|
الــــــفـــــزعـــــــه يــــــالـــــربــــــع ؟؟ بسم الله الرحمن الرحيم . السلام عليكم ورحمة الله وبركاته أنا دراي إني دبلة تسبد :thumbup: , لكن عندي كم سؤال أتمنى وأرجوا من العلي القدير أن يهبلي واحد للإجابة عليها وإن حصل أكثر من واحد تكون فلة مفتله :D :D السؤال الأول ( حشى إختبارات :D :D ) .. س/ أنا ساهمت بكيان بــ 50 سهم , لأني كنت أحسب أكثر شي للشخص الواحد 50 بس , لكن لما عرفت أن الشخص يستطيع المساهمة بأكثر من كذا , قلت وأنا أبو فهد , السؤال هل أستطيع المساهمة مرة أخرى بنفس إسمي ؟ السؤال الثاني .. س/ كيان وأعمار وطقتها تُسمى إكتتاب صح , يعني السهم الواحد ساهمت فيه بــ 10 ريال مستحيل ينزل عن كذا أتمنى أجد شرح ؟ السؤال الثالث .. س/ واحد من الربع عنده 50 ألف ريال ( قولوا ماشاء الله :D ) , وأنا من اليوم وأنا أزن على راسه إنه يدخلهن بإكتتاب كيان , حتى لو كسب بالسهم الواحد ريال , لكن هو خائف , ماذا تنصحونه ؟ السؤال الرابع والأخير .. س/ الأن كيان لاأحد يستطيع أن يبيعها ولا يشتريها , ولا تنزل بالجرائد بالصفحة الإقتصادية , لكن إذا نزلت واستطاعوا الناس شرائها وبيعها ماذا تسمى , هل تسمى تداول , يعني الناس متى يستطيعون بيعها وشرائها من البنوك والصالات ؟ إعذروني , ترى خويكم ماعندكم أحد خصوصاً بالأسم , وآسف على الإطالة .. |
جواب السؤال الأول : الـ 50 سهم هي الحد الأدنى , ولو ساهمت مرة ثانية راح يلغون الاثنين ! بعدين ترى الأكتتاب خلص من زمااااان ! جواب السؤال الثاني : مافي شي اسمه مستحيل , سهم انعام ( المكيرش سابقاً ) نزل عن القيمة الأسمية للسهم والي هي 10 ريال ! وفي شركات كثيرة كان اكتتابها بعلاوة اصدار اضافية وشوفها الحين تحت سعر الأكتتاب ! بس سالفة ان سهم اكتتاب بعشرة ريال وينزل تحت سعره مع الأفتتاح صعب مرة مرة جواب السؤال الثالث : ماشاء الله على صاحبك , الخمسين الف كانت بتجيب له 5 الآف سهم وبعدين بيعطونه بس 3 الآف وبيرجعون الباقي فايض , وصدقني فوت على نفسه فرصة كبيييييييييييييييرة ! اسئل نفسك سؤال : السهم سعره عشرة ريال , وصاحبك بيعطونه 3 الآف سهم , والسهم يوم التداول فتح على 12 ريال ( استبعد هذا بس خل نكون متشائمين مرة مرة ! ) يعني صاحبك ربح ريالين في السهم وهو عنده اصلاً 3 الآف سهم , يعني كسبان 6 الآاف ! هذي مو بسيطة ! جواب السؤال الرابع : نعم , انتظر اعلان من الهيئة عن وقت تداول كيان ووقتها تقدر تبيع وتشري :p |
أولاً : الله يعطيك العافية وماقصرت وجزاك الله خير يالغالي .. ثانياً : خلاص الإكتتاب إنتهى يعني مافيه أمل خويي يكتتب .. ثالثاُ : ماهي أقرب إكتتاب راح ينزل .. الله يعطيك العافية وماقصرت يالغالي .. |
ايه , الأكتتاب انتهى وماعاد فيه آمل خلاص , بالنسبة لأقرب اكتتاب في اكتتابات لسبع شركات تأمين يوم السبت هذا وكله امهات عشرة ريال , نصيحة لا تخلي ولا شركة , بس في مشكلة صغيرة وهي ان كل اكتتاب بيتكفل فيه ثلاث بنوك بس , يعني انت وحظك وجسب بنكك وش يغطي :p |
إقتباس:
لكن الشركات التي ستنزل يوم السبت هل هي جائزة وماإسمها , ونفس أي إكتتاب ؟ وكيف طريقة كل ثلاث بنوك راح تتكفل بإكتتاب واحد , توضيح أكثر .. والأهم من ذلك هل الشركات جائزة , جزاك الله خير أخوي .. وياليت إيميلك لو تكرمت .. |
على فكرة حسابي في بنك الراجحي , وشركات تأمين , ماذا يقصد بها .. |
شوف , الموضوع بيطول على الطريقة هذي , تفضل هذا ايميلي ونتفاهم على الماسنجر في اقرب فرصة [email protected] |
اخوي اكتتابات التأمين محرمة .. ولكن فيه اكتتاب جبل عمر وهو جيد .. لكن بعد ماراح يقدر ياخذ غير 50 سهم لان بعد التخصيص اتوقع والعلم عند الله من 20-30 سهم للشخص وبيبدأ يوم السبت 9-6-2007 بعدين اخوي ابو ماكس تخصيص كيان كان 7000 سهم وليس 3000 سهم :) |
إقتباس:
مشكور على التصحيح ياطويل العمر :p |
: الله يعطيك العافية وماقصرت وجزاك الله خير يالغالي |
| الوقت المعتمد في المنتدى بتوقيت جرينتش +3.
الوقت الان » 06:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd