|
استفسار لأهالي العاصمه السلام عليكم اخواني بما اني من خارج مدينة الرياض وبحضر النهائي ان شاء الله .. ودي استفسر عن بعض الأمور : اخواني ودي اعرف اولا هل الكميرا الفوتوغرافيه ممنوعه او لا ؟؟ وانا ودي اكون بواجهة الملعب .. اي بوابه تدخل على واجهة الملعب ؟؟؟ والاستفسار الاخير متي تباع التذاكر .. وكم سعرها ..؟؟ واعذروني اذا ثقلت عليكم لاكن حبيت استفسر منكم لا اقل ولا اكثر .. والرحله ان شاء الله صباح الخميس .. وبإذن الله اللقب هلالي |
الكاميرا ماادري هي ممنوعة ولا لا لكن واجهة الملعب بوابة 23 التذاكر تباع يوم الاربعاء في ملعب الملز وفي النادي |
والله ما راح يخلونك تدخل بها وعندك الجوال تقدر تصور به وحياااك الله بالرياض (( الرياض حلوه بس نفهمها )) |
يعطيكم العافيه يا الغالين .. ماقصرتوا |
الشباب ماقصرو كفّو ووفو .. بس بزيد على كلامهم شي واحد بس اذا انت ناوي تجلس في الواجه لازم تجي من قبل العصر في الملعب .. تحياتي لك .. |
طيب أسعار التذاكر كم ؟؟ |
أهلاً وسهلاً فيك اخوي في العاصمة الرياض إن شاء الله نستمتع معك في درة الملاعب وإن شاء الله نبارك لبعض بعد نهاية المباراة قيمة التذكرة 20 ريال فقط لجميع المدرجات عدآ المنصة . |
ولله يا اخوي كل شي ممنوع في الرياض حتى القلم يمنع لكن نقول جبها يمكن تطيح في عسكري حبيب ويدخلها والله يوفق الهلال |
اهلاً فيك بالرياض وانشاالله الكاس هلالي والزعماء ماقصرو بالرد |
تحت شعار ((الرياض حلوة ، بس نفهمها)) حياك الله زعيماً بين أخوانك الزعماء أولاً تاصل بالسلامة أنصحك لا تجيب معك أي شي لا قلم ولا كميرة ولا ولاعة ، فقط جوالك ومفاتيح السيارة إن وجد وإن كنت شخص صاحب مزاج وراعي تتن = دخان ، فأحضر بدلاً من الولاعة كبريت |
ازيد على كلام الاخوان الكاميرا عادي تدخل بها وانا كل مباراة ادخلها عادي |
على العموم والله ما قصرتوا بس أنا أول مرة أجي للرياض وللملعب وكل هذا لعيون الزعيم على العموم ان شاء الله نحتفل بالكاس بعد اللقاء ... |
حياااك الله بالرياض بس احضر بدري الساعة (5) تكون هناك ضروري 0 |
| الوقت المعتمد في المنتدى بتوقيت جرينتش +3.
الوقت الان » 11:54 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd