فكرة رائعة

فكره ممتازة...
ويا ليت ترسلونها للجمهور عبر جوال الهلال اذا اعتمدت النشيد..

مشكورين على التفاعل جميعا

وتقريبا هناك شبه إجماع على الفكرة

لذلك.........

بقي الأهم وهو تفاعل مجلس الجمهور

وبالنسبه للكلمات كتبتها بسرعه فقط لإيصال الفكره


وأتمنى أجد كلمات جيده قوية وحماسية,ومحبين الزعيم فيهم الخير والبركة

وبسرعه لاتنسرق الفكره من الأندية الأخرى

هلا وغلا

زعيمه

بالفعل فكرة رااائعة

وشعراء الهلال فطاحل

ومن السهل التعاون معهم

تسلم أيديك

إقتباس الرسالة الأصلية كتبت بواسطة زعيم شمالي هلا وغلا زعيمه بالفعل فكرة رااائعة وشعراء الهلال فطاحل ومن السهل التعاون معهم تسلم أيديك

الله يسلمك أخوي

صحيح

اول شي مشكوره ع الموضوع .. ثانيا الفكره قديمه وسبق ان طرح الفكره احد الاعضاء ووضع نشيد خاص للفريق وكان بالفصحى بعد.. لذلك اتمنى منك الرجوع للموضوع والاستفاده ...

اما بخصوص التطبيق فمثل ماذكر احد الاعضاء انتي ورا الشاشه ومنتي شايفه اللي بالملعب .. ربعنا في الملعب يبي ياكل فصفص ومايبي ازعاااج.. وكم مره تصير هوشه بسبة التشجيع .. والسبب يقول مانبي ازعااج ... لذلك اتوقع نحفتظ بالافكار.. الين ماينقلون استاد الملك لشمال الرياض ..

تحيـّـــتي

[quote=البــــــــــرواز;5385420]

إقتباس اول شي مشكوره ع الموضوع .. ثانيا الفكره قديمه وسبق ان طرح الفكره احد الاعضاء ووضع نشيد خاص للفريق وكان بالفصحى بعد.. لذلك اتمنى منك الرجوع للموضوع والاستفاده ..

.

والله مشكله اذا في أحد طرح الفكرة من زمان والين الحين محد نفذها

وأعتقد ان الإستفادة بتكون أكثر اذا تناقشنا وعدلنا على الفكرة واخترنا النص الأفضل

وطريقة تنفيذها ووقتها والحركات المصاحبة للنشيد

وأي أحد متحمس للفكرة

يشارك

إقتباس اما بخصوص التطبيق فمثل ماذكر احد الاعضاء انتي ورا الشاشه ومنتي شايفه اللي بالملعب .. ربعنا في الملعب يبي ياكل فصفص ومايبي ازعاااج.. وكم مره تصير هوشه بسبة التشجيع .. والسبب يقول مانبي ازعااج

والله هذا دوركم انتو يالشباب احنا البنات فكرنا وسوينا الي علينا ...والي مايبي ازعاج ترى يمدحون التلفزيون

إقتباس لذلك اتوقع نحفتظ بالافكار

ليش؟بالعكس لازم نطرح أفكارنا والباقي على مجلس الجمهور

إقتباس الين ماينقلون استاد الملك لشمال الرياض ..

مافهمتها
تحيـّـــتي

فكره راااائعه اختي
وياليتنا نقدر نحضر الملعب كان رددنا النشيد انا وانت خخخخخخ
ومشكووووووره

النشيد الي قلته حلو
لو يقوله الجمهور والله يصير شئ خيال
مع الوقت يحفض وهو سهل ما يبيله شئ

فكره رررررررررررائعه نتمنى منمجلس الجمهور تبنيها

يا هلال عزك عزنا يا هـــــــلال

هذا احسن نشيد ولو يزودون عليه بعض الابيات على نفس القافية <== صارت قصيدة

فكره رائعه ياليت نسويها

والاهم يكووون حماسي


وبالتوفيق للهلال ان شاءالله

إقتباس الرسالة الأصلية كتبت بواسطة زعيمه قديمه . والله مشكله اذا في أحد طرح الفكرة من زمان والين الحين محد نفذها وأعتقد ان الإستفادة بتكون أكثر اذا تناقشنا وعدلنا على الفكرة واخترنا النص الأفضل وطريقة تنفيذها ووقتها والحركات المصاحبة للنشيد وأي أحد متحمس للفكرة يشارك

نعم الفكره طرحت واتوقع صفحات الموضوع وصلت لـ7 صفحات وكلهم مؤيدين ونصّ النشيد بالنسبه لي اعجبني مره ولو انه في كسر في بعض الابيات لكن للاسف ماطبـــقت الفكره .. واتمنى انك تقتبسين النشيـّــد وتدعمينــــّــه في موضوعك..

إقتباس والله هذا دوركم انتو يالشباب احنا البنات فكرنا وسوينا الي علينا ...والي مايبي ازعاج ترى يمدحون التلفزيونليش؟بالعكس لازم نطرح أفكارنا والباقي على مجلس الجمهور مافهمتها تحيـّـــتي

مهما طرحنا الافكار ماراح تتنفذ بالشكل المطلوب.. انتي شفتي الاستعدادات الجباره قبل مباراة بختاكور .. وش طلعنا منه.!! الشباب سوّوا اكثر من عشر مواضيع ومجلس الجمهور بعد .. عشان نوصل لشي واحد وهو انه نخلي المدرجات لون ازرق وابيض.. وللاسف فشلوا مع العلم اننا الى الان نحاول نزبط الحركه ع المدرجات اللي تحت ماوصلنا للي فوق..وفشلت كل الطرق..


اما بالنسبه انك تقولين دوركم يالشباب اننا ننصح.. اول شي اتمنى اني اصور لك اللي نشوفه في الملعب عشان تقتنعين .ابذكرلك عينـّـــات:. ناس تدخل وهي مسطـّـــله واعتقد ان كلمة تسطيل مايبغالها شرحّ ..

واحد يجمع لك 6 من اخوياه ومسوّي قدامهم فلـّــته ويقعد يستلم العالم ولارفعوا الشباب لوحه زرقاء رفع بيضاء يستخف دمه ...غير الفصفص اللي ينرمى عليك من فوق

فئه جايه تدور الطيران والرقص واظنك شفتيهم في مباراة بختاكور يهزون شعورهم ..

فئه اتوقع محد ذكرها او الكل يستحي يذكرها بس وهي فئه فيهم شذوذ جنسي ومايحتاج اكمل .

كله كوم والي جاي مايبي ازعاج كوم ثاني.. حتى والله العظيم وصلت انهم يدعون على ابراهيم حقوي بسبة المكبرّات.. مسويتلهم صداع

لانصحتي احد من العينات اللي قلتها لك وش تتوقعين ردة فعله ...^_^