|
خطيبتي تبكي بالهاتف .. ما الحل يا جماعة .. اجل وش تبي تسوي يوم الزواج بصراحة ضاق صدري مره لانها المرة الاولى اللي تبكي اثناء مكالماتنا الطويلة بعد الملكه وبيني وبينكم توقعت اني انا السبب لكنها اغلظت الايمان ان مالي (ايتوها) علاقة ..................................... ابي راي المتزوجين واصحاب التجارب والخبرة فضلا تترددون بمساعدة اخوكم ولا تنسون من خالص دعاءكم |
الله يوفقكم يارب ويكتب بينكم الرضا والسرور << بانتظار ردود اهل الخبره على الطريق هو بعد << ما كنك قطيت بموضوع الرجال :) |
هلا والله اخوي المئوي حياك الله اول شي لاتضيق صدرك ثاني شي ولايروووح فكرك بعيد وغالباً ماتكون هذه الدمعه تكون دمعه فرح ودمعة خووووف احياناً ويامالك وبتعاني من الصياح بعد الزواج وانا اخوك ترى مكالمة الهاتف تخفف عنك الشئ الكثير في ليلة الدخله وتسهل امورك في الأيام الاولى من الزواج والله يعينك وانا اخوك اخوك / ابو ليان |
هلا ،، مبروك ماشاء الله تبارك الله .. ما عليك منها يارجال ترى الحريم يصيحن على أي شي:D من وجهة نظري- كعزوبي يماشي متزوجين - انك تهبل بها وتخليها تصيح تصيح لين يقضن الدموع عشان اذا صرتوا مع بعض وبغت تصيح ما تقدرs60s وبعض الحريم تقعد تسوي لك اختبارات وكوزّات قبل العرس:dead: عشان تعرف وش أنت من لحيه !! لا تصير حنون بزياده ترى تتورط ;) الله يوفقكم ويجمع بينكم على خير:) وين اللي يبوننا نعرس هذا اللي يجينا من الحريم صياح وملاغتن زايده >>> والله ما أعرس:mad: ..الا اذا نويت:rolleyes: |
أنت تقول أنك تكلمها بالتلفون نصيحة مني لك كلمها وأول ماتكلمها حاول كلامك يكون حلو لها يعني امدحها ترى البنت لو مدحتها وهي تعرف انك تلعب عليها تنهبل يعني قول لها يافلانة حلمت فيك كذا وكذا أوقول لها عن جمالها ذوقها لبسها حاول دايم تطيرها في العجة |
^^^^^^^^^^^^^^^^ ماعليك منه لا تقعد ترفع بها صح امدحها بس عااد مهوب بزيااده الخوف اذا شاافت نفسها عليك :D وقامت تكلمك من طرف خشمها اما عن موضوع الصيااح والله مدري شقولك هي ليه صاحة اساساً ترى فيه شي اسمه لكاعة بناات :p براايفت او يمكنها تصيح على حضها الردي :D امكن يوم كلمتها عرفت شخصيتك وقاامت تصيح |
مكر وحيل النساء شد حيلك المهمه صعبة لاتكون ؟؟؟ |
ياخوي اللي تمر فيه زوجتك شي طبيعي وتمر فيه كل البنات المقبلات على الزواج خاصة اذا قرب موعد الزواج لأنه تكون خايفة من حياتها المستقبلية وكيف بتكون بعيدة عن أهلها ووشلون تتصرف وأشياء كثيرة تسبب لها الخوف... والبنت غالبا في هالفترة تصييح اذا كانت لحالها بس انت من حسن حظك انها تصيح عندك ترى هذا يدل على انها ماتقدر توزي عنك اي شيء حتى مشاعرها..... الله يوفقكم ويتتم عليكم بخير... |
يا خوي الي تمر فيه خطيبتك شيء عادي يحصل مع كل البنات خصوصا إ ذا قرب موعد الزفاف لأنها بتعيش بعيدا عن الأهل والجو الأسري وبتروح مع شخص غريب ومن حسن حظك انها ماتخبي عنك شيء فلا تستغرب هذا شيء طبيعي |
اخوي المئوي الله ييبارك لك اولا واخيرا والله يسعدك انت واياها مايحصل امر طبيعي جدا واغلبنا مر بالشيء هذا واولهم انا والان نتذكر هالمواقف نضحك حبيبي المئوي تحسسها بالامان ببالحب والله تنسى اهلها والي جابوها دامك انت معها وانت تعرف كلامي مضبوط لا احد يقولك كيد نساء ولا فلسفه السالفه امر طبيعي ويزول المهم يكون الحب بصدق ووفاء وانت تبين لها هالشيء واسأل الله العزيز العظيم ان ينور دربك ويوفقك وييسر امورك كلها ويرزقك الذريه الصالحه بإذن الله اخوك فواز |
استغرب من بعض الردود لا تكونوا شياطين الإنس تفرقون بين المرء وزوجه... ثم يا أخي المئوي اسأل الفتيات عن سبب هذا وبما إني امرأة متزوجة ومررت بمثل ما تمر به زوجتك فاطمئن يا أخي ولتكن أكثر تماسكاً.. أولاً لابد أن تدرك أن هناك جنود إبليس الذين يجندهم للحيلولة دون بناء أسرة مسلمة تزيد من عزته وترفع لوائه فتبدأ المرأة وكذلك الرجل في بداية الأمر التركيز على عيوب الآخر فاستعذ بالله من الشيطان الرجيم واعنها على ذلك واسأل الله العون والتوفيق فإن لم يكن عون من الله للفتى فأول ما يجني عليه اجتهاده.. أما بالنسبة لما تمر به زوجتك فهي مشاعر كثيرة منها الخوف من الخروج من عائلة تضمها لبيت تعيش فيه وحيدة ربما تبكي عندما تحدثك بسبب تفكيرها بأنك أنت من سيأخذها من أهلها ويبعدها عن أجواءها التي عاشت فيها منذ طفولتها وهذا لا يعني أبداً أنها لا تشعر بالسعادة معك والرغبة في بناء أسرة سعيدة بجوارك.. يا أخي نصيحتي لك ولكل مقبل على الزواج من واقع تجربة لابد أن تكون أكثر تماسكاً منها وتحتويها بالحنان لا الحب كما يزعمون فهي الآن بحاجة للإحساس بالأمان ولا شيء كالحنان يشعرها بذلك ثم يا أخي بإمكانك استشارة من هم أهلٌ لذلك ومن واقع تجربة الدكتور سمير سيف في مستشفى الدكتور عبدالرحمن المشاري خير من يفعل ذلك ولو أردت رقم هاتفه بدلاً للذهاب إليه سأكون أول من يحضره لك.. وفقك الله لكل خير وبارك لك فيما وهبك وجمع بينكما بخير وجعلكما أسعد خلقه يا حي يا قيوم... |
ما شاء الله... على البركة... عاد لا تنسى تعزمنا على العرس :) بالنسبة لمشكلتك.. فخذها مني وأنا خوك..!! مع أن ما عندي خبرة في البنات ودلعهم... << باقي سنتين ويعرس إن شاء الله :( لكن صدقني هي بس تدلع عليك..!! اثقل عليها ولا تصير خفيف.. :D اسألها أول مرة وثاني مرة.. وإذا ما جاوبتك.. خلاص طنشها.. وخلها تبكي على كيفها :) ترى إن عودتها على المراضاة بتصير كل شوي تصيح عندك... عشان كذا خلك ثقيل من الأول وطنش صياحها :D ترى أكلمك جد... انتبه ترفع فيها زيادة عن اللزوم.. بتدلع عليك :) خلك وسط... مرة ثقيل ومرة خفيف .. عشان ما تعرف لك البنية زين ;) ونصيحة أخيرة لك: لا تكثر معها مكالمات.. عشآن ما تمل منك..!! ^^^^ شكلي بأخليك تجيب العيد :D تراي غير مسؤول عن النتايج المترتبة عن نصيحتي :D وفالك التوفيق والسعادة الزوجية إن شاء الله :) |
أنا ما أعرف بس أنا أقول إنك تستشير الوالدة |
^^^^^^^^^^^^^^^^^^^ اجل تمل منك اجل :D :D :D :D :D والله يا سحر الشرق انا والله مهوب قصدنا نخرب على الرجال بس السالفه ماعرفناها ونبي نخفف عليه بس جد الوااحد لا يصير خفيف خلك نص ونص مهووب ثقل ولا خفيف :D |
سلامـ :rolleyes: " المئوي " ,, أحيكـ على شجاعتكـ وأستشارتكـ لنا في هذي الأمـور المهمـة ..!! وأن دلـ على شيء فأنما يدلـ على ثقـتكـ بنا .. !! أما كلامكـ مع خطيبتكـ وسبل أحتوائها بعد البكـاء .. فأعـتقد بعض الردود تكتب فقطـ لتشاركـ لا للفائدة المرجوة من ذلكـ !! وكما قالـتـ المبدعــة دومـاً " سحر الشرق " وهي أعلمـ مني لأنها متزوجـة .. فرأي تبادرها بمزج الحنان والقيام بأسئلة تستطيع أن تفهمكـ أكثر ممن مضـى .. لأنها أحبتكـ .. فما بعد الحب إلا الحنـان وبعض الأشياء قد تستطيع أن ترسمـ أبتسامتها عندما يحصل لها البكاء والحزن ..!! فأي بنت عندما تكلمـ شخص .. قد تخجل كثيراً مايقولهـ الرجل أو بالأخص زوجها عندما يكون خطيباً لها .. فهي عندما تكلمكـ قد يكون الوضع مختلفاً عندما يكون مع أهلها وأصدقائها ..!! ؛؛ إقتباس:
لتخصصهمـ بذلكـ .. ولواقع مايأتيهمـ من مشاكل لدى البعضـ .. ! ؛؛ أتمـنى لكـ دواامـ السعادة والتوفيق في الدنيا والأخرة ,, دمـتـ بخير ,, محبكـ/ " سليماانــ " |
السلام عليكم و رحمة الله و بركاته ,, شف ,, ما دام هي من بدايتها دلع و صياح ,, مالك الا حل واحد ,, تطلقها :mad: ,, <<--- اقول كل تبن و لا عمرك تنصح احد :D ,, امزح معك لا تروح تطلقها الحين :rolleyes: ,, ماني مفتي لك ,, لان توي عالزواج و لا اعرف بدلع الحريم ,, التسناري ,, |
اختي سحر الشرق ،، ترى الدنيا علمتك وعلمتنا ، ومن الممكن جداً اننا نعلم عنها ما لا تعلمين .. و الخطأ اللي دائما ما نقع فيه هو المبالغة في تحليل بعض السوالف و المواقف اللي ما تسوى وما تستاهل الوقوف عندها .. وللاسف ان مثل هالتحليلات والتأويلات تكون سبب في تضخم المشكله وتصعيدها.. من وجهة نظري أن سالفة اخونا المئوي عاديه جدا وتصير كثير من خلال ما نسمع، ولا تستاهل التعمق فيها ودراستها واستشارة طبيب!! ومثل هالسوالف دواها وعلاجها تهميشها عشان كذا مزحنا مع اخونا المئوي ومضمون الرد كان " ترى ما عندك مشكله يالمئوي " بس انتِ الله يهديك بالغتي الى ان وصل الموضوع لمنازل الشياطين!! __________________________ اخوي المئوي:) الله ييسر أمرك وتراي أمزح الحريم ما بهن ملاغه:D بس يحبن الملاغه :D |
أهــلا بالمئوي .. والف مبيروك الملكه .. عقب ال الزواج .. الله يوفقك يارب .. باختصار .. حاول ان تحسسها بالحنان والامان .. وحاول ان تلبي رغباتها .. ولا تحاول معرفة الاسباب في هذا الوقت .. لانك بذلك بتزيد من ضيقها .. وذكرها بالله .. وبالدعاء .. وامر طبيعي ان تبكي الفتاة قبل الزواج .. لانها ستفقد اعز الناس لقلبها .. وقد تخاف قليلاً من مستقبلها المجهول .. ولكن هذه الامور بحاجه لحكمه .. لذلك حسسها بالامان .. واذكر لها بعض ما تجهزه من اجلها .. واستشرها في الكثير من الامور .. حتى تسلى عن حزنها .. والله يوفق .. |
دلع بنات <<<< يقول بخاطره يازين دلعهم لاتهتم ويمكن تواجه صعوبه بالبدايه بس مع الوقت وتأقلمكم بتستانسون ان شا لله <<< عقبا لك ان شا لله |
طبيعي لانها بتنتقل من بيئة الى بيئة والبنت بطبعها تخاف يعني شي طبيعي لا يضيق صدرك وحاول انك تكون حنون معها |
إقتباس:
التسناري..تكفى لاعاد تنصح... :rolleyes: |
خلك حنون بتعاملك معها :) ,, دلعها :D , حسسها بالآمان ,, :yes: البنات يختلفون في ردات فعلهم ,, في بنات ما يقدرون يسيطرون على انفسهم ,, لكن من عندي لك ترى كل البنات والله يبكون :D ,, حتى قبل ما تقرر إيه أو لا تلقاها قالبتها مناحة من الخوف والتردد :D بس فيه بنات بينهم وبين نفسهم في غرفتهم يبكون ,, وفيه بنات عند اهلهم ,, وفيه بنات مثل حالة خطيبتك:D وصدقني شي طبيعي , وإن كان في شي مضايقها حاول انك تستدرجها وتعرف وش عندها لكن مو وهي تبكي لأنها بهالوقت ما تبي احد يحقق معاها تبي الكلمة الحلوة إلي ترضيها والكلمات إلي تحسسها بالآمان,, ألف الف مبرووووووك والله يوووفقكم يا رب :) , |
يا خوي احمد ربك انها تصيح بس واحد من الشباب يقول لما يكلمها في نص المكالمه تسكر الخط في وجهه من زود الحيا:bangin: :D |
الف الف الف شكر لكل من ساهم بالراي والمشاركة ولولا وجود ( صداع ) كان رديت عليكم باسم كل واحد ويا حبييييييييييييييييييييييييييييي لكممممممممممممممممممممم |
السلام عليكم مبروك الزواج وعقبالنا كلنا يا رب:d ارى الجميع هنا دكاتره نفسيه الكل يربط ويحل البعض يهاجم والاخر يدافع علاج خطيبتك بيدك انت وليس بيد الاعضاء انت من بكت عنده وانت من سمع بكائها فعلاجها عندك ناظر الى اصابعك الخمس ............هم سوى؟؟؟؟ فخطيبتك ليست كزوجه غيرك ولكن سؤالك هو انها بكت فهو طبيعي ان تبكي واعلم ان خطيبتك من النوع المفضل لدي :d يحث انها تصارحك في كل امورها وانها بكت عندك في تحس بالامان وهي معك روح عسى الله يهنيك ويرزق بالمال والبنون ويشغل بطاعته ونصيحه ان بغيت تسال اسئل الوالده والوالد ترى والله العظيم محد بيفيدك زيهم واسئل الشياب وعندي لك قصه وهي نصيحه شايب لكن ما تصلح للبنات ان بغيتها ارسل لي على الخاص تشـــــــــــاو |
أخي الهاوي بارك الله فيك وأسعدك فيما تبقى لك من عمرك ثم يا سيدي قبل كل شيء أنا لا أجد في حديثي السابق شيء لا من قريب ولا من بعيد يشير إلى كوني أعلم من الدنيا ما لا تعلمون وما أوتيت وأؤتيتم من العلم إلا قليلا لكني أجد الفرق فيما قلتم وفيما قلت أنا وأخي مقدر الهلال أنه من واقع تجربة وكما يعلم الجميع أن الزواج هو الشيء الوحيد الذي لا يقبل التخصصات ولا الإحتكاك بمواقف المتزوجين فلا شيء هنا كالخبرة والتجربة.. ثم لا شيء في أمور الزواج يعني المبالغة لابد من أسس صحيحة لتسطتيع أن تسير الحياة كما يجب أو بالأحرى كما أرادها الله ثم من واقع ما عشته أنا وعاشته قريناتي من عائلتي ومن غيرهم أن أموراً كهذه تؤثر في نفس الرجل كثيراً وإن رزقت إحدانا برجل يجمع من العقل أكثره فهي من ستتأثر بذلك وتجد في الهروب العلاج الوحيد أو الصمت والكبت في النفس ربما هو أمر يخصني ولا مجال لقوله إلا أن حاجتي للرد تجبرني على لك بخصوص الدكتور النفسي فقبل الدكتور النفسي يعني الاستشارة ولا تعني بأي حال من الأحوال المرض والعلاج هم أهل لذلك وأرجى بإذن الله أن يدلوك على التصرف الصحيح إن كنت ترى الأمر لا يستحق المبالغة والطبيب النفسي فسأخبرك أنني وكثير أعرفهم زرنا بعد الزواج الدكتور النفسي لحاجتنا للحديث عن بعض العوائق التي تواجهنا في التأقلم مع الوضع الجديد والوحدة وبعضنا احتاج للبقاء فترة بسيطة بعيداً عن الزوج للتعايش مع تغير الحياة بين عشية وضحاها.. أخيرا يا أخي الهاوي نحن البشر والنساء أرق مخلوقات الله وسريعة التأثر بالظروف وتفتقد بعضا من العقلانية في بعض تصرفاتها في أول الزواج لذا إن لم يكن الرجل على دراية بحجم مسؤولية الحياة فلابد أن يعاني كثيراً في أول زواجه وكما لا يرخص لطبيب ببناء مستشفى إلا بشهادة تخصصية فلابد أن لا يسمح لرجل ببناء أسرة إلا بشيء من قبيل ذلك فما عادت الأمة تتحمل أعداداً مهولة من حالات الطلاق أو العنف الأسري أو أو أو .. أكتفي بذلك والله ولي وولي المؤمنين.. سبحانك اللهم وبحمدك أشهد أن لا إله إلا أنت استغفرك واتوب إليك |
اتوقع فوز الهلال 3/0 هههههههههههههههههههههههههه <<<< s93s ( داخل بالغلط ) اولا مبروك الملكة وعقبال الليله ( الكبيره ) على قولة المصريين ... انت طلبت رائي اصحاب الخبرة .. والمتزوجين .. وبحكم اني عزوبي (:whistling 4"]خذ مني هالنصيحه .. اولا اطلب الله ان ربي يوفقكم .. ويسعدكم .. اطلبها من الله لاتطلبها من غيره .. ثانيا : خاف ربك في بنت الحلال .. تاكد انها تحتاج لك اكثر من ابوها وكل اهلها .. اياك تخذل بنت الناس .. خلك صديقها وحبيبها وابوها وكل شي في حياتها .. حسسها ان دمعتها غاليه .. زوجتك لازم تدلعها اول ثلاث سنوات .. تحمل .. بعدها هي من نفسها راح تقدر وضعك وعملك .. (والعود على اول ركزه .)........ ولاتستعجل عليها باي شي .. اصبر عليها .. تراها بتشوف في صبرك شهامه .. لكن حسسها من غير ماتجرحها باي تقصير يصدر منها ماعليك من كلام الناس .. ورائي العائله في تصرفاتكم .. لاتسمح لااحد يتدخل .. من اهلك ومن اهلها في حياتكم الشخصيه .. وعودها على هالشي ... وترى الزواج نعمه .. بالنسبه للصياح .. انا مادري وش سبب صياحها ؟؟ لو توضح سبب الصياح علمتك ؟؟ اخاف قايلها ( اخبارك يا..( وغلطان بالاسم ) هههههههههههه هذي عاد مصيبه عموما تعود على الصياح والزعل .. اصلا هذا ملح الحياة وربي يوفقكم ويسعدكم ويرزقكم الذرية الصالحه يارب .. واذا جتك بنيه تراها لولدي طلال .. ( محجوزه ) تحياتي لك |
اول شي مبروك ان شاء الله الله يوفقكم ويسعدكم بس انا مستغربه ليش ماعندنا شي اسمو خصوصيه كل ماسار شي بين الرجال ومرتو يجي هوا يقول لاصحابو وهيا تقول لصاحباتها والله عيــب ياخي تفاهمو مع بعض مو كل شي لازم الناس تدري فيه لايجيني احد يقلي هذا شي تافهه ومافيه شي ادري:mad: بس لما يتعود الشخص على شي بيسير كل شي عندو عادي... وموقصدي ازعلك بس رايي وحبيت اقولو :) |
إقتباس:
اللي فيك كافيك :cry: وبالنسبه لمسئلة البكاء والخرابيط هاذي اسئل المختصين فهم أدرى منى وان شاء الله اكون افدتك :D >>>>>>>>>>>>>>>>>> انطم عشان ما اصفق وجهك |
انا اقول احسن حل غير رقمك وارتح :D <--- فطس ضحك نجي الجد شوف حبيبي القضيه ماهي انها بكيت القضيه ليش بكيت ماعتقد انه فيه بنت مقبله على زواج ولابكيت فـ اهم شي بحياتك الفترة هذي انك ماتخبي عنها شي او تتهرب من اسئلتها او توصل انك تكذب عليها الافضل وافضل دائماً الصراحة صحيح بتزعل شوي بس لو ماهي غاليه ماصارحتها :) انا اشوف انك تحاول تشوف ايش اللي خلاها تبكي ولو كان شي غلط بدر منك انك تصلحه بس لايكون هذا مقابل تنازلت مسبقه الزواج شي عظيم ويبي له فكر عظيم على شان يبقي عظيم . . . . . . . . . ارجع واقول غير رقمك وارتح :D |
هلا اختي سحر الشرق ،، إقتباس:
إقتباس:
على العموم يظل لكل منا طريقته الخاصة في التعامل مع معطيات الحياة والتي قد تناسبه ولا تناسب غيره.. وأشوف ان الغالي المئوي رجع يشارك بأسلوب يدل ان ماعنده خلاف - ماشاء الله تبارك الله- ، وقد يدل هذا على صحة ما قلته بأنه لا مشكله:yes: الله يوفقني واياك لطاعته ورضاه .. |
ما اقول الا الله يعينك ويسهل عليك يوم الدخله وانت لا تعصب عليها على طول ، ترى الحرمه حساسه ولا دقت عليك الا انها تبي تفضفض لك وتلقاك ما عطيتها وجه. |
انا اتوقع انك تكلمها عادي تسولف ووو لكن ماتمدحها واجد ما أتوقع انك عنرك مدحته امدحها لو بصوتها ترى البنت ضعيفه بشكل ماتتصور وشر بشكل ما تتصور لكن يبدوا انها على نياتها لكن المهم الان انك ماتخلي بكاها عادي عندك أشعرها أنك منتب مرتاح هاليومين بسببها وانك تبي تعرف السبب الحقيقي,,,ووووالخ ودايم اذا شفتها حزينه او تصيح اياني وياك تطنشها, وتراها بأول ليله اذا دخلتوا الشقه تبي تصيح بس ياويلك لو ماتضمها وتحسسها بالامان ((كلام معسول شوي بين اعجابك ونظرتك لها ,\\ بعد الي قلتلك تبي تلاحظ كيف تنظر لك....نظرة اعجاب واكبار ولا يمكن تتهخيل انها تقدر تستغني عنك لحظه بس ربك يستر من امها وخواتها يقلبون المزاج ويحوسون مريرك اذا كانو بلا مبادي هذا باختصار لاني حسيتك ماتثقفت من هالنواحي وعلى نياتك ,,,,,,,,,,,,,,,, اخوك المخلص |
إقتباس:
|
يالله :D ارسل لها مناديل :p عن جد الواحد مايدري وش يقول:confused: حسبت عندك سالفة!s13s |
الله يوفقك ان شاء الله انت وعروستك البكى شي طبيعي نائج عن فرح وسعاده لم تسطيع اخفاءها عنك او اي شخص قريب لها ذكرتني قبل 9 سنوات كان زواج بنت اختي لما جيت اسلم عليها قبل الدخله انا وعائلتي البنت ماهي قادره تمسك نفسها بكت حتى خرجنا سالتها بعد الزواج بفتره قالت بكوة فرح |
اقول ياخوي لا تصير حبيب اكثر من الازم الحرمه تحب الرجال صاحب الشخصيه القويه وانتبه يوم تتنازل يعني على مايقولون ( القط يحب خناقه ) اما اذا صرت طيب زياده عن اللزوم ابشرك انها بتركب على كتوفك وتبي تدلدل رجولها بعد ....... خلك ذيب وكثر المنلديل كل ما بكت مدلها مناديل ترى معضم هل الجيل صايرين رخوم وانا عارف البنات مهو عاجبهم ردي بس انا لي عشر سنين متزوج والامور على خير مايرام اذا زعلت خليتها على العجين الين يلين يعني طنااااااااش .......... يااااااااااطيوب اثقل واركز |
| الوقت المعتمد في المنتدى بتوقيت جرينتش +3.
الوقت الان » 03:27 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd