|
هل نحن في ملعب ام في صالة افراح !! السلام عليكم كيف حالكم يا زعماء غبت عنكم فتره بسبب بعض الظروف وها أنا الآن بين اخواني الزعماء الرابطه !! عندما يذهب الشخص منا الا الملعب لا يعلم هل هو ذاهب الى الملعب فعلاً ام الى صالة افراح !! هذه هي الحقيقه فالملاعب اصبحت مشابهة لصالات الافراح من ناحية ما يسمع فيها!! لو كنت لاعباً هل ستستمع الى الرابطه ام تضع تركيزك على المباراة ؟! بالطبع سوف تضع تركيزك على المباراة اذا ماذا سوف نستفيد من الرابطه اذا كان الاعبون وهم الذين لديهم كلمة الحسم في المباريات لا يعيرون الرابطة اي اهتمام رأينا ماذا حدث في مباراة الهلال وبختاكور التي اقيمت في الرياض وشاهدها الملايين عنما قام فئة من الجماهير بالرقص على انغام الرابطه بطريقة مخجله وكأنهم واعذروني على هذه الكلمه (بنات)!! نعم هذا هو الواقع !! لماذا (نزعل) من الحقيقه !! بصراحه انا عندما شاهدت ذلك المنظر نسيت المباراة بما فيها وتمنيت على الاقل لو اتى احد المسؤولين واخرج هذه الفئة التي لا تمثل جمهور الهلال !! دائما نسمع من جمهور الهلال كلمة جمهور اوربي وفريق اوربي سأتكلم عن كلمة جمهور اوربي التي يرددها الكثير .. هل رأيتم في يوم من الايام في مباراة ريال مدريد وبرشلونه مثلا طبولاً وسماعات ومراويس ومدري ايش !! بالتأكيد لا !! اذاً اذا كنا نريد ان نكون جمهور اوربي فيجب علينا فعلاً ان نفعل ما يفعله الجمهور الاوربي !! قد يقول قائل ان بعض الاهازيج تبث الروح في نفوس الاعبين!! اقول لك نعم ولاكن ركز على كلمة (بعض) وبالنسبة لاستقالة الاخ ابراهيم حقوي اتمنى انه يعود ولاكن ليس لقيادة الرابطه بل لقيادة الجمهور الهلالي ليكون المدرج الهلالي مدرجاً اوربياً فعلاً !! فمثلاً ينظم الحركات التي يفعلها الجمهور كالزلزال وغير ذلك في السابق وقبل ثلاث سنوات تقريباً لم يكن في مدرجات زعيمنا رابطه وكنا نحصد البطولة تلو البطوله وعندما نسمع اهازيجاً من الجماهير فهي تكون (جماعيه) اي كالجماهير الاوربيه التي تردد الاهازيج بدون رابطه و (طيران) و(مكرفونات) ومدري ايش !! اذاً نستنتج مما سبق انه لا يوجد اي فائده للرابطه !! وان السلبيات اكثر من الايجابيات .. قد يخالفني البعض فيما قلته ولاكن في النهاية اختلاف الرأي لا يفسد للود قضيه لاننا جميعا نبحث عن مصلحة زعيمنا ملاحظه: عندما اقول الرابطه فأنا اعني (الطيران) و (المكرفونات) و (الاغاني التي لا تسمع الا في قصور الافراح) و (المراويس) ومدري ايش من هذه ((((الخرابيط)))) !!!!! ساميو 722 |
الله يذكر أيام أول ايام الثنيان والتيماوي والغشيان ,, والله يذكر ابو علي بالخير اللي كان يطربنا بدون طيران ومكرفونات وهو المفروض يرجع :cry: :cry: والله فقدناااااه من زماااااااااااااااااااااااااااااااااااااااااااااااااااااااااااااااااااااااااان .. ادري انه يحضر بس توقف عن قولت ياهلال عزك عزنا .. اللي كانت تهز الملعب هز وتشوف الاعبين اذا سمعوا هالكلمه جابو هدف s13s ,, وصراحه حركه حقوي للتشجيع صارت ممله والدليل الكل يطالب بتغير الاهزوجه والخربطه هذي .. فرق اوروبا ما تشجع بالطبول والمراويس لان هذي الالات تستخدم فقط في الجزيره العربيه .. وهم يستخدمون الطبل اللي مثل طبل حماده المصري الله يشفيه هذي طريقة تشجيعهم في الملعب ولكن على فترات مهب مثل حقوي شوووووط الاول ازعاج وحماس والشوط الثاني ما يشجع الا اذا جاء هدف للهلال :yes: رأيي نرجع لطريقة ابو علي ياهلال عزك عزنا أفضل وهي التي تعودا عليها لاعبوا الهلال ,, تقبل مروري وأسف عالاطاااااله ,,, |
إقتباس:
وهذا الي كنت ابي اوصل له اننا نرجع لطريقتنا المعروفه والمميزه لنا عن غيرنا اما التشجيع الموجود حالياً فلا ينقصه سوى منصه حتى يتكامل قصر الافراح !! مشكور اخوي (الافضل) على المرور العطر ساميو 722 |
و عليكم السلام و رحمة الله و بركاته .. هلا ساميو .. إقتباس:
إقتباس:
طيب الان هم يبي يناظرون حركات الجماهير ؟ بالعكس لا كان يهاجم و يسمع التشجيع يتحمس .. مستحيل يهاجم و يناظر بحركات الجمهور .. رابطتنا فيها خلل .. اتفق معك .. ناظر رابطه الاتحاد وش لون تحمسني انا و تعرف الخلل اللي عندنا .. لا سمعت حسن القرني و هو يغني للاتحاد قسم من الحماس ودي اطب الملعب العب معهم :D عموما كلامك فيه تناقض .. وش لون بالاول تقول اللاعبين ما يسمعون الاهازيج و لا يهتمون فيها .. و بعدين تقول الله يذكرك بالخير يا علي كنت تحمس اللاعبين بجمله [[[ يا هلال عزك عزنا ]]] ..!! التسناري .. |
يعطيك الف عافيه والله كلامك سليم أحنا ما نبغى طق ورقص بالمرجات أحنا نبي الجمهور الي في المدرج كامل بصوت واحد مو في زاوية الملعب ويكون فيه تنظيم أفضل للحركات الاوربية الي للحين مو عارفين نطبقها صح تحياااااااااتي ......... |
كلام سليم |
إقتباس:
انا قصدي ان الاعبين اهتمامهم منصب على المباراة فمستحيل انهم راح يركزون على اللعب وعلى سماع اهازيج الرابطه وبالنسبه للبعض الي تقول خل نستفيد منه انا قلت ان فيه بعض الاهازيج الرائعه حقت ايام زمان (الي كانت تحمس الاعبين فعلاً) والي كان يرددها المدرج كامل مثل هلال هلال .. هو هو و يا هلال عزك عزنا الي كانت تميزنا عن غيرنا وهذي هي الاهازيج التي اتمنى انها تستمر وبالنسبه للحركات انا قلت ان جمهور الهلال دايم يقول نبي الجمهور يكون جمهور اوربي فأنا عطيتك مثال على بعض الحركات التي يطبقها الجمهور الاوربي مثل الزلزال والشالات وكذا والي تحتاج تنظيم بس عشان نطبقها واتوقع ان حقوي انسب شخص لتنظيم الحركات هذي اتمنى انك فهمت كلامي الحين الي ما اتوقع ان فيه تناقض زي ما تقول على العموم يشرفني ردك اخوي (التسناري) :D ساميو 722 |
إقتباس:
|
الهلال بدون رابطة افضل |
كلام سليم |
والله افضل افضل افضل شي في تحميس اللعيبة نجيب فرقه جنوبيه من عندنا ومعاهم عبده مرزوق وطقته:d |
والله حاله يوم راح حقوى صرتو تقولون بدون رابطه احسن هههههههههههههههههههههه وربى شى من جد يفشل طيب انت تدرى انه اكثر الناس يحضروه عشان الرابطه؟ قبل مايجي حقوى كلنا شفنا وشلون كان جمهور الهلال ضعيف جدأ جدأ والله يوفقك يا حقوى صدق خسرناك |
بالنسبة لإبراهيم حقوي طبعا يشكر على ما يقدمه للهلال بس انا رأيي مثل رأيك جمهور الهلال قبل الرابطة كان في تفاعل أكبر والتشجيع الجماعي لم نعد نسمعه في السابق كنا نسمع الجمهور يتفاعل مع كل كرة ولمسه للهلال تشعر أن التفاز يهتز من هذا الصوت اليوم تغير الوضع أنا ليس عدندي إعتراض على حقوي إلا أني أرى أن فكرة الرابطة لا فائدة منها |
كلام سليم ياغالي وبالتوفيق للهلال ان شاءالله |
إقتباس:
الله يحييك مره ثانيه ياساميو ومشكووووور على اتحافنا بهذا الموضوع الرائع و أوافقك الرأي تماماً ... مثلاً .. حط الرابطه المكونه من 20 أو 30 شخص يقودهم واحد بدفوف وطبول ومكبرات و كلش .. بين 10.000 مشجع متفاعل (للخصم) بدون هذا كله .. وتخيل وش راح يكون تأثيرهم ؟ .... لاشيييييء !! ياجماعة الخير .. اسمعوا جماهير شيلسي أو مانشستر كيف أداءهم الجماعي للهتافات والأغاني وبصوت واحد ويهز الملعب هز ... وبدون أدوات أو مكبرات .. هذا هو التأثير الواضح والإيجابي لجميع اللاعبين .. وشيء مطلوب و مهم جداً بحثاً عن التميز .. وهو ان لكل نادي هتافات وأغاني محدده ويكون متعارف عليها وغير وارد أبداً ان جماهير بعض الأنديه تؤدي هتافات الأخرى .. . وينحصر دور القائد إذا لزم الأمر في تأليف هتافات مخصصه وطرحها في الأسواق ليحفظها الجمهور وتكون معروفه ... وفي الملعب يبدأالقائد هتاف معين ويردده معه المحيط القريب منه ثم جميع الجمهور بشكل تلقائي .. والمفترض ان يكون كل من يحضر في الملعب ويسمع أن يتفاعل مع ذلك حتى يكتمل في الترديد جميع المدرج .. هذا التشجيع الإيجابي البعيد عن الإزعاج وصداع المكبرات وسلاااااااااااااامتكم ;) |
| الوقت المعتمد في المنتدى بتوقيت جرينتش +3.
الوقت الان » 12:26 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd