يوسف سيف ,, والاخطاء الساذجة !!!!!!!! - نادي الهلال السعودي - شبكة الزعيم

‎βαƦ¢α 4 ξνξƦ · #1 19/05/2007, 02:37 AM

السلام عليكم ورحمة الله وبركاته ,, اخواني الاعضاء

طبعا العنوان طبعا يمكن غريب لبعضكم .

ولكن انا بتكلم عن شي واقعي وصار ,, وبدون ما احاول ابالغ بأي شي ان شاء الله .

يوسف سيف ,, والاخطاء الساذجة

هذا العنوان من فترة كان من الاحد الماضي ببالي ,, وانشغلت شوي .

المهم ,, كلامي هذا جا بعد اغلاط كثيرة من هالمعلق ,, ابداهم معكم :

1- من مباراة الريال مع اسبانيول ,, روبينيو سجل الهدف الثالث على ما اظن ,, وانطرد بعدها لانه فصخ فنيلته واخذ كرت اصفر ثاني .

والاخو معللللق يقول ليش كابيللو يطلعه واهو اللي جاب له التعادل

يعني بالله عليكم معقوولة انه ناسي الكرت الاصفر الاول ,, ما سجله عنده .

طيب ممكن نمشي ذي ,, ما شفته وهو يصيح وهو طالع .

وجا بالتلفزيون اسمه ,, ومكتوب فيه ( تاريجتا حمراء

) اللي يقصدون بها بطاقة حمراء ,,, هذي الكلمة انا اعرفها من شكلها بس .

2- في مباراة برشلونة وبيتيس الاخيرة ,, كان فيه تغيير لبيتيس ودخل اسونساو الله لا يوفقه صنع هدف التعادل

المهم ,, طبعا اكيد الكل يعرفه .

ويعرف ان لاعب وسط ,, محور .

يوسف معلق على كلمة المهاجم البرازيلي

3- ايضا بمباراة برشلونة وبيتيس ,, دخل سافيولا ,, ويوسف يتكلم عن هدف ميسي الرائع على خيتافي ,, ويقول سافيولا

بالله عليكم هل هذه اخطاء معلق كبير .

انا صراحة من زمان اكتشف عليه اخطاء بالكوم ,, لكن هالمرة قلت ماني ساكت ,,, لازم افضفض

وازيدكم من الشعر بيت بعد ,, عاد هذا بكل مباراة :

اتحداكم اذا قال تشكيلة اي مباراة يعلق عليها ,, الا بالغصب ,, والا اذا جت بالصدفة ,,,

لكن العادة على طوول يخش بالجو .

يعني المعلقين الكبار ,, تشوفهم يعطونك اشياء .. معلومات عن المباراة ,, قبلها بعدها .

الا هذا مافيه الا نطق اسماء لاعبين وياالله بعد .

طبعا والله ما اقصد اقلل من قيمته اول اني اتعمد اشب النار فيه

ولكن اخواني هذا واقع وصار ,, والجميع بالتأكيد شاهده .

انتظر ارائكم بعيدا عن التصعب والميول ...

هـ بحت ـلالي · #2 19/05/2007, 02:40 AM

والله انا ماني من المتحمسين لتعليق يوسف سيف

علشان كذا يمكن ماالاحظ الأغلاط

وغير كذا لابد من الشخص انه يغلط لانه بعض تعليقاته شفوي فـ صعبه على الشخص مايغلط او يزل بحاجه

اكون معك صريح انا من عشاق تعليق رؤوف خليف

علشان كذا يمكن مااقدر افيدك بتعليقي

يعطيك العافيه

فهد عاشق البرسا · #3 19/05/2007, 02:48 AM

انا الي بزيدك من الشعر بيت
هذيك المره في مباراة مدريد حطو الكمرة على كالدرون رئيس الريال قال يوسف:
هذا رئيس الريال فورنتينو بيريز (القديم

) ـههههههـ
بس يبقا يوسف حبيبنا
ليو مشكور على الموضوع

تحياتي...

توتو19 · #4 19/05/2007, 03:41 AM

اكون معك صريح انا من عشاق تعليق رؤوف خليف

((البريداوي)) · #5 19/05/2007, 05:59 AM

صحيح

يوسف سيف بعض الأحيان يسج ويبدى يسولف ويخربط ويخطم بالكلام خصوصا اذا كانت المباراة تجيب الهم

ولكن يبقى الأروع مع بوخليف.

ٍS7EVA · #6 19/05/2007, 02:45 AM

صح يالغالي ..

وخصوصا باول نقطة ..

تصدق حتى انا تفاجئت من تغير كالبلو

..

Max2002 · #7 19/05/2007, 09:13 AM

معليش سامحه

برضوا رجال كبير في السن ولازم نحترمه

AS King 10 · #8 19/05/2007, 11:57 AM

.

يارجل يبقى يوسف على أخطائه أفضل و بفرق من غيرهـ ،

إقتباس


	. التوقيع اللي يبي موسيقى الدوري الانجليزي يرسل ويطلبها ,,لأنها ممنوعة

.

^^

الله يهداك ، لا تساعد على نشر المنكر فتنال آثام كل من سمعه

.

الكبيـر..كبيـرر.. · #9 19/05/2007, 01:52 PM

اول شيء شوف اخطائك انت بعدين اتكلم عن يوسف سيف .. مباراة الريال واسبانيول الي انتهت 4-3 روبينيو ما لعب المباراة من الاساس "وانت تقول انه سجل هدف وانطرد ..!!"

والي سجل هدف في المباراة وفصخ فنينته هو هقوين واخذ كرت اصفر ولا انطرد

فمـآن اللـه

zi5zo · #10 19/05/2007, 02:15 PM

إقتباس

الرسالة الأصلية كتبت بواسطة الكبيـر..كبيـرر..


	اول شيء شوف اخطائك انت بعدين اتكلم عن يوسف سيف .. مباراة الريال واسبانيول الي انتهت 4-3 روبينيو ما لعب المباراة من الاساس "وانت تقول انه سجل هدف وانطرد ..!!" والي سجل هدف في المباراة وفصخ فنينته هو هقوين واخذ كرت اصفر ولا انطرد فمـآن اللـه

من جد شف اخطائك بعدين شف اخطاء الناس ياخوي;)
الضحك عقوبه

بعدين ربينهو في مباراه اشبيله انطرد والهدف اللي جابه هدف التقدم مو التعادل

ويوسف سيف ماعلق على مباراه الريال واسبانيول

ريان قطر · #11 19/05/2007, 02:57 PM

إقتباس

الرسالة الأصلية كتبت بواسطة الكبيـر..كبيـرر..


	اول شيء شوف اخطائك انت بعدين اتكلم عن يوسف سيف .. مباراة الريال واسبانيول الي انتهت 4-3 روبينيو ما لعب المباراة من الاساس "وانت تقول انه سجل هدف وانطرد ..!!" والي سجل هدف في المباراة وفصخ فنينته هو هقوين واخذ كرت اصفر ولا انطرد فمـآن اللـه

الغالي هو يقصد مباراة اشبيله وفعلا الكابتن يوسف ماانتبه للطرد لين خلصت المباراه

والصراحه هو اخطأ لكن كان المفروض الاخوان في الاستديو يبلغونه عشان يدارك خطأه مو يصبرون لين تخلص المباراه

مع هذا يبقى صوت يوسف سيف الاجمل بالنسبه لي لكن الاروع تعليقا هو بوخليف

ThE MaGiCiAn 10 · #12 19/05/2007, 10:12 PM

لا وفيه خطا ثاني

يوم مباراة مدريد وبرشلونه الذهاب..2--0

مدريد جتهم هجمه وفاول...والحكم صفر وحط فاول لبرشلونه...

والكوره كانت راسيه من راموس...لبرى الملعب

وخوينا يصارخ..هدف ملغي

ههههههههههه

MELAN FOREVER · #13 20/05/2007, 02:10 PM

ممكن تكون هناك اغلاط ولكن يعطيك جو في المباراه افضل من غيره يكفي انهصرح وقال انا حصلت على جائزة افضل رابع معلق في العالم

ورؤوف خليف هو الاول حالياَ بالنسبه لي

فهدوش · #14 20/05/2007, 03:48 PM

صراحة مثل ماقلت اخوي احب اضيف زيادة
على كلامك يوسف سيف صراحة صوته ينفع للتعليق
بس هو باااارد برود عجييب وطول المباراة يسولف
يعني تجي هجمه خطرة وهو يسوولف ومايدري الا وهو
يقول قووول
انا صراحة ماأحب تعليقه بكل أمانة الكعبي وخليف والشوالي
وعلي حميد افضل منه بكثير
مجرد رأي

الكبيـر..كبيـرر.. · #15 20/05/2007, 04:41 PM

إقتباس

الرسالة الأصلية كتبت بواسطة ريان قطر


	الغالي هو يقصد مباراة اشبيله وفعلا الكابتن يوسف ماانتبه للطرد لين خلصت المباراه والصراحه هو اخطأ لكن كان المفروض الاخوان في الاستديو يبلغونه عشان يدارك خطأه مو يصبرون لين تخلص المباراه مع هذا يبقى صوت يوسف سيف الاجمل بالنسبه لي لكن الاروع تعليقا هو بوخليف

يعنـي يقصـد اشبيليـة يرووح يكتـب .. اسبانيوٍل..!!

ولا يقول على مايضن . طيب حتى يوسف سيف يمكن كان يضن ان روبينيو ما انطرد

فمـآن اللـه