ابي مساعدتكم يا اهل شرق الرياض الي يدرسون بمدرسه اهليه السلام عليكم ورحمة الله وبركاته ياشباب السنه الجايه ابسجل في اهليه وابيكم تدلوني على اهليه بشرق الرياض وياليت من الي يعطون الدرجات ابي معدل وياليت كم سعر السنه ووشرايكم بالوسط الي بحي السلام وشكرا لكم.......... |
التربيه النموذجيه كويسه وفيها دف وهي في شرق الرياض وحول 10000 تقريبا تشـــــــــــاو |
نصيحه مجرب .. انا الحين في ثالث ثانوي .. وساكن شرق الرياض .. والله ما ينفعونك كثر ما تنفعك المدرسه الحكوميه .. والله دف ما تتصور .. تخيل الكمياء كلهم 20 والفيزياء كذالك والاحياء و الرياضيات ! والانجليزي المشاركة كامله .. ويدبل درجه الاختبار ! والله ولا مدرسه اهليه .. فنصيحه مجرب اخوي .. الحكوميه افضل :) .. والاهليه دجه وقلق وطلاب يجيبون الهم ! وانا كنت بسجل في اهليه بس درت الشرق كله ! قسم بالله مزبله مو مدارس ! لا مدرسين ولا طلاب مع احترامي ! فنصيحه مجرب خلك في الحكوميه افضل لك :) .. |
شاكر لك مرورك |
شاكر لك مرورك ونحن بنتضار الجزء الثاني من روياتك |
عندكـ مدارس الامجااد الاهليه اللي بحي الحمراء بجانب حي الروضهـ تبي تنجح وتبي درجات ونسبه حلووهـ سجل فيها انا مادرست فيها بس أخواني كلهم فيها وماشاء الله درجاتهم حلوهـ وأنا أخبرهم داجين طالعين علي :d انت لو تقول لنا وين بالضبط بشرق الرياض أحسن بررب |
اخوي اذا تبي اي خدمه بالشفاء انا حااضرين :D <== داخل عرض |
لا حول ولاقوة الا بالله يااخي فكر في شهادتك اذا نجحت من الثانويه هل هي حلال ولا حرام؟؟؟ الله يوفقك تحياتي... |
ام القرى تعطي درجات وانت مغمض |
ثانوية المدائن بالعريجاء انواع الزحف اذا تبي تدج ادرس بها. بس كان فيها نظام ولا كلية عسكرية...حلق شعر ...وطق..وتمارين اذا تاخرت...انا اشهد انها خرجت رجاجيل <<<<< يبي يمدح نفسه واحسن مافيها قربها من نادي الهلال |
التربية النموذجية مع اني ما عمري طبيتها بس والله ناس واجد يمدحونها ..!! |
شكرا لكم وشكلي خلاص بروح للوسط |
الـتـربـيـه الـنـمـوذجـيـه !! |
هلا بك يالمنحكر :) شوف طال عمرك السنه الجاية على حسب خبري بتكون الاسئلة من المدرسة فهذا شئ من صالحكم اكيد بس الوكاد والله العالم ان القدرات بيصير له نسبة اكبر في المعدل لمكافئ يعني بدل ماتكون 30% كما هي الان بتصير 50% .. وهذا اكيد موب في صالحكم .. ادري اني شطحت عن الموضوع الاصلي خخخ بس هذي نصيحة مني لـ إلك .. رح لمدرسة اهلية وشد حيلك ولا تعتمد عليهم .. يعني ذاكر واستفد من مذكراتهم ولا تقول انا دارس بفلوسي وياخذ الدرجات وانا نايم ... انتبه لا .. وبالنسبة وش انصحك فيه بالمدارسة الاهلية بشرق الرياض .. اذا كنت من سكان حي الخليج والنهضة والاندلس والملك فيصل فأنصحك بـ الامجاد لانها قريبه من هذيك المنطقة .. واذا كنت بالروضة 1 يعني قريب من خريص فأنصحك بالتربيه النموذجية .. هذا ماعندي والله أعلم .. :) |
شكررا للجميع بس ماحد عطاني خبر لمدرسة الوسط |
والله أنا أعرف أنه مدارس الخليج الي في حي العلياء حلووهـ <<<<< أخووي يدرس فيها :D حنا في شرق الرياض,, بس هو يروح لها هناك كل صبح عشان اصدقائه كلهم هناك :p أما بالنسبه لمدارس الوسط ولد خالتي وبنت خالتي يدرسون فيها ويقولون أنه زينه ومدرسينهم محترمين لكن طلابهم مادري الظاهر أنهم دجه حسب ماسمعت لكن تختلف درجة الهبال من بين فصل وفصل ثاني :D تحياتيــــ:) |
شكرا هلاليه ميلانيه واخوك فاضي يوم يروح لعليا كل يوم خخخخخخخخخخخخخخخخخخخخخخخخخخ والله مشوار مو مدرسه وظيفه |
اخوي حكر.... انا دارس السنه الي راحت بالبيارق بجنب الوسط على طول:p والصراحه خوش:D مدرسه بس يبيلها شده خصوصا مع المدير لأنه شديد شوي والوسط بصراحه ماسمعت عنها الا كل شر هههههه:D .. رح للبيارق وشد حيلك ترا مانت شاري الدرجات يبيلها اجتهاد شوي ...على العموم احس اني طولت لكن اذا دخلت البيارق ارسلي على الخاص واضبطك مع المدرسين s60s <<<مشبك المدرسين حقين الأدبي والعلمي :D ترا بس لأنك هلالي لاتنسى ترا المدرسه مثل الحكوميه بالشده بالتاخر والغياب وتقبل تحياتي |
يعطيك العافيه s3odi بس والله شكلي راح اروح للوسط |
وين فيه شرق الرياض وش الاحياء الموجوده عشان اقولك اي مدرسه؟؟؟؟؟؟؟؟؟؟؟؟؟ |
والله الارقم الاهليه حلوووه انا الحين ادرس فيها ثالث ومكانها ورا مكتبه جرير |
الارقم زينة بس كنها حكومية درجات بالغصب تاخذها خوينا يبي مدرسة تدف درجات وهذي تحصلها بالنموذجية والامجاد ويمكن بالوسط بس لعلمك النموذجية السنه بـ 15000 ريال سعودي فقط <-- يا بلاش خخخخ توكل على الله ورح للوسط مع اني ماعرف وين تقع ذا المدرسة بس شكلك متعلق فيها :) |
إقتباس:
والله هالسنه فللللللللله الارقم انا جايب 98 قولو ماشاءالله :D والشهريه الحين كاامله قولو ماشاءالله بعد :D باقي الوزاره الله يعين:upset: |
إقتباس:
لا اخوي 14000 ريال :d |
,, حياكـ اخوي .. انا متخرج من الوســـط .. ممتازة جدا ويدفون على كيف كيفــكـ .. وعندهم وكيـــل يقال له (ابو حزام) وربي ماتلقى مثله بالعالم .. انا مجرب صدقني .. ,, الله يوفقكـ للي فيــه خير لك .. |
اشكركم ومحتاجين نصايحكم |
الوسط مادري عنها بس ادرس بحكومية واقضب ارضك والله انا دخلت واحد يختبر بدالي في حكومية وجاب الدرجة كاملة مع انه كبير لانه بلبل انجليزي ولا احد درى ونجحت بممتاز والحين ربي بلاني بدون وظيفة من سنتين وانا عاطل نصيحة لا تحاول تسجل في اهلية لان فيها تساهل كبير وخل ربي يرزقك حلال ولا يرزقك حراااااام تكفى لا تهمل النصيحة |
إقتباس:
انا سجلت واحد من اولاد خالتي فيها ودفعنا 15000 ريال فقط لا غير :) بس يمكن السعر اللي عندك تخفيض لاني سمعت اللي عنده اخو بنفس المدرسة يعطونه تخفيض .. دمتمـ |
إقتباس:
بـس اخـو ؟ ,, اخـوانـي كـلهـم كـانـوا فيـهـا :D بـس كـلهـم تخـرجوا ,, بـس انا اكـبر وحـدهـ الـلي ادرس فـي مدرسـه :D |
إقتباس:
اقسم بالله مايدفون ومن جنبها .. فيه مدرسة بالنسيم اسمها ام القرى انواع الدف .. اما التربية اذا كانت على الدرجات ما انصحك فيها . واذا تبي اخويا يعني فله التربية .. ( طالب من طلاب التربية النموذجية ) |
والله يالحبيب فيه الشورى هبال وضحك وسعه صدر ودرجات بعد ولا يفوتك مدرس الكيمياء والله ان تكره عمرك اذا درسك |
إقتباس:
مسكه الخدمه متعب ههههههههههههههههههههه |
اقول والله صادق اخوي فزاع لاتتعدى الحكوميه !! وتحمل انت كلها سنه ومعديها ان شاء الله وتكون اخذت شئ بجداره مع ان الحكوميات والله متساهلين ومايقصرون .. لكن اذا تبي مدرسه حلوه وشخصيه وتعاون مع الطلاب فلاتفوتك مدارس دار العلوم او حول الاسم ذا مافيه مثلها على كلام الشباب اللي فيها طبعا هي بحي الفلاح مدري حولكم ولا بعيده .. إقتباس:
الله يذكرك بالخير ......اه مدراس الامجاد احد اقاربي يدرس فيها الان ومره اتصل علي وقال مرن ماهو فيه السواق !! :yes: انا عجاز وقلت يابن الحلال ماعنده احد وانا ماعندي شئ خل اروح اجيبه والله واروح يمه واقعد اكحل :D :D .. والله يركب قلت مابه احد يبين اوصله >>> ماهب كله حرص :D المهم واوديه ومن بكرى بعد الظهرماسك الجوال احتريه يدق وعاد هو طووول والله وادق عليه قلت هاه فيه احد يبي يجيبك قال ايه مشكور فيه السواق ومعي ولد جيراننا .. قلت عادي تسان تبين اجيبكم ماعندي شئ فاضي :D :D .. |
من زينها ذي الوسط الظاهر محد يعرفها إلا انت عشان كذا ما عطوك خبر |
إقتباس:
والله انكـ صادق .! __________________________ والله لا أهلية ولا غيرها تنفعك .! والحكومية ما في أزين منها .! مدرسين فاهمين وحسوا بمعاناتنا من قبل ، عشان كذا والله انهم يدفون دف غير طبيعي ;)! نصيحة لا تغامر وتضيع فلوسك في أهلية ما تسوى سـ لآ ـمـ |
والله ياخوي مدارس الابتكاريه تدفك دف ملعون خير تخيل الفصل الاول جايب 96.65ومع الدف جبت 98بدون ايعاده ولا ايشىء نصيحه لاتفوتك الابتكارية والامجاد |
والله من التفكير الي فيكم والنصايح الزينه:mad: ثالث ثنوي يعني تذاكر زين وتشد حيلك وتفهم الدروس عشان تجيب درجات:mad: تبغون درجات بالساهل:mad: مافيه:mad: >>> عسى ماشر اختي:D اتكلم جد:mad: دور المدرسه الي فيها اساتذه زينين:mad: لان لو بتقعد تقول مين يدف ومين مدري ايش صدقني بتضيع:confused: والدرجه لما تشوفها بالاخير انها من جهدك وتعبك وهذا انجازك بيكون طعمها غير :) كثرت من ال>>:mad: صح:D بايو:p |
اخص يالقويه ياتغريد ايه عصبي عليهم ههههههه المهم ياخوي شف عندك الشمس ماعليهآ .. وعندك الابتكاريه بعد فيه ناس يمدحونها .. بس الوسط ماعمري سمعت فيها .. سمعت عن الهجوم ورأس الحربه بس اللي يعلب فيه ياسر هههههه وبالتوفيق |
بعد مراجعة نفسي .. :) اقول دوّر لك مدرسة زوينة فيها مدرسين طيبين من عوايل طيبه لووول اذا تبي الدف بالاختبارات والدرجات صدقتي بتاكل هوا بالجامعة مافيه دف ولا هم يحزنون .. فالنصيحة عوّد نفسك على المذاكرة الحين ومافيه مقابل بدون جهد ... الا اذا كنت ناوي على العسكرية فهذي شئ ثاني :) |
مدرسه العليان الحكوميه مافيه احسن منها متخرج انا منها من سنتين والله الى الحين وهي يمدحونها موقعها حي الروابي مقابل معهد حرس الحدود بالتوفيق |
انا بقولك عن مدره فيه ترجيف مو دف بس وهي الامجاد الاهليه على طريق الملك عبدلله بس فيهاا عيبين فقط 1- وكيلهااا وهو توونسي تعاامله زفت 2- الطلاب فيهاا كثير لاكن الدرجااااات بل هبل يعطوونك وانا متخرج منهااا |
انصحك بثانوية شمس تلقاها فيها كالآتي/ انسى شي اسمه دراسة ( ازبن ولا احد يدري عنك) + دف + تغشيش داخل قاعة الاختبار = نسبة فوق الـ90 |
الوقت المعتمد في المنتدى بتوقيت جرينتش +3.
الوقت الان » 01:23 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd