موقف يكشف لنا بعض حال شباب هاليومين ..
 

السلام عليكم ,

هذا موقف حاصل هاليومين لواحد من معارفنا .. المهم هالايام الناس يجهزون زكاة الفطر , انطلب من الاخ انه يودي كيس الزكاة لمكان يجمعونها فيه من الناس حتى وقت اخراجها ثم يرسلونها لمستحقيها .. وفيه شخص مسؤول عن هالشيء ..

قال له اخوه الكبير , ود الكيس للمكان الفلاني وعلمهم انه للفطرة ..
يوم وصل سأله الرجال عن اللي بالكيس علشان يحطه مع اللي من نفس نوعه ..

وكان اخونا شايف اللي بالكيس قبل لا يوديه وعارف وش فيه .. تدرون وش قال له :rolleyes:





:confused:






قال : شعير :eek: :eek:


الناس اللي حوله قاموا يضحكون عليه .. حتى ان الرجال راح يتصل على اخوه ويسأله :
انتم زكاتكم لأوادم والا لدبش :mad: جايبين لنا شعير :rolleyes:


اخوه انهبل .. وراح يسأله , يقول وش انت ماخذ معك , قال له : الكيس اللي انت خابر ..


قال له : هذا ( حب بر) الله يكفلك مهوب شعير :o

اخونا مايعرف الفرق بين ( حب البر) والشعير .. ولايعرف حتى الشعير وشهو , بس يسمع فيه انه نوع من انواع الحبوب :D :D

( شباب هاليومين الله يهديهم )

لا و من زينه راح لبيتهم وهو معصب .. يقول فشلتوني عند العالم ..:mad: :mad:

الحين منهو اللي فشل الثاني :p



انتهى الموقف , وبمناسبة قرب العيد .. كل عــــام و أنتم بـــألف خـــيــــر !!

ولاتنسون زكاة الفطر .. بس انتبهوا !! لاتنسون تفرقون بين الشعير والقمح ( حب البر ):p



والا اقول لكم .. خلوا زكاتم ( رز) أريح :D :D



تحياتي لكم ,

الحين وش الفرق بين الشعير و حب البر :D <======== اقرب و اسرع مثال هاه

صايره ام هلال الله يهديج :p :p

ماينقال عندج شييييييييي !

اجل بعض حال هههههههه:D :D هههههههه

أخوي RAID2001

أفا يا ذا العلم :(:(

أجل ماتعرف الفرق وشو :eek: وشو له الموضوع اجل :confused:



بس مايمنع اني اوضح واشرح لك باللي اقدر عليه :)
الفرق بكل بساطه .. ان القمح مقشر , والشعير بقشره :eek: :eek:
القمح لونه بني محمر .. والشعير اصفر
القمح يصلحون منه مرقوق وقرصان ومصابيب .. والشعير يصلحون منه بربيكان ( بيره )
استخدام القمح للاوادم غالبا .. والشعير للغنم غالبا بعد :)..


عساك بس فهمت شيء :cool:



تحياتي ,

خخخخخخخخخخخخخ

اجل شباب هاليومين
الله يهديس بس ياخيتي وقفت على هذي بس
الحين خليهم يصلون مع الجماعة بالمسيد اهم شي وبكيفهم لايعرفون الشعير من البر .

انا عندي اقتراح علشان نفرق بين الشعير والبر
انا اقول يلفون مع كل كيس شعير عنز علشان ندري انه شعير
:D :D :D

شكرا على هالقصة الحلوة المعبرة :) :)

السلام عليكم جميعا

أختي عنود الصيد20002

الصراحه شيء يضحك . ولكن ليت الموضوع على اللي مايعرفون يفرقون بين الشعير والقمح . لو بس على كذا كان حنا بالف خير لكن المشكله وش أقول بس خلوني ساكت أحسن:(