يالله نثبت بأنه يجب ان يكون لنا رأي ولسنا ندفع وتحذف مشاركتنا او تظهر الرساله !!!! - نادي الهلال السعودي - شبكة الزعيم

() أزرق () هلالي () · #1 02/06/2007, 08:31 AM

السلام عليكم ورحمة الله

خسرنا ويا هي من خساره .... خسرنا ويا قهرنا ويا تعبنا ..... بكينا لكن الدموع ما تغير هالخساره

نسئل الله ربي هالكون يعوضنا

يا شباب اللي يقول انه بينسى والله ما يقدر احنا خسرنا صح وبدون مستوى كمان صح

لكن احنا طلبنا وكل طلبتنا ما تنفذ ليش ما ادري يعني في امور طلبنها وهي في مصلحة النادي

وكأننا ما نتكلم .... ويصبرووون او ينسونا واذا جاء وقت مباره يرسلون تعال نحن في انتظاركم !!!!

طيب احنا نجي ونتعب نبي احد يسمع لنا يرد علينا يوضح لنا

احنا ما نستكثر على الهلال اي شئ والله ثم والله اني مشترك في جوال الهلال واني عاطل

يعني بالقوه اسدد جوالي وغيري كثير لكن حب الهلال شئ يستوجب علينا كل شئ .

احنا لازم تكون لنا كلمتنا الكأس وراح بخيره وشره

نبي نجتمع عند ملعب الهلال بالعريجاء ونقابل الاداره ونتفهم كل شئ ونتفق على يوم وموعد محدد .
اولا: سبب بقاء الفان

ثانيا : سبب اعطاء باكيتا كامل الحريه

ثالثا : سبب اختيار العين للمعسكر وسبب وصول الرحله في وقت متأخر وهل اختار باكيتا العين

لان ابنته تدرس بالامارات .

رابعا : لماذا يتم تجاهل بدر الخراشي وفهد المبارك وياسر الياس وماجد المرشدي و نواف التمياط

وابقائهم في الفريق كفزعه للنادي اوقات الازمات فقط وهم افضل من الاساسيين.

خامسا والاهم : تجديد عقد التائب وتفاريس هل سوف يتم التجديد ام ماذا لا نريد ان نصبر حتى يتفقون معا انديه ثانيه

ثم نتحرك ونطلبهم التجديد

وسلامتكم

الفراس · #2 02/06/2007, 08:56 AM

كلامك عين العقل يعني صبرنا وتحملنا حتى انا مثلك مشترك في جوال الهلال ويالله اسدد الفاتورة --وان شاء الله باقي في الاشتراك الى مالانهاية --انا ماقهرني الا الفان يقول اصبروا عليه صبرنا وتحملنا وجاب اهداف بالحظ ولعب النهائي قلنا يمكن يسوي شي ولاعندك احد 000والداهية باكيتا يتخبط في التشكيل ويلعب بثلاث محاور ادوارهم دفاعية ولاعندهم مهارة عالية --لماذا ابقى نواف سرور حتى كان لعب سامي من بداية المباراة الخبرة تكفي ---واللي قاهرني الصويلح مو في التشكيل ليش طيب والعنبر في التشكيل الله يفكنا منهم ان شاء الله البرازيليين باكيتا والفان --والسرعة للتجديد للتائب وتفاريس ---التائب اليوم ماحصل معه احد في الوسط يساعده حتى ياسر تعب واجهد وتعور والتائب اجهد وتعب ومامعه احد ---

ღღ AL Z3eem ღღ · #3 02/06/2007, 09:05 AM

كلامك عين العقل بس للاسف حنا جمهور بس مهايطه
شوف كم واحد داخل على الموضوع وثلاث بس يردون
يعني بس هيااااااااااااااط
جمهورنا يهايط امثر من فريقينا

هـلالـي ورافع راسي · #4 02/06/2007, 09:18 AM

كلامك صح ((ازرق هلالي )) لكن مانبغاء نخسر بطولتين في يومين نخسر الكأس

ونخسر رئيس الهلال ...... اقول ننتضر اسبوع ونشوف وش الي بيصير....

وانا متأكد بتصير تعديلات وقرارت مهمه ........ أقبل مروري

هــــــــــلالـــــــي مـــــــــــوت

() أزرق () هلالي () · #5 04/06/2007, 01:35 AM

الف شكر لك من رد

واشكركم على ردودكم العقلانيه

بالفعل اتفق معاكم في كل ما ذكرتوووووه

ولكن نحن نريد تجديد في الكثير من الامور ....

نريد ان يسمع لنا رأي لا نريد ان نصبح كمن يصرخ تحت سطح الماء

نحن صرخنا عندما عاد باكيتا وقلنا لا نريده سمعنا كلام جميل وقلنا يالله يمكن يجيب فايده ...

نحن صرخنا من اول مباره لاعبها الفان وسمعنا كلام يقول يجيب اهداف وش تبي اكثر قلنا يالله فيه فايده...

نحن صرخنا بعدم تحويل ردريجوا قوارو الى الاولمبي بل تحول الى لاعب حواري لاعضاء الشرف وسكتنا ....

نريد امور كثيره ولكن الواضح ان حتى الجمهور كما قال اخووووي ღღ AL Z3eem ღღ

جمهورنا يهايط اكثر من فريقنا

هلاليه لاخر قطره · #6 04/06/2007, 02:43 AM

الا صراحه اانا معك ..لازم تبادل الاراء ولازم توضيح بعض الامور اللي خافيه على الجمهور الهلالي ولا حنا فاهمين وش قاعد يصير

R7AL · #7 04/06/2007, 02:49 AM

لا حياة لمن تنادي ,,,,,,

تحياتي ,’,’,’,

مجنون M التايب · #8 04/06/2007, 03:42 AM

كلام جميل

() أزرق () هلالي () · #9 04/06/2007, 11:21 PM

مشكورين اخواني على تواجدكم

وتمنيت انه يكون لنا موعد ونحدده احنا

ونحدد بعد بعض الاعضاء اللي يتكلمون نيابه عنا

ونطلعه على الامور اللي نبي نعرفها احنا نضحك بنادي النصر

ولكن انا اعتقد ان فكرة المناظره فكره رائعه وقوووووويه في نفس الوقت

هذا رأي انا !!!!

القـــنـــ 20 ـــاصـ · #10 04/06/2007, 11:27 PM

كلام سليم ,,, بس ما عندك احد