مـآصـل والخـط فـآصـل .. - نادي الهلال السعودي - شبكة الزعيم

a7b_yasser · #1 17/05/2007, 11:27 AM

يالله انك تصبحـهم بالخيـر ..

ما ادري وش بي يا ناس صايرن منب انام ابد

امس نايمن خمس ونص الفجر وقمت تسع ونص ينعن ام الحاله

المشكـله يقالي تهنيت عاد بهالاربع ساعات بس اتقلب ..

يضزرب الحب شو بيزل <= كل تراب لا اساقيك بالطفايه :p

مع اني احب المنتديات العامه وما بوش منتدى اشارك به الا اصير
مسنتر بالعام بس الزعيم الي ما ادري وش بي
عجزت اهضمـه شبكة الزعيم وبه مواضيع وناسه وفلة حجاج :p
كنت بس ادخل انصى منتدى الجمهور اشوف وش اخر الاخبار
واطلـع ما قد جاء على بالي ادخل المنتدى العام
ماش ما هضمتكم كنت احس انكم ما تبغـون ولا بـ ريال <= ما يعرف يزبد :p
بس يوم دخلت عندكم بذا وشسمه العام والله انكم صرتوا جماعتن كويسـه

عندكم مواضيعن تمزع التسبد من الضحك

هذا الي خلآن اجي احط عفشـي عندكم :p
بس بقولكم شي قبل ما وشسمـه
تطيرونبي وذا وتجون تقولون يالله حيه صبوا القهوه <= ياخوي كل تراب :p
تراي وشسـمه اعاني من شبه انفصام بالشخصـيه

يعني اصير ماسكن موضوع واحتسيبه اشوي واشطح على موضوع موب لم جاده :p
حبيت اقولكم من الحين عشآن ما تقولون وشسمـه وش به ذا نفس

انا ابلشني الله بزواجين واحد الليله والثاني بكرة
وامتحنوني اهلي من سوق لسوق لحد ما جتهم الزبده البارح <= بدري يالزبده :p

انكرفت كرف سيرلنكيه في بيت حمولة .. لا ابوها حاله لو اني بدخل والا قاط مع المعرس ما انكرفت هالكرف ..

وازبد وارعد قلت لهم ان ما خليتوني في حالي ترى صورتي بتصير جنبا بجنب مع ابتهال "الله مير يرجعها لاهلها" واجلسوا صايحوا حزتها ما دريت الا كيسه مليانه كرستالات تنهي ما تبقى من وسامة في وجهي

قبل شوي رحت لحقوق الانسان وللامانه رحت لمطعم بخاري ثم لحقوق الانسان قلت لهم عن وضعي وان اهلي فاهمين تواجد الولد في هالدنيا غلط وان شغلته ود وجب لا ابوها حاله اعطي الوالد دراهمه الي دفعها لي من جابني واعطي الوالده كرتون حليب والوجه من الوجه ابيض بس يخلوني في حالي وما يعاملوني تسني سيلانية عند حمولة

تعاطف معي حق حقوق الانسان وقال لي وش تبي بس نسفرك نرسلك لسفارتك قلت ايه مالها الا السفاره الايطالية هي الي بتحميني .. ما دريت الا وانا مشيوت ببوز حكيتها ومشيت تطبيقا للبيت الشهير "لا تترددن عن حك بوز صابك .. فان البوز بوز والاه اه"

ظلم اضطهاد حبوب كيرم ناقصة والخمسين ريال نسينا شكلها قولوا لي بالله وش اسوي اشق هدومي والا اذبح نفسي ..

كان ودي اصير ولد نعمه وخدودي متفخه وادخن دخان ابو خمسه ونص .... قتلوا احلامي في المهد واضاعوها كما يضيع كديش النصر الفرص ....

<= خش جو :p

ميـر ان اهلي صدز ما عندهم نيه يعقلون :p
يالله نمشيـها لهم يمونون بس ان زودوه بشوف لي تصرف ثاني <= اقول على تراب بس :p

الا اقـول وراه هالايام صايرتن طفـش

يا هو ضيقـة صدر وجون ما ينفع ولا بـ قرش

ونفسيتي زفت

آآآه يادنيـا

وين الحقيقة في هالزمان ..
الكل ماشي في طريقة ..
في دنيا مافيها أمـان ..
مدري إختلفنا مدري الزمن فينا إختلف ..
لو ما إعترفنا..
منهو فينا بيعترف؟؟
الحقيقة مالها وجه وملامح ..
لاتصالح .. لاتسامح ..
الحقيقة عن عيون الناس غابت ..
لارحمة في قلوب البشر ..
والكل عايش في حذر ..
الثقة ضاعت في أحضان السراب ..
والسؤال ماله في هالدنيا جواب ..
لا تصالح .. لا تسامح ..
الحقيقة عن عيون الناس غابت ..

خل نفصل كلمة طفش ذي الي صرنا نقوله هالايام واجـد ..

ط = طقة تسبـدي

ف = فله مآكو

ش = شراب العآئله

<= اقول ضف وجهك بس :p

والعنـه وش هالوجه

ما يسلفن وجهه اسبـوع بس

الله يلوم الي يلومهم لو تجيبون احلى مافي خشتي على مافي خششكم على مافي خشت الي هو ماغطينا على شعر راسه :p

ما الوم بناتنا يوم يعنسون <= يقولها وهو يناظر خشته في المرايه ثم بالتفاته سريعه لخشت هالباكستاني :p

بس تدرون اولا واخيرا باكستاني ريحة برتقال باقع في واحد من اسبوع :p
وتلقاه مايعرف نكتار ومعطرات الجسم يعني ان تكلف وسوا شي حط زيت زيتون مسحبه كل شي جسمه وشعره ووجهه :p

عـآد تصدقون

اهم شي الجوهر وليس المصيبيح

قصدي اهم شي الجوهر وليس المظهر

عني انا قالتها لي سميره توفيق

لو تلبس سروال سنه على فنيلة الاتفاق تئبرني وش زينك :p

اي راي بعد راي سميرة توفيق

في قريح :p

احس انكـم تقولون وش هالغثيث اول مره يقلط عندنا وكب عشآه :p
عشان كذا منب مطول عليكم مـره جايكم ان شاء الله بالكثيـر من مصآلتي :p

][ سبـ ح ـآنكـ آللهم وبـ ح ـمدكـ .. آشهد آلآ إله إلآ آنت .. آستـ غ ـفركـ وآتوب إليكـ ][

..

نـــــــ15ــــــمر · #2 17/05/2007, 11:32 AM

والله موضوعك طووووووووووووووويل يبيله رقان

برررررررررب

تشـــــــــــــــــــــــاو

هلالية حرة · #3 17/05/2007, 02:17 PM

قرييت كل الموضووع من أولله ليين أخره مرتييين وأنقلب راسي
بص ماافهمت إلا شييي واااحد أنك تبي نرحب بك معنا بالمجلس العااام

حياااك الله

أصيلة · #4 17/05/2007, 02:30 PM

ههههههههههههههههههههههههه.......موضوع رهييييييييييييييييب ...وش هالكلام

ايه عادي انكرف ...مو هذي شغلتكم يالأولاد ...وإلا تبونا حنا نسوق السيارة ههههه

::

وش الإبداع ...قصايد وحركات ....

تغار من الباكستاني ههههههه بس ماطلعت صورته ...

مشكووووووووووووور موضوع رائع ...ضحكتني وانا مالي خلق أضحك :p

هلاليه من الرياض · #5 17/05/2007, 03:30 PM

هلا فيك عندنا أسفرت وانورت

ياخي عادي اكرف محد قالكم تسوقون :p :p :p بعدين احسن لك من جلسة البيت والتبطح على الفاضي على الاقل اذا وديت اهلك وجبتهم يصير لك فايدة وماتكون عالة على المجتمع

Mr.DL5 · #6 17/05/2007, 04:00 PM

هلا والله بك في المقلط العام

وش هــ الحركتات قصايد وخواطر

على العموم حياك الله يالغالي معنا ..

وان شاء الله تفيد وتستفيد ..

مستر دلخ .. للدلاخة عنوان

القيصر رهيب · #7 17/05/2007, 04:04 PM

إقتباس


	كان ودي اصير ولد نعمه وخدودي متفخه وادخن دخان ابو خمسه ونص .... قتلوا احلامي في المهد واضاعوها كما يضيع كديش النصر الفرص ....

انتبه يالحبيب ترى قدامك تحويلة لاتطيح فيها

الكناري الأزرق · #8 17/05/2007, 04:49 PM

ههههههههه

راجع لك يالشين ..

الـمـشـاغـب · #9 17/05/2007, 09:27 PM

ـــهههههههههههههههههههــ

هلا وغلا بأحب ياسر عندنا بالمجلس العام

وينك لك فترة ما شفتك بمنتدى الجمهور؟

ما تنلام منتدى الجمهور خربوه علينا الأعضاء الجدد بمواضيعهم الشينة

المهم هلا بك مرتن ثانية..

ولي باك مع لب الموضوع ان شاء الله.. بس حبيت أرحب بك في البداية يالشين

برررررررب

a7b_yasser · #10 18/05/2007, 08:08 PM

<= قعد يحك عيونه ثلاث وستين ألف مره

وش ذا الموضوع له يومين يومين وما رد الا ثمانيه

نمـر 15 <= متعيجز يحط الخمس طعش بالنص :p

إقتباس


	والله موضوعك طووووووووووووووويل يبيله رقان برررررررررب تشـــــــــــــــــــــــاو

تيت :p

هلاليه بتشوت ضربه حره :p

إقتباس


	قرييت كل الموضووع من أولله ليين أخره مرتييين وأنقلب راسي بص ماافهمت إلا شييي واااحد أنك تبي نرحب بك معنا بالمجلس العااام حياااك الله

موب شي جديد :p
كل ابو دايم يقولون لي كذا اذا كتبت موضوع

بس تم التحذير مسبقا

شوفي :p

إقتباس


	تراي وشسـمه اعاني من شبه انفصام بالشخصـيه يعني اصير ماسكن موضوع واحتسيبه اشوي واشطح على موضوع موب لم جاده :p حبيت اقولكم من الحين عشآن ما تقولون وشسمـه وش به ذا نفس

ثوب الاصيـل :p

إقتباس


	ههههههههههههههههههههههههه.......موضوع رهييييييييييييييييب ...وش هالكلام

لا تمدحونن واجد تراي اخق بـ سرعه

<= اقول طس بس :p

إقتباس


	ايه عادي انكرف ...مو هذي شغلتكم يالأولاد ...وإلا تبونا حنا نسوق السيارة ههههه

سوقي ما احد ماسكتس

بس اهلي ما يسوقون

<= :p

إقتباس


	وش الإبداع ...قصايد وحركات ....

تشوفيـن انتي

إقتباس


	تغار من الباكستاني ههههههه بس ماطلعت صورته ...

وراه ما طلعـت

بس موب من البلا من عندتس

إقتباس


	مشكووووووووووووور موضوع رائع ...ضحكتني وانا مالي خلق أضحك :p

ايه زين خلين اضحك احد دامي منب اضحك

آآه بس

<= ما ودك تذلف :p

هلاليه تشجع الرياض <= فاهم غلط :p

إقتباس


	هلا فيك عندنا أسفرت وانورت

ايه بس حتسي ما شفنا شاهي ولا قهوه ولا حتة كاس ماء

إقتباس


	ياخي عادي اكرف محد قالكم تسوقون :p :p :p بعدين احسن لك من جلسة البيت والتبطح على الفاضي على الاقل اذا وديت اهلك وجبتهم يصير لك فايدة وماتكون عالة على المجتمع

انا موب عاله

يا شيخـه لا عادت على هالسواقه

صرت كني مثل ما ذكر اعلاه سلنكيه عند حموله

دلخ 6 6 6 :p

إقتباس


	هلا والله بك في المقلط العام

طيب تراي جوعان ما تكرمون الضيف انتم

وين جدي عنكم والله ان يلزخكم لو درى عنكم

<= :p

إقتباس


	وش هــ الحركتات قصايد وخواطر على العموم حياك الله يالغالي معنا .. وان شاء الله تفيد وتستفيد

..

الله يحييـك ( قلب كبر جبهة التسناري :p )

بيكنباور :p

إقتباس


	انتبه يالحبيب ترى قدامك تحويلة لاتطيح فيها

الحين انت بترجع ولا وشو بالظبط :p
شكـراً تصدق بغيت اطيح

التسـناري

إقتباس


	ههههههههه راجع لك يالشين ..

بإنتظارك يالمملـوح :p

المشـاغب <= ما قدر يطلع عليه شي

إقتباس


	ـــهههههههههههههههههههــ هلا وغلا بأحب ياسر عندنا بالمجلس العام

هلا بك والله

<= يا كرهه هالفيس

إقتباس


	وينك لك فترة ما شفتك بمنتدى الجمهور؟

ياخي وش نسـوي والله تشوف مواضيعن تجيب المرض

الله المستعان يا ايامي انا يوم اني اكتب بيوزر ابو ساره بس اني متخفي بهاليوزر :p

إقتباس


	ولي باك مع لب الموضوع ان شاء الله.. بس حبيت أرحب بك في البداية يالشين

بإنتظار بآكك يالزين

<=

شمووخ الهلال · #11 19/05/2007, 05:05 AM

اههههههههههههههههههههههههههع

اقوول بس

عندكمم سياره وماترضوون تودوونا السووق

طالبو بسياقه المره للسياره وشوفو اللي يجي ويقوول ودوونا السووق <<<طالبو اجل خخخخخ

والله انا شووي واصيح علشان يوودوني السووق اخلص بص<<يووقال عصبت خخخخخخخخخ

اي

هالحين انت تهذر تهذر تهذر
يعني وش فيك الحين تبي اهلك يسفروونك ولا شفيك <<تبي تتسطر اهع

اجل سميره سعيد قالت لك تئبرني خخخخخ

الله ير يسلمك ضحكتاااني باخر الليووول اهههع

ربي يضحك سنيناتك مثل ماضححكتني

الهلالي دائماً · #12 19/05/2007, 04:24 PM

هلا بك اخوي المبدع احب ياسر ...

ماشاء الله عليك كاتب مبدع وروائي ناجح وشاعر فحل ..

أسعدتني بتواجدك هنا في هذا المجلس تصب ابداعك كما يصب الماء في الكأس
>>> عليك اسلوب ياشيخ لاعمرك تشبه ;)

ومشكور يالغلا علا موضوعك الجميل و لا تشيل هم جبهة التسناري ترى الولد حبوب وحليل

وكما قيل : اهم شيء الاخلاق هههههههههه

الله يعطيك العافية ..
ودمتم سالمين ,,,

وين رايح · #13 19/05/2007, 05:31 PM

أنت ولد منتاز

هههههههههههههههههههههههههههههههه

بصراحه موضوع ملحوس عشرطعش في 100%

بس الخاطرهـ كلام تاني

واصل فأنت أحدى صفحات الأبداع الخنفشاري=شكلك تقرب لراعي البراديم

سلام

الهنوووف · #14 20/05/2007, 01:42 AM

هلا فيكـ خيوو

إقتباس


	ما ادري وش بي يا ناس صايرن منب انام ابد امس نايمن خمس ونص الفجر وقمت تسع ونص ينعن ام الحاله المشكـله يقالي تهنيت عاد بهالاربع ساعات بس اتقلب .. يضزرب الحب شو بيزل <= كل تراب لا اساقيك بالطفايه :p

عادي هذي صايره بكل الناس
مدري حتى انا تهقى ياخوي اننا نحب اجل

إقتباس


	واطلـع ما قد جاء على بالي ادخل المنتدى العام ماش ما هضمتكم كنت احس انكم ما تبغـون ولا بـ ريال <= ما يعرف يزبد :p

كنك تسبنا

اها بس

حياك الله والله
بس ترى الدله على النار اصبر شوووي

إقتباس


	انكرفت كرف سيرلنكيه في بيت حمولة .. لا ابوها حاله لو اني بدخل والا قاط مع المعرس ما انكرفت هالكرف ..

هههههههههههههههههههههههههههههههههههه الله يتكفل بك

عادي ياخوي تحمل
هذا احنا البنات دوران بالاسواق كن رجالن يحترينا بالكوشة

إقتباس


	كان ودي اصير ولد نعمه وخدودي متفخه وادخن دخان ابو خمسه ونص .... قتلوا احلامي في المهد واضاعوها كما يضيع كديش النصر الفرص ....

خيرها بغيرها ان شاء الله عيالك يطلعون خدودهن متفخات:p
عيال النعمه مو يدخنون مرتاحين نفسيا:p

بس ترى حتى البنات يكرفن بالبيوت اطبخي سوي حطي جيبي حطي مالت بس

تقال اندونسية مستاجرينها لين تروح بيت الزوج:p

إقتباس


	الا اقـول وراه هالايام صايرتن طفـش يا هو ضيقـة صدر وجون ما ينفع ولا بـ قرش ونفسيتي زفت

اندري ياخوي

والله ان العبره واصلتن اخر العين بس مابعد نزلت
طفش ملل

يجيب المرض

إقتباس


	آآآه يادنيـا وين الحقيقة في هالزمان .. الكل ماشي في طريقة .. في دنيا مافيها أمـان ..

الحسن هالي وشسمه الي فووق
انت كاتبه

ماصدق لو تحلف اسبوع

إقتباس


	والعنـه وش هالوجه ما يسلفن وجهه اسبـوع بس

الحين رواه يناظر وش يبي استحيت

يقولون انه زين بس مادخل مزاجي:p

إقتباس


	احس انكـم تقولون وش هالغثيث اول مره يقلط عندنا وكب عشآه :p عشان كذا منب مطول عليكم مـره جايكم ان شاء الله بالكثيـر من مصآلتي :p

لا بالعكس انبسطنـا

ماشاء روحكـ مرحه

وباذن الله مكسب للمجلس العام

الله يحيكـ اخووي وان شاء الله نعجبكـ وتنبسط معنـا

وشد حيلكـ نبي همتكـ معنـا خلك نشيط

>>> يعني اشرب حليب السعوديه:p
ولايضيق صدرك من عدد الردود بس تعرف توكـ ضيف جديد

لازم تتواصل مع الاعضاء ومواضيعهم

تخيل نفسك رايح بيت جديد :p
مو اول مره بتدخل المسجد بيسلم عليك عليك رجال رجالين بعد مايعرفونك بيسلمون الحاره كلهم
تخيلت الموقف
هذا مثل المنتدى كتبت موضوع وانت توك ضيف جديد
ماراح يسير عليك الا واحد اثنين لين يعرفونكـ

وش بعد

خلاص خلص كلامي
ايه صح

ترى الوانك مثل الواني الي اكتب فيها دايم غيرهاا

علشان يفرقون بينا :p >>>على كيفها:p

وان احتجت شي والا سلف والا استفسار حنا حاضرين :p >>تحسبه داخل مدرسه:p

بالتوفيــق خيوو

الهنووف
كانت
هنا
ورحلت

بنت فهد · #15 20/05/2007, 02:34 PM

حياك الله

موضوعك روووووووووعه