شـرح Windows Live Safety Center [ لصيانة الاجهزة ] - نادي الهلال السعودي - شبكة الزعيم

:: S3odi :: · #1 21/05/2007, 12:03 AM

كثرت في الاوانه الاخيره برامج الحمايه ومكافحه الفيروسات وبنفس الوقت يتم تطوير فيروسات وبرامج تفوق هذه البرامج قوه وسطوه
الشركات تتنافس بسرعه
والفيروسات اسرع منهم
تعتبر شركه ميكروسوفت من اقوي واضخم الشركات العالميه في مجال البرامج
طورت في الفتره الاخيره مايعرف بـ Windows Live
راح ينسف جميع ماكان يعرف سابقاً من انظمه ووبرامج بالكامل
اخر ماانتجته هذه الشركه العملاقه موقع خاص بالحمايه وصيانه الاجهزه عن طريق الانترنت
Windows Live Safety Center مـركز خدمه وصيانه الاجهزه المباشر

من مميزات هذه الخدمه

1]فحص وتنظيف الجهاز من الفيروسات
2] وبرامج التجسس السباي وير
3] فحص عن المنافذ المفتوحه
4] تحسين الاداء لجهاز الكمبيوتر .. وذلك بفحص مسجل النظام
5] ترتيب جميع الملفات في الهارد دسك لزيادة السرعه
6] حذف الملفات المؤقته والملفات وملفات الانترنت المؤقته ... الخ
ومعرفه علماء ميكروسوفت بانه يوجد من يستخدم الاجهزه بالشكل الادني فقط
وعدم معرفتهم بكيفيه استخدام الموقع اطلقت خدمه استدعاء الصيانه لجهاز اخر
حيث تستطيع ان تتحكم بصيانه جهاز صديق لك "بدون ان تستطيع دخوله"
الموقع اضخم من ان اتكلم عنه

8
8
8
قسم اني اصلح مقدم اخبار ياعيال

شرح عن كيفيه استخدام الموقع لصيانه اجهزتكم

بسم الله نبدء

الموقع يمكنك الوصول اليه عن طريق الرابط ادناه
:: :: :: Windows Live Safety Center :: :: ::

في منتصف الصفحه راح نلاقي هالزر

نضغط على Full Service Scan

نتابع الخطوه الثانيه مثل ماراح يجي في الصوره الثانيه

راح تجينا الاتفاقيه اللي يحب يقراها للاطلاع يكملها بس طويله شويتين

في اخر الصفحه نضغط على Accept

بعد كذا ننتقل لاول الخطوات المهمه

برامج منع الانبثاق كثيره ودايم تجي في المتصفحات اذا كنت مشغلها اقفلها علي شان تبدا تحميل الملفات

بعد كذا نضغط على Install Now

راح تتبدل ايقونه Install Now وتصير مثل الشكل هذا

ننتظر لين الصفحه تنتقل تلقائي لصفحه اللي بعدها

اذا فتحت الصفحه راح تكون بالشكل هذا

نضغط على Launch Scanner

بعد كذا ينتقل فينا المتصفح لصفحه الخيارات العامه
ومنها نقدر نحدد نوعيه الخدمه المطلوبه

ومبدئياً نختار (Completa scan (recommendn
فحص كامل
بعدها نضغط على Next

بعد كذا راح تنتقل لصفحه ثانيه يبدا فيها المتصفح تحميل الملفات الاساسيه للصيانه والمسح

وراح تكون بالشكل هذا

هنا يتوقف سرعه تحميل الملفات علي اتصالك
اذا كنت ممكن يتملكون اتصال DSLتنتهي تقريباً من 3-6 دقايق كـ حد اقصي
واذا كان اتصالك دايل اب تقريباً من 10-13 دقيقه

انتظر حتي ينتهي من التحميل
ولا تضغط علي Cancel حتي لو قررت الغاء العمليه انتظر حتي تكتمل الملفات

بعد اكتمال تحميل الملفات ننتقل تلقائياً الي الصفحه الاهم وهي صفحه المسح وبدايه الصيانه

بالعاده هي اطول وقت ويحكمها حجم الملفات والبرامج الموجوده
لانه يقوم بالصيانه والتاكد من صلاحيه كل ملف في الجهاز
كوب شاهي او عصير وينتهي الوضع

<=-- ماقلت لكم اصلح في المملكه هذا الصباح

بعد ماتخلص من عصيرك بيكون المتصفح انتقل فينا لصفحه النتائج
وفيها كل مايحويه جهازك من ملفات <-- هنا عاد اصلح في كلام نواعم

هذي نتيجه جهازي
لاتخافون صحيح لاقي فايروس واحد بس هذا ملف خاص فيني يعني ماضر جهازي
ومثل ماتشوفون حصل مايقارب لـ3.1 ميقا بايت ملفات مؤقته
ومستخدم من المحرك C تقريباً 10 بالميه
والمحرك E تقريباً 7 بالميه
المحرك F صفر بالميه

مافيه اي بورت في جهازي

هنا يكون الوضع والقرار بيدك
حصلت ملفات تبغا تمسحها او ملفات تبغا تسوي لها صيانه اضغط على Next
النتيجه مطئمنه بالنسبه لك اضغط على Cancel يتوقف كل شي

بالنسبه لي ضغطت على Next ابغا امسح الملفات المؤقته

انتقلت للصفحه اللي بعدها
وهي عده صفحات تلقائيه

ينتقل الموقع من جزء لجزء حتي ينتهي ويكفيه ضغطت الـ Next الاولي

بعد مايخلص اضغط على Next

راح تنتقل لصفحه النهايه

فيها نضغط على Done

وبكذا انتهينا من صيانه ومسح جميع الملفات الغير مرغوب فيها

الافضل انه نسوي هالطريقه لو مره بالاسبوع او بشكل دوري

وان شاء الله يكون الشرح وافي وكافي

واي سؤال انا بالخدمه

S3odi

[موضوع غير منقول ويجري ذكر المصدر]

][ عيون الزعيم ][ · #2 21/05/2007, 12:56 AM

مجهووووووووووووووود رائع

:: S3odi :: · #3 21/05/2007, 08:06 AM

إقتباس

الرسالة الأصلية كتبت بواسطة ][ عيون الزعيم ][


	مجهووووووووووووووود رائع

صباح الخير

اتمني تكون استفدت من الموقع ياعيون الزعيم

وحياك الله

الـمـشـاغـب · #4 21/05/2007, 03:27 AM

مجهووود كبير وإبداع متواصل منك أخوي سعودي...!!

موضوع يستحق التثبيت فعلاً..

ولكن سؤال: هل يستطيع من يملك نسخة ويندوز غير أصلية أن يستفيد من هذا الموقع؟!!

:: S3odi :: · #5 21/05/2007, 08:08 AM

إقتباس

الرسالة الأصلية كتبت بواسطة الـمـشـاغـب


	مجهووود كبير وإبداع متواصل منك أخوي سعودي...!! موضوع يستحق التثبيت فعلاً.. ولكن سؤال: هل يستطيع من يملك نسخة ويندوز غير أصلية أن يستفيد من هذا الموقع؟!!

اهلين بالمشاغب

تسلم على حظورك عزيزي ورائك

اما بالنسبه لسؤالك ماني متاكد 100% بس اعتقد يقدر يستفيد لانه مافيه ولامرحله تكون التاكد من النسخه اصليه او لا

فـ ااعتقد 90% انه المجال مفتوح للجمي

سؤالك اعجبني وان شاء الله يكون الجواب كافي

:: S3odi :: · #6 23/05/2007, 01:07 PM

معقول هالتفاعل منكم

مشكورين على تفاعلكم/لمصلحتكم