#1  
قديم 30/05/2007, 05:01 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
أتمنى مايصير ها الشيء .. والأمل فيكم كبير

السلام عليكم ورحمة الله وبركاتة ..


ومساكم الله بالخير ..


بحمد الله وفضلة ومنته وكرمه أن وصلنا للنهائي .. وإحساسي كانه مو غلطان يقول وصلنا للكأس
..


وإن شاء الله نحتفل جميعاً هنا بكأس يوم الجمعة ...


بكل صراحة لنا عبرة في إحداث هذا الموسم والمواسم الماضية وماحصل فيها من مشاغبات ومشاكل ..


وأتمنى هذا لا يحدث في النهائي وبالذات أن الجمهور بيكون بدون فراغات أو حواجز فيم بينهم ..


فلا تستبعدون وجود الدخلاء بينكم وبالذات بعض الحثالة اللي راح يكون معهم السلاح الأبيض .. فليس بغريب منهم أن يمد أحد يده على الآخر ووالله ليس له أي علاقة بالهلال بس هياط وعنترية ..


والأهم من ذالك أن جمهور الإتحاد لن يقارن بجمهور الهلال .

وللأسف أننا كاسعودين نحتقر غيرنا أن كانوا أقل مهما كان حتى الإمريكان حقرناهم ..

ولا أتوقع أحد ينسى سالفة الإمريكي عند مركز النمر بعد بطولة آسيا96 كاني مو غلطان ..

فنحن كاهلاليين نفتخر دائماً وأبداً بسمو أخلاقنا ورفعة أدبنا وعلو همتنا أسوة بإدارة نادينا

فإن فزنا فرحنا بقدر الضوابط الشرعية والنظامية بدون إعتداء أو تطفل على الآخرين أو إلحاق الأذية بهم ..

وإن خسرنا نتقبلها برحابة صدر حيث أننا فعلنا الذي علينا وإن كان ماكان في القلب من حزن ...


















وهذا داخل بالغلط





ليس لكم حاجة بأن أعلمكم بهذا فأنتم أعلم مني بذالك .. ولكن فذكر فإن الذكرى تنفع المؤمنين ...



أتوقع إن شاء الله فوز الهلال 3/1 أهداف الهلال أحدها لياسر وأحدها للتأيب وباقي الأهداف ماحضرها المحضر ...


وبالتوفيق للزعيم ...


اضافة رد مع اقتباس
  #2  
قديم 30/05/2007, 05:11 PM
زعيــم متألــق
تاريخ التسجيل: 11/04/2007
المكان: روم الزعيم في البالتوك
مشاركات: 1,469
مشكور اخوي على الكلام الاكثر من رائع واتمنى ايضا انه ما تحصل مشاكل بس هالتشاديه مستحيل ما يسون مشاكل .....................!!!
اضافة رد مع اقتباس
  #3  
قديم 30/05/2007, 05:28 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
حياك الله أخي الكريم زعيم

ولك من إسمك نصيب ..


فلك كل الشكر والتقدير على مرورك الكريم ..


وأما بالنسبة للإتحاديين فأقول

(( الخنفس مستحيل ينفس )) إذا شاف أن قدامه الجمهور الأزرق بعدتة وعتادة ..

وعشان كذا ماراح يسون شيء بالذات أنهم راح يعدون على الأصابع إن شاء الله ..



لكن المشكلة إن سواه البلوي وشراء أغلب التذاكر وخلى المعلب شبه فاضي ...
اضافة رد مع اقتباس
  #4  
قديم 30/05/2007, 05:32 PM
موقوف
تاريخ التسجيل: 22/06/2005
مشاركات: 519
ان شاء الله يعدي النهائي على خير

بس وش سالفة الامريكي ذا تكفى قلي >>>> ذابحه الفضول
اضافة رد مع اقتباس
  #5  
قديم 30/05/2007, 05:36 PM
زعيــم فعــال
تاريخ التسجيل: 01/04/2007
مشاركات: 225
والله انت صادق ما اضن بتمر على خير خصوصا ان الطرف الثاني هو الاتحاد ...
بس نأمل ان يكون نهائي مشرف للكرة السعوديه ....
اضافة رد مع اقتباس
  #6  
قديم 30/05/2007, 05:47 PM
زعيــم متألــق
تاريخ التسجيل: 25/05/2007
المكان: { .. بَعّيٍيٍيٍـدّ ~~ ..
مشاركات: 1,314
الله يستر من جمهور الاتحاد بصراحه يخوفون راعين مشاكل ..

وش سالفة الأمريكي ؟؟ .. علمنا تكفى هههههههههههه
اضافة رد مع اقتباس
  #7  
قديم 30/05/2007, 05:49 PM
زعيــم مميــز
تاريخ التسجيل: 19/05/2007
المكان: الرياض وقلبي سدير
مشاركات: 2,614
لا دام الاتحاد طرف فيها أكيد راح يصير شي !!!
اضافة رد مع اقتباس
  #8  
قديم 30/05/2007, 06:08 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
sa3doia


إن شاء الله تعدي على خير .. وأتمنى ذلك من كل قلبي

بالذات العبدالهادي ناوي عقوبة للهلال على إيش ما أدري .. شكله تبين بعد النهائي ..




وسالفة الإمريكي اللي عند مركز النمر

كان يماكان في سالف العصر والأوان

كان قبل عشر سنين أو أكثر شوي طفرة بين الشباب إذا فاز فريق أو منتخب تجمعوا في شارع العلياء العام قبل أيام التحلية طبعاً

وكانوا إذا شافوا ليموزين أو أجنبي أو حتى سعودي معه حرمه كانوا ينزلون اللي معه ويغصبونها ترقص حتى لو تهز هزة وحدة بس ..

وهذه الأحداث صارت يوم فازت السعودية على الإمارات في كأس أسيا على ماأظن ...

لكن من ردى حظ بعض الشباب أنهم طاحوا في واحد إمريكي مسلم وكانت معه حرمته متجبة , جو الشباب فتحو الباب وسحبوا الحرمة من السيارة والمسكينة صارت بين خمسة شباب تصرخ ..

نزل زوجها الأجودي ولعب فيهم لعب هو كرتية أوكنغ فو أو تكوندو أوقتال شوراع الخمسة كلهم ترقدوا في المستشفى كسر في اليد وكسر في الحوض وكسر الرجل وأنواع وألوان من الكسور لكن الله يبيض وجه هالإمريكي ...

والقصة مشهورة ومعروفة ... والحمدلله ماعاد فيه مثلها هالأيام ..

بصراحة لو سمعت قصص عن الشباب اللي ينزل بنات ويرقصون في السعودية ماصدقت لكن للآسف شوفة عيني ..


ولكن وش رايك يوم إفتتاح المملكة وقفوا سيارة وفككوها تفكيك حتى المراتب مفككة ..
اضافة رد مع اقتباس
  #9  
قديم 30/05/2007, 06:12 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
هلالية عسولة


أتمنى ذالك ..


قديكون جمهور الإتحاد في الرياض أعقل من جدة بحكم كونهم على إحتكاك بجمهور الهلال
اضافة رد مع اقتباس
  #10  
قديم 30/05/2007, 06:15 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
تفاريس


ياهلابك ..


ومشاكلهم هناك ..

وإلا الرياض فيها المربي الأريب والسيد الرعديد


والقصة فوق ..
اضافة رد مع اقتباس
  #11  
قديم 30/05/2007, 06:18 PM
زعيــم نشيــط
تاريخ التسجيل: 08/07/2005
المكان: الرياض
مشاركات: 562
ليتكم مثلي


إيه والله ليتهم مثلك

يعرفون مصلحتهم ويريحون

أعمارهم ويشجعون الزعيم ..


أبشر بالكاس .. ورجال الهلال لهم أسلوبهم مع مثل هذه المواقف ...
اضافة رد مع اقتباس
  #12  
قديم 30/05/2007, 06:30 PM
الصورة الرمزية الخاصة بـ إبراهيم عقدي
زعيــم مميــز
تاريخ التسجيل: 15/02/2007
المكان: أبوعريش
مشاركات: 3,769
جمهور الاتحاد رايح يحترم جمهور الهلال لان الجمهور الهلالي رايح يحضر بكثافة
اضافة رد مع اقتباس
  #13  
قديم 30/05/2007, 06:34 PM
زعيــم مميــز
تاريخ التسجيل: 07/08/2002
المكان: الرياض
مشاركات: 1,779
الله يستر على المسلمين فيه حثالة ما تخاف الله
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 10:29 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2017, Jelsoft Enterprises Ltd

Google Plus   Facebook  twitter  youtube