السلام عليكم ,

هذا موقف حاصل هاليومين لواحد من معارفنا .. المهم هالايام الناس يجهزون زكاة الفطر , انطلب من الاخ انه يودي كيس الزكاة لمكان يجمعونها فيه من الناس حتى وقت اخراجها ثم يرسلونها لمستحقيها .. وفيه شخص مسؤول عن هالشيء ..

قال له اخوه الكبير , ود الكيس للمكان الفلاني وعلمهم انه للفطرة ..
يوم وصل سأله الرجال عن اللي بالكيس علشان يحطه مع اللي من نفس نوعه ..

وكان اخونا شايف اللي بالكيس قبل لا يوديه وعارف وش فيه .. تدرون وش قال له












قال : شعير


الناس اللي حوله قاموا يضحكون عليه .. حتى ان الرجال راح يتصل على اخوه ويسأله :
انتم زكاتكم لأوادم والا لدبش جايبين لنا شعير


اخوه انهبل .. وراح يسأله , يقول وش انت ماخذ معك , قال له : الكيس اللي انت خابر ..


قال له : هذا ( حب بر) الله يكفلك مهوب شعير

اخونا مايعرف الفرق بين ( حب البر) والشعير .. ولايعرف حتى الشعير وشهو , بس يسمع فيه انه نوع من انواع الحبوب

( شباب هاليومين الله يهديهم )

لا و من زينه راح لبيتهم وهو معصب .. يقول فشلتوني عند العالم ..

الحين منهو اللي فشل الثاني :p



انتهى الموقف , وبمناسبة قرب العيد .. كل عــــام و أنتم بـــألف خـــيــــر !!

ولاتنسون زكاة الفطر .. بس انتبهوا !! لاتنسون تفرقون بين الشعير والقمح ( حب البر ):p



والا اقول لكم .. خلوا زكاتم ( رز) أريح



تحياتي لكم ,