ثقة زايدة !! اهتمام بــ لاعب واحد !! الجمهور بين نارين !! ما هذا يا زعيم اسيا !! - نادي الهلال السعودي - شبكة الزعيم

Mr.DL5 · #1 26/05/2007, 07:23 PM

بسم الله الرحمن الرحيم

مساكم الله بــ الخير اعزائي عشاق الزعيم ..

صراحة وبكل عقلانية اتوقع ان يذهب نهائي الدوري ادراج الرياح ..

الهلال غير مهيأ تماما للفوز بــ اللقب وايضا غير مؤهل بــ ان يلعب على مباراة نهائية ..

الهلال وجماهيره مشتتين .. بين التجديد مع عمر الغامدي وبين مكان اقامة المباراة النهائية وبين المعسكر الي قرب موعد النهائي وهو ما بعد تم الالتحاق به و بين التائب و الاتحاد الليبي وبين قضية ياسر القحطاني مع المزورين وبين تفاريس والعروض الي جته من الدوري البرازيلي والقطري وبين العروض الي جت باكيتا ... الخ ..

تخيلوا كل هــ المشاكل في النادي حايره وما لقت من يحلها مع ان النهائي بقى عليه 6 أيام ..!!

انا اقول لكم وبكل صراحة الله يستر بس من هــ النهائي والله يعديه على خير ..!!

انا كــ مشجع ومحب للزعيم حاط يدي على قلبي .. النادي الحين كل همه لاعب واحد ..

التائب راح التائب رجع الاتحاد الليبي وافق الاتحاد الليبي رفض ..!!

طيب ليه كل هــ الحوسه ..

راح التائب الله يستر علينا وعليه والله يوفقه ان شاء الله ..

الفريق فيه 10 لاعبين راح يمثلون الهلال ... ليه حاطينهم على جنب وكل همنا التائب ..!!

انا ما انكر انه علامة فارقة في الفريق لكن خلونا نهتم ببـاقي اللاعبين ...

انا كــ لاعب واشوف كل اهتمام الادارة في لاعب واحد بس احس اني مقصر في الفريق ومقصر مع الجمهور .. وراح اشغل عقلي طول هــ الايام الجاية وش انا مسويه عشان ما يعاملوني مثل التائب ..

كلنا محترفين وكلنا لاعبين وكلنا نخدم الزعيم ليه كل هــ الاهتمام في لاعب واحد ..

يعني استغرب من الادارة الهلالية هذا الجفاف مع باقي اللاعبين ..

هي كلمة وحدة نحتاجها من الاتحاد الليبي نعم او لا ..

والسالفة وما فيها ما تحتاج هــ الزحمة كلها ..

وزي ما قلت راح التائب الله يوفقه ويسهل دربه مع منتخب بلاده ..

بدال ما ندور البديل ونجهزه قعدنا نبكي على عدم السماح لــ طارق التائب بــ اللعب مع الهلال في النهائي ..

الادارة ساكته ... المشاكل تتراكم على النادي والادارة تلتزم الصمت ..

الغامدي ليه ما تم التجديد معه حتى الان .. التائب وتفاريس وردريقاو

ليه ما تم التجديد معهم للموسم المقبل ..!!

الجماهير تنتظر التوضيح من ادارة النادي من سيقود الرابطة بدال المدعو ابراهيم حقوي ..

من سينضم مدرجات الزعيم في النهائي ..!!

الجماهير فيها ثقة عميا ان راح نرقع الاتحاد .. انا ما اقول لا تتفائلون لكل تفائلوا بعقلانية ..

كل هــ المشاكل في النادي والاتحاد موب النادي السهل حتى نستهين فيه ..

وخلو نهائي الموسم الماضي عبرة لنا ..!!

انا كتب هــ الموضوع ابي ادارة النادي توضح لنا وش السالفة داخل النادي ..

لانا على نهائي و ما نبيه يضيع منا ..

اخر الكلام ..

الـــــلـــــه يــــســـــتـــــر ..!!

حمودي99 · #2 26/05/2007, 07:31 PM

مشكور أخوي على الموضوع الرائع

[ Prince Tariq 14 ] · #3 26/05/2007, 07:35 PM

كلام جميل جداً ,,

ونقطه خلافي معاك .. بطارق .. طارق يستاخل كل هالضجه الاهلاميه .. لانه فقط التايب ..

وبالوقت هذا بالتحديد .. التايب هو شايل الوسط شيل .. ومهم جداً .. والحمد لله انه رايح يلعب ..

وإلا سنفقد المتعه .. ويارب نحقق البطوله ..

سور الهلال العظيم · #4 26/05/2007, 07:36 PM

مو اي واحد انت

لي عوده حق موضوعك ان شاء الله

;)

غامد والقلب جامد · #5 26/05/2007, 07:36 PM

كــلاام أكثــر من راائــع مشكور أخوي

Mr.DL5 · #6 26/05/2007, 07:41 PM

إقتباس

الرسالة الأصلية كتبت بواسطة [ Prince Tariq 14 ]


	كلام جميل جداً ,, ونقطه خلافي معاك .. بطارق .. طارق يستاخل كل هالضجه الاهلاميه .. لانه فقط التايب .. وبالوقت هذا بالتحديد .. التايب هو شايل الوسط شيل .. ومهم جداً .. والحمد لله انه رايح يلعب .. وإلا سنفقد المتعه .. ويارب نحقق البطوله ..

طيب وباقي اللاعبين ..!!

انا ما قلت شي نهتم بــ التائب وسالفته مع الاتحاد الليبي وايضا نهتم في باقي اللاعبين ..

وانا ما انكر ان التائب مبدع وشايل الوسط شيل ..

لكن ايضا اطالب بـ بعض الاهتمام ببقية اللاعبين ..

والله يعطيك العافية يالغالي على المرور ..

رائع · #7 26/05/2007, 07:45 PM

والله كلامك سليم اخوي انا اتفق معك في كل نقطه تكلمت عنها خصوصا الرابطة وايضا موضوع البرنس لان الهلال حمل في سجله 45 بطولة بدون البرنس وهذا لا يقلل من حجم التايب ابدا ولكن اي فريق يعتمد على لاعب معين لن ينجح

عـ 15 الثنيان ـاشق · #8 26/05/2007, 07:51 PM

موضوع التايب اخذ اكبر من حجمه في الاعلام عاد انت تعرف الاعلام عندنا كيف ما صدقو في سالفة كل واحد يئلف من عنده و يكبر السالفة

ما اقول الا حسبي الله و نعم و الوكيل

Mr.DL5 · #9 26/05/2007, 07:52 PM

اخر خبر وصلني ان الاتحاد الليبي ارسل خطاب للادارة الهلالية يشير الى الموافقة على مشاركة التائب ..

[ Prince Tariq 14 ] · #10 26/05/2007, 07:57 PM

إقتباس

الرسالة الأصلية كتبت بواسطة MR.DL5


	طيب وباقي اللاعبين ..!! انا ما قلت شي نهتم بــ التائب وسالفته مع الاتحاد الليبي وايضا نهتم في باقي اللاعبين .. وانا ما انكر ان التائب مبدع وشايل الوسط شيل .. لكن ايضا اطالب بـ بعض الاهتمام ببقية اللاعبين .. والله يعطيك العافية يالغالي على المرور ..

طيب .. لو غاب العنقري .. مارايح نذكره اصلا ً .. رياح نقول الله يحفظك .. لانه

لو غاب ياسر .. رايح تكون ضجه حالها حال طارق ..

عموماً آسف ع الازعاج .. ويارب يشارك طارق ..

Mr.DL5 · #11 26/05/2007, 08:07 PM

إقتباس

الرسالة الأصلية كتبت بواسطة [ Prince Tariq 14 ]


	طيب .. لو غاب العنقري .. مارايح نذكره اصلا ً .. رياح نقول الله يحفظك .. لانه لو غاب ياسر .. رايح تكون ضجه حالها حال طارق .. عموماً آسف ع الازعاج .. ويارب يشارك طارق ..

ما اقول الا يااااارب يشارك طارق التائب ..

والف شكر لك يالغالي على المرور ..

9 إنت محبوبي 9 · #12 26/05/2007, 08:23 PM

تصدق بديت أشك إن الهلال راح يلعب نهائي يوم الجمعة

لا إستعدادات لمجلس الجمهور

ولا رسائل من اللاعبين لجوال الهلال موجه للجمهور

ولا مواضيع من اللاعبين مكتوبة في الموقع يدعون فيها الجمهور

ومشاكل كثيرة في النادي

ذهاب باكيتا وذهاب تفاريس وعدم التجديد لعمر والمشاكل هاذي ما طلعت إلاقبل النهائي بأسبوع

تشتيت في تشتيت وربك يعين

....

اما بالنسبة للبرنس فهو راح يلعب بإذن الله

almohob10 · #13 26/05/2007, 08:24 PM

مشكوووووووووووووووووور