الاعب بشر يتقدم في السن وتقل حركته ونشاطه ورغبته حتى باللعب ...
وانا الاحظ من بعض جماهيرنا الحبيبه تكرر كلمة ( لاترحل ) لأي لاعب ناوي يعتزل ... اللاعب يحتاج منكم الدعاء له في حياته القادمه والشكر ويكفيه ذكراه الطيب في قلوبكم

لاترحل .. لاترحل .. لاترحل ... الى متى يعني ؟؟

تحياتي للجميع

ياخي يكفي اسمه في نادي الهلال وبين اللاعبين هذا كفااايه

انا معك الصراحه اللاعب اللي يبي يعتزل الله يسهل عليه ويبارك له بحياته وما نبي نقوله لا ترحل الا اذا كان مستواه زي مستوى مالديني بيطق الاربعين وتقول كنه توه بالعشرينات مو مثل لاعبينا يطق الثلاثين بالهجري مو الميلادي لاحظ وودك انه ما يلعب ولا ودك انه يعتزل من جد انا ما ابي نشوف كلمة لا ترحل ابي اشوف دعوه للتجديد بالنادي واعطاء الشباب فرصه وشاكر لك صاحب الموضوع .

إقتباس الرسالة الأصلية كتبت بواسطة وزيـ الهلال ـر ياخي يكفي اسمه في نادي الهلال وبين اللاعبين هذا كفااايه

حياك الله اخوي .. صحيح اذا كانت مهارته في الملعب نفس مهارته في الاداره او التدريب ..


شكرا على حظروك ومرورك اخوي هلالي ضرماء وهذي سنة الحياة

هذا وضع طبيعي ونتيجة طبيعية لضيق الافق الذي نعاني منه

على مستوى الجمهور وحتى المسؤولين مع الاسف ..


فهم يريدون ان يهين اللاعب نفسه وتاريخه - بحسن نية - او لنقل بسذاجة وهو يحاول ان يجاري من يصغرونه

بسنين بل ان بعضهم يقد يكون عمره يساوي ضعف عمر -- لاعب الخبرة -- ..


فهم بذلك يجعلون نهاية اللاعب اشبه ما تكون -- فرج من الله -- طال انتظاره

او لنقل انه على مبدأ -- كما ربّياني صغيرا -- فيجب ان نتحمله في كبرته زي ما كان نجم في صغره

ويعتقدون ان هذا يقتضي ان يكون لاعب في الفريق اساسي ..

هناك مراكز كثيرة من الممكن ان يكون فيها هذا اللاعب

كان تهئية ايها النادي وتتكفل بدراسته وتعيده مدرب للفريق وبذلك تكون قد عملت بمبدأ كما ربياني صغيرا

او يعود كمدير للكرة او اي منصب أخر يجعله مهئأ لدخول الوسط الرياضي في مركز يحفظ تاريخه وهيبته



لا يكلف الله نفساً الا وسعها وهذا امر طبيعي ان يكون لكل شيء نهاية ولكن النهايات تختلف

فزيدان انهى حياته الكروية بكل عزة وشرف وارغم الجميع على احترامه فلم يلقي بنفسه على الجماهير

ويقول -- تحملوني -- بل اعتزل وجعل الجمهور يطالبه بالبقاء ويلاحقه ..


من الغباء ان انهي موهبة شابه ستعطي لسنين لكي يشترك لاعب بلغ من العمر عتيا ولن يستمر طويلاً

والمفارقه تكمن ان اللاعب الخبير لم يصل لهذا للمستوى الا بعد ان اعطي الفرصة ومنذ ان كان صغيراً

الامر الذي نرفض ان نعمله مع الموهبة المظلومه ثم ناتي ونطالبه بمستوى ذلك اللاعب وتشوف مواضيع الجحلط

آآآآآآآآآآآآآآآآآآآآآآآآآآآآآه يا ( فلان ) وين ايامك وآآآآآآآآآآآآآآآآآآه يا ( علان ) وين لياليك


تحياتي

الله يوفق من اعتزل

والله اللاعب وجوده مهــــــــــــــم بالنادي اذا كان له شعبيه سواء باللعب او اداراه
لانه فيهـ بعض اللاعبين صعـــــــــــــــــــب جدا تعويضهم

راعد الصوت يشرفني ردك على موضوعي .. وبصراحه كلامك درر ..واتمنى نكون واقعيين اكثر مع الاحداث .. وعندنا (كجمهور ) ثقافه تشجيع كما اتمنى يكون هنالك ثقافه احترافيه لدى اللاعبين

احلا كلام شكرا لك والله يوفق من اعتزل واللى مابعد اعتزل= يوفق الجميع

شكرا لك اختي الشامخه على تعليقك لاكن شعبية اللاعب ماتعطيه الحق بااستلام منصب في النادي .. الكفائه هي اللى تحدد ملء فراغ اداري او فني وليست الشعبيه ولا كان يوسف الثنيان سد اكثر من فراغ في نادي الهلال ... والنصر بعد ..

شكرا لك اخوي (لولا الهلال ماعشت) على ردك وتاكد اننا نحبهم ومرات من كثر مانحبهم ودنا يعتزلون مثل اعتزال المصيبيح وزيدان.. وتاكد بعد اننا نحبهم من خلال الهلال ومانحب الهلال من خلالهم

إقتباس الرسالة الأصلية كتبت بواسطة ماجد بن زويد والله انك صااااااااااااااااااادق

شكرا لك اخوي ماجد على حضورك وردك ... ولاتحرمني من شوفتك يالغالي

الله يوفق جميع اللاعبيين المعتزلين في الهلال ومشكور اخوي على الموضوع الهادف