|
معهد الادارة العامه !!! وش فيهم ؟؟ السلام عليكم يا اخوان انا صارلي سنتين ونص وانا كل شوي اقدم على معهد الادارة العامه ومايقبلوني !! ليش :upset: :upset: لوني انقبلت كان متخرج !! اختبار القبول طبعا في قسم انجليزي وهو الاكثر وقسم عربي !! وانا اطلع من الاختبار وانا متاكد اني حال كويس لكن في النتايج مايطلع اسمي !! وش فيهم والله قهروني يعني يانهم يعتمدون على الواسطات ولا في امور اخرى لا نعلمها عن معهد الادارة !! طبعا انا اقدم على برنامج شبكات الحاسب الالي ونسبتي حلوه والقدرات حلوه بعد !! فالي منقبل في هالبرنامج يقولي وش قصة القبول !! يعني مايقبلون الا ناس عباقرة !! ترى راس مالها دبلوم :upset: ولازلت مصر وبقدم على اختبار القبول القادم في الصيف فمان الله |
والله ماعندي علم ولو إني أعرف أحد منهم كان خدمتك |
معهد الاداره سمعته ممتازه وخريجينه لهم الاولويه في الوظائف قبل غيرهم مع انهم دبلوم واعتقد في تصنيف الجامعات السعوديه ترتبيهم الثاني بعد جامعة البترول و المعادن |
وعليكم السلام إذا ماعندك واسطة ماتقدر تسوي شي |
طيب ليش مصر على معهد الادارة ؟ ماتقدر تمشي نفسك في اي جامعة |
ترى مع أنها دبلوم بس خريجينها على طول يلقون وظائف و بسرعه حتى يفضلونهم الشركات على خريجين الجامعه لأن نظام الدراسه عندهم صارمه إضافة لأنهم يدرسون تقريبا كل الأشياء المطلوبه في سوق العمل ,, و للعم تفضل الشركات على كلام واحد أعرفه يرجع بإعتبار أن أغلب خريجين الجامعات يطالبون برواتب أعلى من خريجين الدبلوم و دراسته معهد الإدارة تقريبا 80% من الي ياخذونه طلاب الجامعات شيء ثاني ترى معهد الإدارة يبيلها واسطه أعرف واحد من الشباب من حوالي خمس سنوات متخرج معي من الثانويه حاول يدخل فيها و لا قبلوه و راح و درس بجامعه الملك سعود بعد ما كمل فصل راح و قدم و لا قبلوه مره ثانيه و جاب واسطه قويه و قبلوه و أول ما تخرج توظف بسرعه بأحد البنوك بينما أنا لا أزال ادرس :D و الله يعينا لما نقدم على وظيفة |
معهد الادارة ما يقبلون الا بواسطة اخو صاحبتي داخل بواسطة واذا كان ماعندك واسطة لازم تحل جميع الاسئلة وتكون اجابتك صحيحة |
يعطيكم العافيه والله زهقنا من شي اسمه واسطه وفساد المشكلة اني اطلع من الاختبار واراجع اجاباتي 90% منها صحيحه !!! طيب ليش ما انقبل ؟؟ قبل كم شهر دخلت على مدير القبول قلتله على السالفه وقال قدم المره الجايه وانا براجع اجاباتك !! وبنشوف ان شاء الله يا انا يا هم اللي سئلني يقول ليش ماتمشي حالك في جامعة انا قبلتني كلية الهندسه في جامعه الملك سعود بس مالي رغبه في الهندسه ولا لي رغبه ادرس في الجامعه الغثيثه جامعة سعود انا ابي معهد الادارة ... عاد مسكت في راسي معهد هههههههههههه |
| الوقت المعتمد في المنتدى بتوقيت جرينتش +3.
الوقت الان » 04:49 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd