نادي الهلال السعودي - شبكة الزعيم - الموقع الرسمي - معاناتي مع موبايلي وخدمتهم الجديده للنت :(

السلام عليكم ورحمة الله وبركاته

أهني الشعب السعودي المعطاااا بالانترنت عن طريق الجوال واللي طرحتة شركة موبايلي امس السبت
وباسعار مقبوله بالمقارنة بالسلحفاة العجوز شركة الاتصالات
وبما أني محسوب نسمة على هذا الشعب لكن ما توفقت بهالخدمة http://82.96.75.104/Images0/Smily/sad.gif بتقولن ليش ؟؟
انا عندي شريحة موبايلي مسبقة الدفع وكانت مجدوعة ( مرميه - منطوله ) بهالدولاب له كم شهر
المهم أني نقزت وشحنتها بـ 130 ريال،، بالتمام والكمال . وأنقز وأضف لابتوبي وسيدا تحت برج موبايلي
لانه بعيد عن بيتي وهذا اللي خلان ( أجدع ) الشريحة . جيت ابفعل الخدمة عندي وادق على 1100 ولكن مامن مجيب
جربت كذا مره لكن القائمة عندهم مخبطه كل مايقولي ارعص الرقم كذا لخدمة كذا يعيد لي القائمة مره ثانية
ونمت البارح وانا منيب قرير العين وقلت الوعد بكرى ان الله أحيانا ( اللي هو اليوم )
نقزت لفرع موبايلي واسلم على الموظف واقوله ابي الخدمة الجديدة أم ميتين http://82.96.75.104/Images0/Smily/teeth.gif
قالي : ماعندنا كرت كونكت http://82.96.75.104/Images0/Smily/sad.gif
قلت له : يابن الحلال مهب لازم انا ابي تفعل الشريحة واشبك بطريقتي لاني مابي سرعة بالحيل 1.8
ماتعود الجهاز عليه وأخاف يخرب http://82.96.75.104/Images0/Smily/teeth.gif وبعدين منطقتنا مافيها تغطيه للجيل الثالث يعني ما فيه فايده بكرت الكونكت
قلت له : أني اتصلت على 1100 وبديت اسرد له الكلام اعلاه وان نظامهم مخبط .... إلخ
قال : لازم تتصل من شريحة باسم أو مفوتره ويردون عليك !! . وقام الله يكثر خيره وعطان موبايله وقال دق على 1100
وفهمهم الموضوع ، دقيت ورد علي واحد اسمه محمد واسلوبه راقي ومهذب الله يجزاه خير .
فهمته الموضوع واني ابي الخدمه لموبايلي وعطيته الرقم . لطعني الله يجزاه خير حول الثلاث دقائق
وقال : أسف ما اقدر اسوي لك الخدمة وشريحتك بدون أسم .
قلت : والحل ؟
قال: الحل انك تحدث بياناتك او تطلع شريحة مفوترة . شكرتة وسكرت الخط ، ورجعت للموظف واعطيته تلفونه وشرحت له الحديث بيننا
واطلع له البطاقة قلت الله لا يهينك حدث بيانات الشريحة باسمي
قال : ما يفيدك لانه مايصير باسمك الابعد شهر وكذا ما راح تستفيد . !!!!
قلت : والحل طال عمرك ؟
قال : لازم تروح لاحد المراكز الرئيسية بالرياض او جده او الشرقية وهم اللي يزبطون لك اللي تبي !!
طلعت من فرعهم وانا اجر واسحب اذيل الهزيمه http://82.96.75.104/Images0/Smily/sad.gif
احد صار له ما صار لي ؟ وايش نصيحتكم لي ! وهل تتوقعون أن الخدمة تصير مثل ماهو معلن ؟!
ام مجرد فقاعة صابون مثل dsl الاتصالات ومشاكله !! وهل السرعه حقيقية ؟! هذا ما سوف تكشفه لنا الايام القادمة بحول الله تعالى

م ن ق