اااه ياليابان .. اللى عيالهم بالفسحه يصنعون ساعه - نادي الهلال السعودي - شبكة الزعيم

ابو طـــــلال · #1 22/05/2007, 02:04 AM

السلام عليكم اعضاء الزعيم الكرام ..
اليابان وماادراك مااليابان !!!!!

.. كانت امبراطورية عظمى ... ذات قوة ونفوذ وحضارة .. ومازالت كذالك لكن ليست كالسابق لاسباب كثيره ..
مايهمنا في هذا الموضوع هو ان اليابان شبيهه الى حد كبير ... في ماضيها وتاريخها لنا كعرب . ولن اقول كمسلمين لسبب ان هنالك بلدان مسلمه قد نجحت وبرزت في امور كثيره كالصناعة والتجارة والسياحة .. ووو وعلى راءس تلك البلدان الاسلاميه ( ماليزيا )

اليابان كانت ذات قوة واتساع في المساحه والعدد والعده .. وكذالك العرب كانت امه ذات قوة ونفوذ ومساحه وعدد وعده .... اليابان اصابها مااصابها من الانهزام النفسي قبل المادي في الحرب ولن ننسي سقوط تلك القنبلة على اراضيها وماسبب من دمار وخراب وقتل وتشويه ومازالوا يعانون من تبعات تلك الحرب ..
والعرب اصابهم ايضا فتن وحروب وقتال حتى وصل بهم الحال الى ماهم عليه الان ..
اليابان نهضت من جديد ونفضت غبار الهزيمة ولم تلتفت الى الوراء ورغم الصعوبات والتحديات .. اصبحت الان من اكبر الدول صناعيا حتى لو ( تشوف واحد بغى يسوي زحمه وتفلسف.. قلت له .. شدعوه يالياباني ؟؟)

والعرب مدري وش يحترون !!؟؟؟:

واحد يقول : اليابانيين طلابهم مايطلعون فسحه يفطرون ... بوقت الفسحه يصنعون ساعه !!

اليابان احتلفت من مده قريبه بالقضاء على الاميه ( بالحاسب الالى )

( والا القرايه والكتابه ذي مابها طقة عصى )
اليابان احتفلت ايضا من مده قريبه باالغاء اخر اشارة ضوئيه

يعني يمشون من غير اشارات .. يعني ماتسمع صوت البواري مثل اللى عندنا

وحنا الله يخلف علينا .. يصدمك الواحد وينزل وهو ينفخ عليك !! يجي المرور ويقراء الاسامي ...ويتحدد الخطاء من خلال الاسامي .. اذا انت من جماعته او لا

ااااه بس من بعد ذاك العز والحضاره والقوة والهيبه ... صرنا ملطشه وكل صفه سيئه ملتصقه بنا للاسف .. الإرهاب .. التخلف .. الكذب .. حتى التأخير بالوقت ماصار لنا ... صار الوقت انجليزي ..!!
العيب مو في اسلامنا ... لاحشا ....... العيب في المسلمين ... عسى ربي يصلح الحال

تحياتي للجميع

Al Qahtani 20 · #2 22/05/2007, 02:49 AM

إقتباس


	اليابان احتفلت ايضا من مده قريبه باالغاء اخر اشارة ضوئيه

بس جت على كذا رح اشيقر افلقني ان لقيت اشارة وحدة وحتى الاشارة الوحيدة الموجودة ماتشتغل

إقتباس


	يصدمك الواحد وينزل وهو ينفخ عليك

اي والله والمشكلة يجيك مشوت في الحارة كأن الشارع شارعه ويقعد يزعجك بالبواري حسبي الله عليهم هالاجانب المصاريا والسواريا

وعندك ابويمن في الطايف كنت راجع من مكة واقف عند اشارة ما ادري الا اللي يصدمني من ورى نزلت قلت خير ماتشوف؟

رد علي بوقاحة ياخي انت اللي واقف في الشارع

دلع-20 · #3 22/05/2007, 03:40 PM

مافيه اي وجه مقارنه بين الدولتين

ليس في المقومات الماديه ,, بل المعنويه

عندنا ندرس علشان نفرغ على ورقه الاختبار وبعدين فورمات للمعلومات الموجوده

ومن ناحية الانظمه احنا أكثر دوله ماتعرف الانظمه من البيت للمدرسه للجامعه للشارع للمجمعات حووسه بحووسه أهم شي نفسي تشوف لوحة ممنوع التدخين يقراها اتوقع انه يقراها بالعكس "أرجوا التدخين"..!

تشوف هذه سلة مهملات يحط اغراضه جمبها..؟

كيف تبينا نتطور وفيه مثل هالاشكال

اختيار موفق للموضوع ..تحياتي

إقتباس

الرسالة الأصلية كتبت بواسطة Al Qahtani 20


	بس جت على كذا رح اشيقر افلقني ان لقيت اشارة وحدة وحتى الاشارة الوحيدة الموجودة ماتشتغل

وش معني اشيقر عاد؟؟ ضاقت القرى مالقيت الا هي

D.Beck23ham · #4 22/05/2007, 02:06 PM

يصنعون ساعه في وقت الفسحه يا شيخ
(((((فاضيين ))))))) بمعنى الكلمه
؟؟؟؟

Al Qahtani 20 · #5 22/05/2007, 04:04 PM

خلاص دلع 20

اشيقر - القصب - الغاط - حريملاء - قصر بن عقيل - عقلة الصقور - الطرفية - الأسياح - المليداء - العبيلة - شوالة - الطوال - سلوى - الهلالية - البدايع (ترى شالو الاشارات منها ) - مرات - شرورة -

وان عندك زود قولي

هلالي حتى التجمد · #6 22/05/2007, 04:23 PM

^^^^^^^^^^^^^^^^^^^^^^^^^^^^^^^^

أقول أنت حدك على أشيقر ليش مهيب عاجبتك تراها متطورة أزين منك

Al Qahtani 20 · #7 22/05/2007, 04:35 PM

إقتباس

الرسالة الأصلية كتبت بواسطة هلالي حتى التجمد


	^^^^^^^^^^^^^^^^^^^^^^^^^^^^^^^^ أقول أنت حدك على أشيقر ليش مهيب عاجبتك تراها متطورة أزين منك

ياخي انت الظاهر ماشفت ردي

قال كاتب الموضوع اليابان مافيها اشارات

قلت شف اشيقر مافيها اشارات يعني شي موجود من زماااااان قبلهم

عاشـ الزعيم ــق · #8 22/05/2007, 04:30 PM

اقوول خلني اصنع طيـآره من ورق على شـآن اصنع سـآعه الكترونيه هع هع

LM-10 · #9 22/05/2007, 04:36 PM

احنا ننتظر الفسحه عشان نعبي بطونا وهياط و ..............

ووالله فااضين

dal3_uae · #10 22/05/2007, 04:36 PM

يعطيك العافيه على الموضوع

ويقولون انه في اليابان والصين ما عندهم كلمه لا

يعني تسأل واحد سؤال واتكون اجابته لا ما يرد عليك يسوي حركه بيده تفهم انه لاا وإن سوو الحركة بيدهم ما يطالعونك بعيونهم يعني عيونه في صوب وايده في صوب يستحي يقولك لا

يعني في قاموسهم ما في شي مستحيل كل شي يقدرون يسوونه وحتى لو كان مستحيل

أما احنا العرب اي سؤال يسألونه إياه على طول انجاوب
لا
ما أقدر
ما يستوي
وغيرها وغيرهااا

هلاليه@ميلانيه · #11 22/05/2007, 05:03 PM

آآهـ ياليابان

وتلوموني بحبها

اتحداكم تلقون ناس مثل اليابانيين ولا ديرهـ مثل اليابان

والاعضاء يتطنزوون ويقوولون هلاليه@يابانيه مايدرون أني برفع راسي وافتخر بهالديرهـ

ههههههههههههههههههههههههههههههههههههههه

أمزح أمزح خلاص عااااد الحين تمسكونها علي مرهـ وحدهـ :p

على العموم ياليتنا لو نصير ربع ذكائهم بس ربع

عواافي على الموضوع

وهذا موضوع من مواضيعي فيهـ كل شي عن اليابان

http://vb.alhilal.com/showthread.php?t=389849

الكناري الأزرق · #12 22/05/2007, 04:56 PM

و عليكم السلام و رحمة الله و بركاته

إقتباس


	يصنعون ساعه في وقت الفسحه يا شيخ (((((فاضيين ))))))) بمعنى الكلمه ؟؟؟؟

من جد فاضين الواحد الزم ما عليه (( بطنه )) ,,
ليش نشتغل الشي يجينا لحدنا حنا (( مسلمين )) مو لازم نتعب

####

عزيزي ..
اليابان بلد يعمل فـ (( يحصد )) ..
مثل الفلاح تماما .. يزرع لكي يحصد نتاج عمله (( نهاية السنة ))

و يقول المثل (( من جد وجد و من زرع حصد ))

لكي نلحق باليابان ينبغي اولا ان نغير عقولنا و تفكيرنا

سالفه اني سعودي و ما اشتغل يبي لنا نغيرها

####
(( عفوا )) لن اتكلم عن كيفية الاصلاح لدى السعوديين بل استكلم عن كيفيه اصلاح (( امه ))

الامه تحتاج الى الاتحاد لتعود من جديد
تحتاج رجل حازم يقود الامه و لا ينظر يمنة و لا يسرة رجل لا يهاب المخاطر <== دور بسواقين التاكسي

تحتاج رجل كـ (( عمر بن الخطاب رضي الله عنه ))
يجب اولا ان نصلح ذاتنا لتعود امجادنا

استاذنا اليوم يتكلم عن (( الاندلس ))
يقول ارسل ملك " الروم " او " فارس " لا اعلم بالضبط من ..

المهم ..
ارسل هذا الملك رجلا الى المسلمين ليتفقد احوالهم
فوجد (( طفلا )) يبكي و بيده قوس

قال الرجل لم تبكي ايها الطفل ؟!
قال الطفل رميت بالسهم فلم اصب بدقه فأخاف ان حاربنا الكفار ان لا استطيع ان اصيبهم بإحكام

فرجع الرجل الى ملكه و قال /

(( المسلمون )) مثل ما كانوا ثابتين و على منهج الله و رسوله سائرين
فلا تغزهم الان , يجب ان تلهي هذه (( الامه ))

فبدأ (( ملك الروم )) يرسل الجواري الى المسلمين
و ينشر الغناء بين الارجاء

حتى انتشر (( الفساد )) و (( ضاعت البلاد )) !!
فأرسل ملك الروم نفس الرجل ليتفقد احوال المسلمين

فوجد شابا يبكي
قال ما بالك تبكي ؟ قال الشاب (( لقد تخاصمت مع عشيقتي و هي الان غاضبه علي ))
فرجع الرجل للملك و قال حان الوقت لغزوهم

فغزا المسلمين و استولى على الاندلس
و اصاب (( المسلمين )) ضعف الى يومك هذا

فلو عادوا , عادت الامجاد و (( وفقنا )) رب العباد
هذا لو عادوا

السلام مسك الختام

O.s.A.m.A · #13 22/05/2007, 05:34 PM

مشكور أخوي ع الموضوع الياباني الجميل

لكن مع هذه الاشكال الموجودة عندنا ((((احلم)))) تصير مثل اليابانيين وغيرهم

تحياتي؛؛؛؛

ابو طـــــلال · #14 22/05/2007, 06:56 PM

هلابكم والله جميعا .. وشكرا لحضوركم وتفاعلكم مع هالموضوع الياباني

وانا مانيب صاير ارداء من هاليابانيين .. وهالمره ابترك الخرط الفاضي وباختصر

واجرب الرد بالياباني

Al Qahtani 20

D.Beck23ham

دلع-20

هلالي حتى التجمد

عاشـ الزعيم ــق

ـهلاليـ

dal3_uae

الكناري الأزرق

هلاليه@ميلانيه

( شكرا على وضع رابط موضوعك عن اليابان .. بصراحه متعوب عليه ويعطيك العافيه اختي )

الزعيم osams ;)

وللحديث بقيه .. ولنا عوده ان شالله ( مع تحيات ابو طلال المتبينن

)على وزن المتسعود

Mr.DL5 · #15 22/05/2007, 07:08 PM

يجيب الله مطر ..!!

تخيلوا الطلاب في الفسحة يصنعون ساعات

!!

ولي عودة باذن الله للتعليق على الموضوع

!!

بـــــرب