|
وش رايكم باللاعب .... ؟! السلام علكيم ورحمة الله وبركاته جماهير الزعيم الوفيه انا الاحظ هذي الايام كثر الحديث حول انتقالات اللاعبين وكل يوم اشوف موضوع يقول ما رايكم باللاعب الفلاني واللاعب العلاني وكما هو معروف في ان بالنادي درجة شباب وناشئين يعني كل موسم على الاقل المفروض يطلع لنا لاعب جديد في الفريق الاول لاكن ما نلاحضه ان النادي مر عليه فتره لم يضهر به لاعبين جدد في الفريق الاول من ابناء النادي واضن ان السبب هو انتم يا جماهير الزعيم يا من تكتبون ما رايكم بلاعب الفريق الفلاني و غيرهم من اللاعبين الهذه الدرجه نادي الزعيم على كبر شعبيته بالوطن ما فيه لاعبين يبرزون من النادي لازم كل موسم نجيب لاعب المفروض يا شباب نعطي ابناء النادي فرصه في الفريق وندعمهم ونشجعهم ولا نقسو عليهم حتى يشتد عودهم ويكسبون الخبره والثقه وبعد ذالك اذا اخطئو نحاسبهم اما اللي نشوفه الحين كل شوي ناطين الشباب وجايبين لي لاعب حتى لو برز فتره بسيطه يطالبون ان الاداره تجيبه هذا بدال ما تطالبون بابناء النادي والاولى هم بتمثيل الزعيم لانهم يكونون عشاق للزعيم من قلب مو اي لاعب من اي نادي ثاني ما نعرف ميوله وشهي ويمكن اذا جاك ما يبدع وتروح فلوس النادي على الفاضي . انا ااسف على الكتابه الركيكه الصراحه والغير مرتبه بس اتمنى انها تكون وصلة الفكر اي لا للاعبين القادمين من خارج النادي ونعم للاعبين ابناء النادي الشباب مثل الفريدي وغيره من شباب النادي وشكرا . |
يعطيك العافيه .. صراحه وبدون زعل كلامك طويل بس جميل وياليت انك مختصره ..:yes: لابد ان تأتي بلاعبين من أنديه أخرى لان من المستحيل يكون لديك فريق قوي في جميع النواحي .. يعني شباب الهلال أكيد فيه نقاط ضعف بلا شك ..والاان الهلال الاول لديه ضعف ولابد من تعزيزه بلاعب قوي ورائع مثال .. اتمنى لاعب الوحده هوساوي وهو لاعب في خانة فهد المفرج :) وهي نقطة ضعف الهلال الوحيده :) ..ومن ناحية نعطيهم فرصه أكيد بتجيهم فرصه كامله اللاعب الفنان والموهبه بيثبت وجوده مثل فهد مبارك واحمد الصويلح ... تقبل مروري .. واسف عالاطااااااله |
ولاتنسى العنقري نقطة ضعف واضحه وفاضحه |
فكرة حلووة ويا ليت انها تطبق |
إقتباس:
بالنسبه للالعبين اللي نجيبهم من الانديه الثانيه انا معك فيها بس مو عاد كل شوي ناط لي واحد من الجمهور وكاتب لي نبي اللاعب الفلاني ونخسر عليه ملايين على الفاضي خذ مثال فيه موضوع كاتبين نبي لاعبين الاتفاق القحطاني وبشير مع اني قد قريت ان بشير نصراوي . وكاتب ثاني يطالب بالموسى وهوساوي وضهير الشباب الايمن نسيت اسمه الصراحه يعني لو نجيب هذولي كلهم كم بنخسر عليهم من عقود وغيرها ياخي نجيب لاعبين شباب ونصبر عليهم شوي شرط ما يكلفون شي . اما نقطة اللاعب الفنان يثبت وجوده معك في هذي بس بالنسبه للدفاع وهي نقطة ضعف الهلال الواضحه والكبيره ما اضن فيه لاعب من شباب النادي يقدر يجي بالدفاع لان الدفاع يبيله واحد يصبر على الشتم وغيرها لان الخطى بهدف يعني لو مهاجم وضيع عادي بس لو مدافع واخطى وجاء هدف بيحطون الجماهير اللوم عليه عشان كذا من زمان ما طلع احد من النادي مدافع يمسك محل المفرج وخليل اذا تبي تحل الازمه اصبر على مدافع شباب لين يكسب خبره هوساوي برز لان نادي الوحده ما فيه جمهور كبير يحاسبه مثل جمهور الهلال . وشاكر مرورك الاكثر من رائع الصراحه . |
إقتباس:
ولكل منا وجهة نضر بس انا من رايي اذا فيه افضل من العنقري بالشباب انه يشارك ويعطى فرصه . شاكر مرورك . |
إقتباس:
|
والله صادق أخوووي لنا مدهـ ماشفنا لاعب من الناشئين أو الشباب مثلوا الهلال الفترهـ الحاليه كلها إنتقالات بكل صراحه |
تعبنا وحنا نتكلم ونطالب بالاعبين الشباب بس ان شاء الله الموسم الجاي بيلعب بعض الشباب |
والله الهلال عنده مواهب قويه جدا جدا حالين في درجة الشباب خصوصل في مركز الوسط عندك الفريدي صانع لعب على مستوى عالمي عبدالعزيز الدوسري وسط ايسر وهو حالين مع لمنتخب الاولمبي رغم صغر سنه ولعبه يشبه للشلهوب عندك صالح الدوسري محور متقدم اكثر من رائع نواف العايد صانع لعب اما في الهجوم عبدالعزيز الكلثم اما الدفاع حسن خيرات قلب دفاع سلطان البيشي قلب دفاع وغي الحراسه بدر الدعيع ( ابن عبدالله الدعيع كل هاؤلا نجوم بمعنى الكلمه وينتظرهم مستقبل كبيرجدا جدا ولاكن لازم ياخذون فرصه كامله مع شباب الهلال يعني الموسم الجاي هو الاخير لهم مع شباب الهلال والي بعده يدخلون للاول على طول على العموم شباب الهلال ما عنده لاعبين يعتمد عاليهم في الظهير الايمن ولا الظهير الايسر لهذا يجب ان نحضر لاعبين من خارج النادي وشكرا |
إقتباس:
والله عاااادي مادامه منك بقراه مره ومرتين وثلاث :) والله اخوي هـ ضرماء ـلالي اني أستانس اذا شفت مواضيع للنقاش مثل موضوعك هذا وطبعا هذا يدل على وعيك ,, من ناحية الاعضاء اللي يكتبون نبي اللاعب الفلاني صراحه أشوفه عاااادي بس كثرته وكل دقيقه نازل موضوع على نفس اللاعب ونفس الطلب هذي المشكله ,, ولاعب الشباب اسمه حسن معاذ :yes: وأداره الهلال ذكيه ومهب كل طلب يلبى ,, يعني مستحيل بنجيب القحطاني وصالح بشير وهوساوي وحسن معاذ ومالك معاذ صرنا نادي الاتحااااد وبعدين وش فايده القاعده الهلاليه اللي كل يوم يجيبون لاعب شاب ومسجلينه في شباب الهلال :) ,, انا واعوذ من كلمة أنا ودي بلاعبين سعوديين فقط صراحة هم هوساوي مدافع الوحده وحسن معاذ فقط وباقي اللعيبه مع أحترامي لهم ما نبيهم ,, قلت هاللاعبين لان مافيه لاعبين من شباب الهلال مثل مستواهم صراحه ,, وعبدالرحمن القحطاني انا معجب فيه بس لا ما بيه في الهلال لان عندنا الشلهوب وسعد ذياب من المواهب الهلاليه شف عشان ما تقول ظلمت شباب الهلال سعد ذياب لاعب موهوب وبيكون خليفة الشلهوب وتذكر كلامي:) وبس .. تراي طولت بالكلام عشان تقرا كلامي مثل ما قريت كلامك :D :D اسف جدا عالاطاله :p |
إقتباس:
شاكر مرورك يالغالي |
إقتباس:
|
إقتباس:
الله يوفق شباب الهلال وتتاح لهم الفرصه وشاكر مرورك . |
ياخي المرشدي موجود وهو اللي بيسد خانة المفرج بعدين من ناحية الاعبين الشباب ابشروا بالخير باكيتا رجع وانشاالله يسوي زي المواسم اللي راحت ويطلعلنا شباب |
| الوقت المعتمد في المنتدى بتوقيت جرينتش +3.
الوقت الان » 07:43 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd