الاعضاء الاعزاء ... مساكم الله بالخير

اولاً .. معذره على التاخير في كتابة الموضوع واللي كن موعده امس ( السبت ) بس ترى السبب من مراسلنا ( مطنش ) واللي له من اسمه نصيب .
ثانياً .. هذا التقرير على لسان مراسلنا ( مطنش ) عن يوم حدث في الاستراحة ويقول فيه :

( مره من المراريت دخلت الاستراحه كالعادة ومير الاحظ ذيك الدخنه الغير طبيعية طالعة من بيت الشعر وينطلق اخوكم صاروخ تقولون الجمعان شايته وافتح الباب وش ظنكم طلع .. (خطا) هذا واحد من الشله يقاله ( النصاب ) طايح في ذا المعسل تقولون سياره مبوشه ( الله يرجك ) لا و 25 ساعه بالاستراحه . على فكره تراه صاحب اعلى مؤهل علمي في الشله ( سادسه ابتدائي ــ بس ضايعه ) المهم توني جالس ونطل علي وحده ( ما صدق على الله احد يجي ) وش يقول ؟؟؟ يقول ان يوسف الثنيان كان عنده من شوي ( وش لون ) يقول غلطان ولزم عليه الا يدخل واقنعه يشترك معنا بالاستراحه بعد :p اللي مجنني انه يقول وافق
جلس صاحبنا شغال ارانب على كيفكم واخوكم صاك اذنه ويقلب بالدش ( دجتل لا وبكرتين بعد) ;) ;) شوي الا وهذا ( التاجر ) داخل .. هذا طول الله اعماركم ــ عمرك طويل ــ شكراً ــ عزالله مقامك !!!! خوينا هذا شايف نفسه علينا بس من حقه توه مترق الى جندي (اجل وش كان) بس الرجل مواعدنا بعزيمه لا ومخيرنا بعد بين فوال الافراح وكبدة سعيد (هذي العزايم والا بلاش ) بعد ما جلس بثانيه لف عليه صاحبنا الاول ( النصاب ) واستلمه راجمات صواريخ :p
سلام عليكم صديق هذا حارس الاستراحه الهندي (وائل) جايب الشاهي تصدقون له سته شهور ما استلام راتبه بس مبسوط .
وفجاه يا جماعة الربع الا وش تشوف عينك زول حرمه مقبله علينا طاقه ذاك النقاب ووقفت بالباب وناظرتنا بعين وقالت .......... أأأأأأأههههههههه بعدين اكمل لكم تصبحون على خير .

معذره يا اخون هذا اللي وصلني من مراسلنا . موعدنا يوم الثلاثاء نشوف وش صار .

انتم وش ظنكم ؟؟؟؟؟؟؟



ورمضان كريم .