أنجدوني...أنقذوني... مايكروسوفت كفشوني وخربوا برامجي..!! - نادي الهلال السعودي - شبكة الزعيم

الـمـشـاغـب · #1 17/05/2007, 08:13 AM

بسم الله الرحمن الرحيم

السلام عليكم ورحمة الله وبركاته

وبعد:

يالله حي الكمبيوتريين والمبرمجين كلن باسمه واسم أبوه

<< جهازه رايح فيها وفرحان؟

المهم ندخل بالموضوع عشان ما يزعل علينا حسام بيك

لا تحسبون عنوان موضوعي لجذب وشد الانتباه... لا والله الظاهر أنه الصدق

السالفة الله يطول بأعماركم أن جهازي سويت له فورمات عند واحد هندي بالخبر الله ياخذه

وهالهندي حسبي الله عليه ما أدري وش سوى بالضبط في اللاب توب؟

بس اللي أعرفه أن صفحات الأنترنت تعلق بعض الأحيان معي..!!

استمريت على هالحالة والبرامج الباقية ما عليها خلاف..!!

بعدين طفشت من التعليق اللي يجي بصفحات الأنترنت

فتهورت يا أخوان وسويت حركة خطيرة أتحداكم تسوون مثلها

هالحركة هي أنه لما أغلقت صفحة الانترنت المستعصية وقمت بانهاء البرنامج طلب مني مراسلة المايكروسوفت

عاد أنا قلت آخر العلاج الكي .. وعلي وعلى أعدائي

وأرسلت لهم بالمشكلة وضغطت موافق..!!

توقعتهم طيبين وبيحلون لي المشكلة :p

وصرت كذا كل مرة أرسل لهم على بالي إذا أزعجتهم راح يدعموني فنياً

بس لاحظت في الفترة الأخيرة أن الريال بلير خرب وما صار يشغل بعض المقاطع

وحذفته كم مرة وركبته.. وصار يشغل أغلب المقاطع ما عدا مقاطع الـ ram

وفيه بعد كذا برنامج أركبه وما يضبط معي

والمشكلة الحين ملفات الوورد ما يفتح معي

أنا ما أعرف وش المشكلة بالضبط؟ ما ودي أظلم بيل جيتس ومايكروسوفت يمكن مالهم دخل بالسالفة :p

ويمكن من كثر البرامج اللي أركبها وأحذفها خرب علي الجهاز؟

بس ما أذكر أني سويت شي خرب الجهاز

أكيد أنه هاليهودي بيل جيتس حاقد علي الله ياخذه

===========================================

ما عليكم من كل اللي فوق.. وعطوني العلم الوكاد: :p

الحين مشكلتي وش هي منه؟

هل معقولة أن المشكلة كلها من مايكروسوفت؟

وهل ممكن أنهم يجيبون راسي لأن الويندوز حقي نسخة غير أصلية؟

وكيف أقدر أخلي الريال بلير يشتغل مثل أول؟ هو أهم برنامج .. لأن عندي 8 حلقات للمحقق كونان حملتها

وما قدرت أشوفها لليوم

وهل عندكم حل لملفات المايكروسوفت اللي ما تفتح معي؟ الوورد أهمها هو اللي يكفيني إذا تقدرون تحلون مشكلته.!

==========================================

ألف شكر لكم يالغالين... واعذروني على استرسالي بالشرح..!!

بس لازم أعلمكم بالسالفة كلها عشان تعرفون المشكلة وما تكثر أسئلتكم اللي مالها سنع

أمزح وربي

يالله يالغالين لا تخلوني من دون حل

أبي أشوف حلقات كونان قبل ما أفرمت الجهاز في العطلة

تحياتي للجميع..!