اضن بتمر على خير خصوصا ان الطرف الثاني هو الاتحاد ...
بس نأمل ان يكون نهائي مشرف للكرة السعوديه ....

قلبي مملكـة والهـلال يملكـة · #6 30/05/2007, 05:47 PM

الله يستر من جمهور الاتحاد بصراحه يخوفون راعين مشاكل

..

وش سالفة الأمريكي ؟؟

.. علمنا تكفى هههههههههههه

ليتكم مثلي · #7 30/05/2007, 05:49 PM

لا دام الاتحاد طرف فيها أكيد راح يصير شي !!!

زعيم سديراوي · #8 30/05/2007, 06:08 PM

sa3doia

إن شاء الله تعدي على خير .. وأتمنى ذلك من كل قلبي

بالذات العبدالهادي ناوي عقوبة للهلال على إيش ما أدري .. شكله تبين بعد النهائي ..

وسالفة الإمريكي اللي عند مركز النمر

كان يماكان في سالف العصر والأوان

كان قبل عشر سنين أو أكثر شوي طفرة بين الشباب إذا فاز فريق أو منتخب تجمعوا في شارع العلياء العام قبل أيام التحلية طبعاً

وكانوا إذا شافوا ليموزين أو أجنبي أو حتى سعودي معه حرمه كانوا ينزلون اللي معه ويغصبونها ترقص حتى لو تهز هزة وحدة بس ..

وهذه الأحداث صارت يوم فازت السعودية على الإمارات في كأس أسيا على ماأظن ...

لكن من ردى حظ بعض الشباب أنهم طاحوا في واحد إمريكي مسلم وكانت معه حرمته متجبة , جو الشباب فتحو الباب وسحبوا الحرمة من السيارة والمسكينة صارت بين خمسة شباب تصرخ ..

نزل زوجها الأجودي ولعب فيهم لعب هو كرتية أوكنغ فو أو تكوندو أوقتال شوراع الخمسة كلهم ترقدوا في المستشفى كسر في اليد وكسر في الحوض وكسر الرجل وأنواع وألوان من الكسور لكن الله يبيض وجه هالإمريكي ...

والقصة مشهورة ومعروفة ... والحمدلله ماعاد فيه مثلها هالأيام ..

بصراحة لو سمعت قصص عن الشباب اللي ينزل بنات ويرقصون في السعودية ماصدقت لكن للآسف شوفة عيني ..

ولكن وش رايك يوم إفتتاح المملكة وقفوا سيارة وفككوها تفكيك حتى المراتب مفككة ..

زعيم سديراوي · #9 30/05/2007, 06:12 PM

هلالية عسولة

أتمنى ذالك ..

قديكون جمهور الإتحاد في الرياض أعقل من جدة بحكم كونهم على إحتكاك بجمهور الهلال

زعيم سديراوي · #10 30/05/2007, 06:15 PM

تفاريس

ياهلابك ..

ومشاكلهم هناك ..

وإلا الرياض فيها المربي الأريب والسيد الرعديد

والقصة فوق ..

زعيم سديراوي · #11 30/05/2007, 06:18 PM

ليتكم مثلي

إيه والله ليتهم مثلك

يعرفون مصلحتهم ويريحون

أعمارهم ويشجعون الزعيم ..

أبشر بالكاس .. ورجال الهلال لهم أسلوبهم مع مثل هذه المواقف ...

إبراهيم عقدي · #12 30/05/2007, 06:30 PM

جمهور الاتحاد رايح يحترم جمهور الهلال لان الجمهور الهلالي رايح يحضر بكثافة

هلالي جنيف · #13 30/05/2007, 06:34 PM

الله يستر على المسلمين فيه حثالة ما تخاف الله