14/05/2007, 02:06 PM
|
| زعيــم متألــق | | تاريخ التسجيل: 21/11/2006 المكان: ¦[Between The Reality And Fantasy ]¦
مشاركات: 1,215
| |
|
اتحداكم تقولون "حر لايطاق" سبع مرات ..!!
السلام عليكم ورحمة الله وبركاته ,,
كيفكم ؟؟ وشخباركم؟؟
إن شاء الله بخير وصحه وعافيه وتمام التماااام و مهب حرانين 
ياناس وش هالحر ؟؟
من جد والله حر لايطاااااااااااااااااااق .,.
وأنا الحين توني راجعه من المدرسه وأحس أني راجعه من فرن والله :p
برب أبوي يناديني
________________________________________________
بآك
تدرون وش قال لي :p
يقول لي ماشاء الله عليك من أول مارجعتي من المدرسه على طول سيدا على الكمبيوتر
وش هالادمان ,, الظاهر أني بشيله لان الاختبارات قربت
ماعلينا ,,
المهم
بصراحه أحس أنه اليوم درجة الحراره 50 
وقسسسسم حررر مهب طبيعي ,, والمشكله الاكبر أنه إذا قلت لاهلي حر مرررره
يقولون لي : تونا مابعد جاء الحر الصدقي
إذا هذا حر كذبي :p ,, أجل وشلون بيصير الحر الصدقي
بصراحه أنا برأيي أنهم يحطون مكيفات بالشوارع وعند الاشارات خاصة :p
يعني على الاقل الظهر أول مانرجع من المدرسه ,,
والله فكره حلوه صح
من بيجي معي ؟؟ أنا بوكرا برووح أقدم هالاقتراح
لوزارة التربيه والتعليم <<<< مالها دخل بس المشكله ماأعرف غيرها
وبكذا بتقل درجة الحراره وبتقل درجة التعصيب عند الناس بسبب الحر :p
من جد والله الناس الظهر مادري وش يجيهم يصيرون معصبين مررررره
وأنا أعتقد والله أعلم انه بسبب هالحر 
وتصدقون قد سمعت أنه فيه امريكي هنا يشتغل في السعوديه
وبالتحديد في الرياااااااااااااااااااااااااااااااااااااااض مات بسبب الحر
بعذره والله :p
الا صح بسألكم يا أهالي الغربيه وأهالي الشمال وأهالي الجنووب .....
عندكم حر مثل حرنا ؟؟
^
^
^
بتستغربون ليش ماسألت عن أهل الشرقيه :p
السبب واضح هو أنه بنت خالي هناك وقالت لي انه حنا مثلكم ويمكن أشد بعد ;)
على العموم
إذا هذا حر الدنيا ,, كيف بيكون حر جهنم
يعني صدق أننا متضايقين من هالحر وذايبين منه لكن ,,,
على الاقل يكون عبره لنا من نار جهنم -الله يجيرنا وياكم منها-
تحياتي
هلاليه@ميلانيه |
الوضع الشجري
